PDF က လက်ဦးမှုယူ ပစ်ခတ်နိုင်လို့ ကင်းပုန်းလာဝပ်တဲ့ စစ်သား ၂ ဦးသေဆုံး၊ သေနတ် ၂ လက်ရ

“ကျနော်တို့ကလည်း ကင်းဝပ် သူတို့ကလည်း ကင်းဝပ်၊ သူတို့ဦးရင် သူတို့ဆော်မှာဆိုတော့ ခုက ကျနော်တို့ဦးတော့ သူတို့ခံလိုက်ရတာပေါ့။ အလောင်းကတော့ ခုထိလာမကောက်သေးဘူး” လို့ ပြောပါတယ်။

ပစ်ခတ်မှုကြောင့် အသက် ၂၀ ဝန်းကျင် စစ်သား ၁ ဦးနဲ့ အသက် ၃၀ ဝန်းကျင် စစ်သား ၁ ဦးသေဆုံးခဲ့ပြီး၊ သူတို့ကိုင်ဆောင်တဲ့ MA 1 သေနတ် ၁ လက်၊ AK 47 ၁ လက်၊ ၅.၅၆ မမ ကျည် ၁၅ တောင့်၊ ကျည်ဘောက် ၃ ခုသိမ်းဆည်းနိုင်ခဲ့ကာ သေနတ်တွေမှာ တပ်အမှတ်အသားတွေရေးမထားလို့ ဘယ်တပ်က ဆိုတာတော့မသိရဘူးလို့ ဆိုပါတယ်။

စစ်ကောင်စီဘက်ကတော့ သေဆုံးတပ်သားတွေရဲ့အလောင်းကို လက်ရှိအချိန်ထိ လာရောက်ကောက်ယူတာမရှိသေးဘဲ အင်အားဖြည့်တင်းနေတဲ့အတွက် စောင့်ကြည့်နေရဆဲအခြေအနေဖြစ်တယ်လို့ သူက ဆက်ပြောပါတယ်။

မူးတိမ်ချောင်းတံတားမှာ ရွာသစ်ကုန်းနဲ့ ပြင်ထောင်ရွာက ပျူစောထီးတွေနဲ့ စစ်ကောင်စီတပ်ဖွဲ့ ပူးပေါင်းကာ အထိုင်ချတပ်စွဲနေတာ တနှစ်နီးပါးရှိနေဖြစ်ပြီး ခင်ဦးမြို့နယ်အတွင်းမှာ မေလ ၈ ရက်နေ့ကတည်းက စစ် ကြောင်း ၂ ကြောင်းဝင်ရောက်ကာ ကျေးရွာတွေကိုမီးရှို့နေတာကြောင့် ဒေသခံ ၇၀၀၀ နီးပါး ထွက်ပြေးတိမ်းရှောင်နေရတယ်လို့ သိရပါတယ်။

စာတည်း - ရင်ငြိမ်း
#မြေလတ်အသံ