Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကျွန်းလှနယ်က စာသင်ကျောင်းကို စစ်တပ်က လေကြောင်းတိုက်ခိုက်မှုပြုလုပ်၊ ကျောင်းဆင်းထားလို့ ကလေးများ အသက်ဘေးက လွတ်မြောက်
စစ်ကိုင်းတိုင်း၊ ကျွန်းလှမြို့နယ်၊ ရွာကုန်းကြီးရွာစာသင်ကျောင်းကို စစ်ကောင်စီက လေကြောင်းတိုက်ခိုက်မှု ပြုလုပ်သွားတယ်လို့ ဒေသခံတွေဆီက သိရပါတယ် ။
ဇွန် ၁၅ ရက် ဒီနေ့ နေ့လယ် ၁၂ နာရီကျော်လောက်မှာ တံတားဦးလေတပ်ကနေ တက်လာတဲ့ ဂျက်ဖိုက်တာ လေယာဉ်တစီးဟာ ရွာကုန်းကြီးရွာ စာသင်ကျောင်းဝန်းနဲ့ ဘောလုံးကွင်းထဲကို ဗုံးသီး ၂ လုံး ကြဲချတိုက်ခိုက်ခဲ့ရာ စာသင်ကျောင်းကို ဗုံးသီး ၁ လုံး ထိမှန်ပျက်စီးသွားပြီး ကျန် ၁ လုံးကတော့ မပေါက်ကွဲသေးဘဲ ကျန်ရှိနေတယ်လို့ ဆိုပါတယ်။
လေယာဉ်တက်လာတဲ့သတင်းကြားရလို့ ကလေးတွေကို ကျောင်းပေးဆင်းလိုက်တဲ့အတွက် ကျောင်းသူ၊ ကျောင်းသားတွေ အသက်ဘေးက လွတ်မြောက်ခဲ့တာလို့ ဒေသခံတွေက ဆိုပါတယ်။
" ကျောင်းသားတွေက တယောက်မှ မထိလိုက်ဘူး။ ကျောင်းဆင်းပြီး ၅ မိနစ်လောက်မှာ လာကြဲသွားတာ။ ကျောင်းကတော့ ရစရာမရှိတော့ဘူး။ လေယာဉ်သတင်းကြားကတည်းက ကလေးတွေကို အကုန်ပေးပြန် လိုက်တာ" လို့ ကျွန်းလှဒေသခံက ပြောပါတယ်။
လေကြောင်းကနေ ဗုံးကြဲခံရတဲ့စာသင်ကျောင်းဟာ အမျိုးသားညီညွတ်ရေးအစိုးရ NUG က ဖွင့်လှစ်ပေးထားတဲ့ကျောင်းဖြစ်ပြီး အဆိုပါကျောင်းဟာ Grade 12 အထိရှိတယ်လို့လည်း သိရပါတယ်။
အခုလက်ရှိ အချိန်မှာတော့ ရွာကုန်းကြီးရွာက ဒေသခံတွေဟာ ကျေးရွာထဲမှာ မနေရဲတော့ဘဲ ထွက်ပြေးတိမ်း ရှောင်နေကြတယ်လို့ ဆိုပါတယ်။
ရွာကုန်းကြီးရွာဟာ လေယာဉ်နဲ့ လာရောက်ပစ်ခတ်ခံရတာ အခုအကြိမ်က ဒုတိယအကြိမ်ဖြစ်တယ်လို့ သိရပါ တယ်။
စာတည်း -လင်းဇေ
#မြေလတ်အသံ
#စစ်ကိုင်းတိုင်း #ကျွန်းလှမြို့နယ် #ရွာကုန်းကြီး #စာသင်ကျောင်း #လေကြောင်းတိုက်ခိုက်
Share Share Share