Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စလင်းမှာ အုပ်ချုပ်ရေးမှူးတဦး သေနတ်နဲ့ ပစ်သတ်ခံရ
မကွေးတိုင်း၊ စလင်းမြို့နယ်မှာ စစ်မှုထမ်းဖို့ စစ်ကောင်စီဆီထံ စာရင်းပေးတဲ့ ကျေးရွာအုပ်ချုပ်ရေးမှူးကို သေနတ်နဲ့ပစ်သတ်ခဲ့တယ်လို့ ပြည်သူ့ကာကွယ်ရေးတပ်ဖွဲ့ (ပကဖ - စလင်း)က သတင်းထုတ်ပြန်ထားပါတယ်။
စလင်းမြို့နယ်၊ မန်ကျီးပြားအုပ်စု အုပ်ချုပ်ရေးမှူး အသက် ၅၀ နှစ် အရွယ်ရှိ ကိုအောင်ဌေးစိုးကို သူနေတဲ့ကျောက်ရဲကုန်းရွာမှာ သေနတ်နဲ့ ပစ်သတ်ခဲ့တာလို့ ဆိုပါတယ်။
‘’အုပ်ကြီးကို အိမ်ထဲဝင်ဖမ်းပြီး စစ်ဆေးနေတုန်း ထွက်ပြေးလို့ သေနတ်နဲ့ ပစ်သတ်ခဲ့တာ ပွဲချင်းပြီးသေသွားတယ် “ လို့ ပကဖ စလင်းရဲ့ သတင်းတာဝန်ခံ ရဲဘော်အောင်ဆန်းက ပြောပါတယ်။
ကိုအောင်ဌေးစိုးဟာ မန်ကျီးပြားအုပ်စုထဲက လူငယ်သုံးဦးကို စစ်မှုထမ်းဖို့ စစ်ကောင်စီထံ စာရင်းပေးထားတဲ့အပြင် တော်လှန်ရေးတပ်ဖွဲ့တွေကို စုံစမ်းပြီး စစ်ကောင်စီထံ သတင်းပေးတာတွေလည်း ပြုလုပ်ခဲ့တယ်လို့ သူက ဆက်ပြောပါတယ်။
အလောင်းကို အဲဒီညမှာပဲ တော်လှန်ရေးတပ်ဖွဲ့တွေက မြေမြှုပ်သင်္ဂြိုဟ်ပေးခဲ့တယ်လို့ ဆိုပါတယ်။
အဲဒီတိုက်ခိုက်မှုကို ပြည်သူ့ကာကွယ်ရေးတပ်ဖွဲ့ (ပကဖ - စလင်း) နဲ့ ဒေါင်းစစ်အောင် Local PDF တို့ ပူးပေါင်းကာ တိုက်ခိုက်ခဲ့တာလို့ ဆိုပါတယ်။
ပြည်သူ့ကာကွယ်ရေးတပ်ဖွဲ့ (ပကဖ - စလင်း)ဟာ ပြီးခဲ့တဲ့ မတ် ၂၆ ရက် ညကလည်း စလင်းမြို့နယ် တညောင်တိုက်နယ်၊ ကျွဲခြံအုပ်စုထဲမှာ ပြည်သူ့စစ်ထဲဝင်ဖို့ စည်းရုံးနေတဲ့ ပျူစောထီးခေါင်းဆောင် ကိုမြင့်အောင်ကိုလည်း သေနတ်နဲ့ ပစ်သတ်ခဲ့ပါသေးတယ်။
ပုံစာ - အုပ်ချုပ်ရေးမှူး အောင်ဌေးစိုးရဲ့ အလောင်း။
စာတည်း - လင်းဇေ
#မြေလတ်အသံ
#မကွေးတိုင်း #စလင်းမြို့နယ် #စစ်မှုထမ်း #စစ်ကောင်စီ #ကျေးရွာအုပ်ချုပ်ရေးမှူး #ပစ်ခတ်ရှင်းလင်း
Share Share Share