Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ဂန့်ဂေါက နယ်မြေရဲကင်းကို သိမ်းပိုက်ရရှိပြီး စစ်ကောင်စီတပ်ဖွဲ့ဝင် ၁၀ ဦး အရှင်ဖမ်းမိထားကြောင်း ABSDF ပြော
မကွေးတိုင်း၊ ဂန့်ဂေါမြို့နယ်မှာရှိတဲ့ မင်းရွာရဲကင်းစခန်းကို နိုဝင်ဘာလ ၃ ရက် ဒီနေ့မနက်ပိုင်းက ဒေသကာကွယ်ရေးအဖွဲ့တွေဘက်က တိုက်ခိုက်ပြီး သိမ်းပိုက်ရရှိခဲ့တယ်လို့ ABSDF Column - 3 တာဝန်ရှိသူဆီက သိရပါတယ်။
အဲဒီရဲကင်းစခန်းကို ADSBFနဲ့ ဒေသခံကာကွယ်ရေး တပ်ရင်း၊တပ်ဖွဲ့တွေက ဒီမနက် ၆ နာရီလောက်မှာ တိုက်ခိုက်ခဲ့တာဖြစ်ပြီး ၉ နာရီခွဲလောက်မှာ စခန်းကို မီးရှို့ဖျက်စီးနိုင်ခဲ့တဲ့အပြင် စစ်ကောင်စီတပ်ဖွဲ့ဝင် ၁၀ ဦးကို အရှင်ဖမ်းမိထားတယ်လို့ ဆိုပါတယ်။
"ရဲတပွင့်ဗိုလ် အေးမင်းစိုးကသေတယ်။ အရှင်ဖမ်းမိတဲ့ ၁၀ ဦးက စိစစ်နေတုန်း " လို့ ABSDF Column - 3 မှ သတင်းပြန်ကြားရေးတာဝန်ခံကိုပြည့်ဖြိုးကျော်က ပြောပါတယ်။
လက်ရှိအချိန်ထိ အဆိုပါ မင်းရွာရဲကင်းစခန်းအဆောက်အဦတွေ မီးလောင်နေဆဲဖြစ်တယ်လို့လည်း သူက ပြောပါတယ်။
အလားတူ ဒီနေ့မနက်မှာလည်း ကောလင်းမြို့မရဲစခန်းကိုလည်း ဒေသခံပူးပေါင်းတပ်ဖွဲ့တွေက တိုက်ခိုက်ခဲ့သလို နိုဝင်ဘာလ ၂ ရက် မနေ့ကလည်း ကန့်ဘလူမြို့နယ်က ချပ်သင်းနယ်မြေရဲစခန်းကို ဒေသခံပြည်သူ့ကာကွယ်ရေးအဖွဲ့တွေက သိမ်းပိုက်ခဲ့ပါသေးတယ်။
စာတည်း - ရင်ငြိမ်း
မြေလတ်အသံ
#မကွေး #ဂန့်ဂေါ #ရဲကင်းစခန်း #တိုက်ခိုက်သိမ်းပိုက် #ABSDF #PDF #သတင်း #မြေလတ်သတင်း
Share Share Share