Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ညောင်ဖြူပင်ရဲစခန်းတိုက်ပွဲမှာ စစ်ကောင်စီတပ်ဘက်က ၅ ဦးဒဏ်ရာရ (ရုပ်/သံ)
စစ်ကိုင်းတိုင်း၊ မုံရွာခရိုင်၊ မုံရွာ-အမြင့်လမ်းဘေးရှိ ညောင်ဖြူပင်ရဲစခန်းမှာတပ်စွဲထားတဲ့ စစ်သား၊ ရဲနဲ့ပျူစောထီး အင်အား ၅၀ ခန့်ကို ကာကွယ်ရေးတပ်ဖွဲ့တွေ သွားရောက်တိုက်ခိုက်ခဲ့တယ်လို့ ယင်းမာပင်ခရိုင် တပ်ရင်း ၃၊ တပ်ခွဲ ၃ ဆီက သိရပါတယ်။
အဲ့ဒီရဲစခန်းကို ဒီဇင်ဘာ ၂၅ရက် ညနေ ၄ နာရီခွဲအချိန်ခန့်မှာ M79 လောင်ချာ ၄၀ မမဗုံးသီး ၂ လုံးနဲ့ စတင်ပစ်ခတ်ခဲ့ပြီး မိနစ် ၃၀ ကျော် နှစ်ဖက်တိုက်ပွဲဖြစ်ပွားခဲ့တယ်လို့ ဆိုပါတယ်။
တိုက်ပွဲဖြစ်နေချိန်အတွင်း မုံရွာ-မန္တလေးကားလမ်းမပေါ်မှာရှိတဲ့ မအူဂိတ်စခန်းနဲ့ တောပုပျူရွာဘက်က ၆၀ မမ၊ ၈၀ မမ လက်နက်ကြီးတွေနဲ့ ပစ်ကူပေးခဲ့ပေမယ့် တပ်ဖွဲ့ဝင်တွေ ထိခိုက်တာမရှိခဲ့ဘူးလို့ ယင်းမာပင်ခရိုင် တပ်ရင်း ၃၊ တပ်ခွဲ ၃ တပ်ခွဲရုံးအုပ် ရဲဘော် မန်းဒွဏ်း က ပြောပါတယ်။
အဲ့ဒီတိုက်ပွဲမှာ စစ်တပ်ဘက်က ဒဏ်ရာရသူ ၅ ဦးကို ညောင်ဖြူပင်ရဲစခန်းနဲ့ ၂ မိုင်ခန့်အကွာမှာရှိတဲ့ တောပုရွာဘက်ကို ဆေးကုဖို့ ခေါ်သွားတယ်လို့ သူက ဆက်ပြောပါတယ်။
ဒီတိုက်ခိုက်မှုကို ယင်းမာပင်ခရိုင် တပ်ရင်း ၃၊ တပ်ခွဲ ၃၊ မုံရွာခရိုင်တပ်ရင်း ၁၊ ကျေးရွာပကဖ အဖွဲ့ဝင်တွေ ပူးပေါင်းတိုက်ခိုက်ခဲ့တယ်လို့ ဆိုပါတယ်။
ပြီးခဲ့တဲ့ ဒီဇင်ဘာ ၁၅ ရက်ကလည်း မုံရွာမြို့နယ် မအူဂိတ်အနီး မြေနဲရွာနဲ့ တံတားဖြူရွာအကြား မုံရွာ-ချောင်းဦးလမ်းမှာ စစ်တပ်ယာဉ်တန်းကို ညနေပိုင်း ၅ နာရီခန့်မှာ မိုင်းဆွဲတိုက်ခိုက်ခဲ့တယ်လို့ သိရပါတယ်။
တည်းဖြတ် - HP
#မြေလတ်အသံ
#စစ်ကိုင်း #မုံရွာ #ညောင်ဖြူပင်ရဲစခန်း #တိုက်ပွဲ
Share Share Share