Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
ကင်းလှည့်နေတဲ့စစ်အုပ်စု တိုက်မိုင်းထိလို့ ၃ ဦးသေဆုံး၊ ၆ ဦးဒဏ်ရာရဟုဆို
စစ်ကိုင်းတိုင်း၊ ပုလဲမြို့နယ်၊ အင်မထီးရွာ ပျူစောထီးစခန်းက စစ်ကောင်စီတပ်ဖွဲ့ဝင်တွေနဲ့ပျူစောထီးတွေ မတ် ၂၆ ရက် မနက် ၁၀ နာရီအချိန်လောက်က တိုက်မိုင်းထိလို့ သေဆုံး၊ဒဏ်ရာရသူတွေရှိတယ်လို့ ပုံတောင် Tiger PDF က မတ်လ ၂၉ ရက်မနေ့က ထုတ်ပြန်ပါတယ်။
ပျူစောထီးရွာ စခန်းကနေ အနီးပတ်ဝန်းကျင်တဝိုက်ကို လှည့်ကင်းပတ်ချိန် အင်မထီးရွာအနီး လမ်းတနေရာမှာ PDF ဘက်က ထောင်ထားတဲ့ တိုက်မိုင်းထိတာဖြစ်တယ်လို့ PDF တာဝန်ရှိသူက ပြောပါတယ်။
"Royal Eagle အဖွဲ့က ထောင်ထားတဲ့ တိုက်မိုင်းမိတာပါ။ အင်းမထီးရွာရဲ့အနောက်မြောက်ဘက်နားမှာ ဖြစ်တာ။ ၂၈ ရက်နေ့မှ ပျူ ၂ ယောက်နဲ့ စစ်သား ၁ ယောက် သေတာနဲ့ ၇ ယောက်ဒဏ်ရာရတာ ပြန်သိရတယ်” လို့ သတင်းထောက်လှမ်းရေး တာဝန်ခံ အိုင်အိုဘခက်က မြေလတ်အသံကို ပြောပါတယ်။
တိုက်ခိုက်မှုကို ယင်းမာပင်ခရိုင် တပ်ရင်း-၇၊ ပုလဲမြို့နယ် တပ်ရင်း-၁၊ Royal Eagle တပ်ခွဲ-၂၊ ပုံတောင် TIGER PDF တို့က လုပ်ဆောင်ခဲ့တာ ဖြစ်တယ်လို့ သိရပါတယ်။
မတ်လ ၁၂ ရက်နေ့ကလည်း ပုလဲမြို့နယ် အထွေထွေအုပ်ချုပ်ရေးရုံးမှာ တပ်စွဲနေတဲ့ စစ်အုပ်စု လက်နက်ကြီးနဲ့ ပစ်ခတ်တိုက်ခိုက်ခံရပြီး ရဲတပ်ဖွဲ့ဝင် ၁ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
စာတည်း - ရင်ငြိမ်း
#မြေလတ်အသံ