Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကနီပညာရေးတာဝန်ခံမိသားစု အသတ်ခံရတဲ့ အမှုမှန်ပေါ်ပေါက်ရေး ဆန္ဒဖော်ထုတ်
စစ်ကိုင်းတိုင်း၊ ယင်းမာပင်ခရိုင်၊ ကနီမြို့နယ်ပညာရေးတာဝန်ခံ ဦးဝင်းဌေးတို့မိသားစု အသတ်ခံရတဲ့ကိစ္စနဲ့ပတ်သက်ပြီး အမှုမှန်ပေါ်ပေါက်ရေးအတွက် ဒီဇင်ဘာ ၅ ရက်မနက်ပိုင်းမှာ ဆန္ဒဖော်ထုတ်ခဲ့ကြတယ်လို့ ဦးဆောင်ပါဝင်သူတဦးဆီက သိရပါတယ်။
အမျိုးသားညီညွတ်ရေးအစိုးရ၊ ကနီမြို့နယ်ပညာရေးတာဝန်ခံ ဦးဝင်းဌေးတို့မိသားစု အသတ်ခံရတဲ့ကိစ္စနဲ့ပတ်သက်ပြီး ကျောင်းသား၊ ကျောင်းသူတွေနဲ့ ပညာရေးမိသားစုတွေ၊ ဒေသခံပြည်သူတွေအပါအဝင် အင်အား ၄၀၀ ကျော်က မနက် ၁၀ နာရီခန့်မှာ ဆန္ဒဖော်ထုတ်ခဲ့တယ်လို့ ဆိုပါတယ်။
" အမှုက စစ်နေတယ်။ ပြည်သူတွေက ဘာမှမသိရပါဘူး။ ဒီအမှုက သမားရိုးကျအမှုမျိုး မဖြစ်နိုင်ပါဘူး။ ပြည်သူတွေက ကြောက်ရွံ့ထိတ်လန့်မှုတွေ ရှိနေပါတယ်။ အမှုမှန်အမြန်ဆုံးပေါ် ပေါက်ဖို့ အခုလိုလှုပ်ရှားမှုလုပ်ရတာပါ" လို့ ဦးဆောင်ပါဝင်သူတဦးက ပြောပါတယ်။
ပြီးခဲ့တဲ့ ၂၀၂၄ နိုဝင်ဘာ ၄ ရက် ညပိုင်းမှာ ကနီမြို့နယ်ပညာရေးတာဝန်ခံတဦးလည်းဖြစ်သလို မြို့နယ်ပြည်သူ့အုပ်ချုပ်ရေးအဖွဲ့ဝင်တဦးလည်းဖြစ်သူ ဦးဝင်းဌေး၊ ဇနီးဖြစ်သူ မခြိမ့်ခြိမ့်သဲဝေ၊ ၃ လအရွယ် သမီး ရွှေဝတ်ရည်လွှာတို့ ၃ ဦးစလုံးကို တပုန်းကျေးရွာရှိနေအိမ်မှာ လည်ပင်းလှီးဖြတ်ဒဏ်ရာနဲ့ အသတ်ခံခဲ့ရတာပါ။
ဆန္ဒထုတ်ဖော်သူတွေက "CDM ကျောင်းဆရာ ဦးဝင်းဌေးမိသားစု သတ်ခံရမှု ဘာလဲ ဘယ်လဲ" ၊"ဦးဝင်းဌေးမိသားစု သတ်ခံရမှု အမှုမှန်ပေါ်ပေါက်ရေး အားလုံးကူညီပေး" စာသားပါ ပိုစတာအကြီးအသေးတို့ကို ကိုင်ဆောင်ပြီး မနက် ၁၁ နာရီအချိန်မှာ ဆန္ဒထုတ်ဖော်ပွဲ ပြီးဆုံးခဲ့တယ်လို့ သိရပါတယ်။
ပုံစာ - ဆန္ဒဖော်ထုတ်နေသူတွေကို တွေ့ရစဥ်။
စာတည်း - လင်း
#မြေလတ်အသံ
#စစ်ကိုင်း #ကနီ #ဦးဝင်းဌေ #လူသတ်မှု #ဆန္ဒဖော်ထုတ်
Share Share Share