တန့်ဆည်မြို့ပေါ်တိုက်ပွဲ ၁၀ နာရီကျော်ကြာပြင်းထန်နေပြီး စစ်တပ်က ၂ ကြိမ် လေကြောင်းပစ်ကူပေးထား

စစ်ကိုင်းတိုင်း၊ တန့်ဆည်မြို့ပေါ်မှာ စစ်ကောင်စီတပ်နဲ့ ကာကွယ်ရေးပူးပေါင်းတပ်ဖွဲ့တို့အကြား တိုက်ပွဲပြင်းထန်နေပြီး စစ်ကောင်စီဘက်က လေကြောင်းပစ်ကူ ၂ ကြိမ်ပြုလုပ်ထားတယ်လို့ ကာကွယ်ရေးတပ်ဖွဲ့ဝင်တွေဆီက သိရပါတယ်။၏

နိုဝင်ဘာ ၂၈ ရက်မနေ့ ည ၁၁ နာရီ ၄၅ မိနစ်ကစတင်ကာ တန့်ဆည်မြို့ပေါ်က စစ်ကောင်စီတပ်ဖွဲ့တွေ အထိုင်ချထားတဲ့ ဝန်ထမ်းအိမ်ယာ၊ ထွေအုပ်ရုံး၊ ရဲစခန်း စတဲ့နေရာတွေကို ကာကွယ်ရေးတပ်ဖွဲ့တွေက ဝင်ရောက်တိုက်ခိုက်နေတာဖြစ်ပြီး တိုက်ပွဲကြာချိန် ၁၀ နာရီကျော်ရှိပြီဖြစ်ပါတယ်။

“ ရဲစခန်းကိုဝင်သိမ်းတဲ့အချိန် လေယာဉ်နဲ့လာပစ်တော့ သိမ်းလို့မရသေးပါဘူး။ အခုလည်း ကန့်ဘလူဘက်ကနေ ဟောင်ဝစ်ဇာတွေနဲ့ ပစ်ကူပေးနေတယ်။ ရေဦးဘက်ကနေလည်း စစ်ကူတွေလာဖို့ပြင်နေတယ်။ တိုက်ပွဲက ပြင်းထန်နေဆဲပါ”လို့ တန့်ဆည်ပြည်သူ့ကာကွယ်ရေး တပ်ဖွဲ့ဝင်တဦးက ပြောပါတယ်။

လက်ရှိအထိ တိုက်ပွဲကဆက်လက်ပြင်းထန်နေပြီး စစ်ကောင်စီဘက်က ထိခိုက်သေဆုံးသူများလို့ မနက် ၆ နာရီ မှာတကြိမ်၊ ၈ နာရီ ၅၁ မိနစ်မှာတကြိမ် တိုက်လေယာဉ်တစီး၊ Mi-35 ရဟတ်ယာဉ်တစီးနဲ့ လာရောက်ပစ်ကူပေးခဲ့တယ်လို့ ဆိုပါတယ်။

တိုက်ပွဲ နောက်ဆက်တွဲအခြေအနေ အသေးစိတ်ကို ဆက်လက်ဖော်ပြပေးသွားပါမယ်။

စာတည်း - ရင်ငြိမ်း

#မြေလတ်အသံ

#စစ်ကိုင်း #တန့်ဆည် #ကာကွယ်ရေးတပ် #စစ်ကောင်စီ #တိုက်ခိုက် #လေကြောင်းပစ်ကူ #သတင်း #မြေလတ်သတင်း