Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကနီမှာ ရိက္ခာပို့လာတဲ့စစ်ကြောင်း တိုက်ခိုက်ခံရ
စစ်ကိုင်းတိုင်း၊ ကနီမြို့နယ်မှာ ရိက္ခာလာပို့တဲ့ စစ်ကောင်စီစစ်ကြောင်းကို မတ်လ ၁၈ ရက်ဒီမနက်မှာ PDF ပူးပေါင်းအဖွဲ့တွေက တိုက်ခိုက်ခဲ့တယ်လို့ ကျောက်လုံးကြီး KLG PDF က သတင်းထုတ်ပြန်ထားပါတယ်။
အင်အား ၇၀ ဝန်းကျင်ပါတဲ့စစ်ကြောင်းက ကနီမြို့ပေါ်ကနေ ပျူစောထီးတွေကြီးစိုးတဲ့ အလယ်ကျွန်းရွာကိုသွားချိန် လမ်းပိုင်းတခုမှာ ဒီမနက် ၈ နာရီလောက်က တိုက်ခိုက်ခဲ့တာလို့ ကျောက်လုံးကြီးတပ်ဖွဲ့ တာဝန်ရှိသူက ဆိုပါတယ်။
"သူတို့က ရိက္ခာပို့ဖို့ အလယ်ကျွန်းရွာကို ခြေလျင်သွားတာကို ကျနော်တို့က အလယ်ကျွန်းကိုမရောက်ခင် စောင့်ကြိုတိုက်ခိုက်ခဲ့တာပါ။ နှစ်ဘက်အပြန်အလှန် ပစ်ခတ်လို့ တိုက်ပွဲကြာချိန် တနာရီခွဲလောက်ရှိ ပါတယ်" လို့ ပြောပါတယ်။
တိုက်ပွဲအတွင်း စစ်အုပ်စုဘက်က ၃ ဦးထက်မနည်း သေဆုံးခဲ့တယ်လို့ ကျောက်လုံးကြီးတပ်ရဲ့ ထုတ်ပြန်ချက်မှာ ဖော်ပြထားပေမယ့် မြေလတ်အသံက သီးခြားအတည်မပြုနိုင်သေးပါဘူး။
အဲဒီတိုက်ခိုက်မှုမှာ ကျောက်လုံးကြီး KLG PDF အဖွဲ့၊ မဟာမိတ်တပ်ရင်း ၁၊ ၂၊ DRPA နဲ့ ဒေါင်းမျိုးဆက်အဖွဲ့အပြင် နယ်မြေခံပကဖတွေပါ ပူးပေါင်းတိုက်ခိုက်ခဲ့တာလို့ သိရပါတယ်။ ပြီးခဲ့တဲ့မတ်လ ၁ ရက်မနက် ၉ နာရီကလည်း ယင်းမာပင်မြို့နယ်၊ ကုန်းရွာကို မီးရှို့လာတဲ့ စစ်ကောင်စီတပ်တွေကို ကုန်းရွာနဲ့ စားတော်ပြင်ရွာကြားအရောက်မှာ တိုက်ခိုက်ခဲ့လို့ စစ်သား ၅ ဦးခန့် သေဆုံးခဲ့ပါသေးတယ်။
#မြေလတ်အသံ