Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စစ်ဆင်ရေးအတွက် တပ်ချိန်းတဲ့ PDF တွေကို ပြည်သူတွေက ဂုဏ်ပြုကြိုဆို (ရုပ်/သံ)
စစ်ကိုင်းတိုင်း၊ ယင်းမာပင်ခရိုင်အတွင်းမှာ စစ်ဆင်ရေးကာလ တလကျော်ကြာအပြီး တပ်အချိန်းအပြောင်းလုပ်တဲ့ ရဲဘော်တွေကို လမ်းတလျှောက်မှာရှိတဲ့ ကျေးရွာတွေက ကြိုဆိုခဲ့ကြတယ်လို့ ယင်းမာပင်ခရိုင် တပ်ရင်း ၂၈၊ ဓားမဆိုင်းတပ်မတော်ဆီက သိရပါတယ်။
အဲ့ဒီရဲဘော်တွေဟာ ယင်းမာပင်ခရိုင်အတွင်းက စစ်ဆင်ရေးတခုမှာပါဝင် တိုက်ခိုက်နေတာဖြစ်ပြီး တပ်အချိန်းအပြောင်းပြုလုပ်ခဲ့ကြစဥ် စက်တင်ဘာ ၅ ရက်မှာ ပြည်သူတွေက အောင်သပြေပန်းများနဲ့ ဝမ်းသာအားရ ကြိုဆိုခဲ့ကြတယ်လို့ ဓားမဆိုင်းတပ်မတော် တပ်ရင်းမှူး ဗိုလ်စွမ်းက ပြောပါတယ်။
ဒါ့အပြင် ရဲဘော်တွေဟာ စစ်ဆင်ရေးပြီးဆုံးတာမျိုးမဟုတ်ဘဲ နေရာအချိန်းအပြောင်း လုပ်တာမျိုးဖြစ်တဲ့အတွက် တပ်ရင်းကိုပြန်ခွင့်မရသေးဘဲ တိုက်ခိုက်ရေးအတွက် ရှေ့တန်းစစ်မြေပြင်ကို ဆက်လက်ထွက်ခွာရမှာဖြစ်တယ်လို့လည်း သိရပါတယ်။
တည်းဖြတ် - HP
#မြေလတ်အသံ
#စစ်ကိုင်း #ယင်းမာပင် #ဓားမဆိုင်းတပ်မတော် #ပြည်သူ #ကြိုဆို
Share Share Share