Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ထိတွေ့ပစ်ခတ်မှုမရှိဘဲ ပေါက်က နေအိမ်တွေကို စစ်တပ်ကမီးရှို့ဖျက်ဆီး
မကွေးတိုင်း၊ ပေါက်မြို့နယ်၊ အုန်းတောရွာကို စစ်ကောင်စီတပ်ဖွဲ့တွေက ထိတွေ့ပစ်ခတ်မှုမရှိဘဲ မေလ ၂၂ ရက် မနေ့ကမနက် ၁၀ နာရီလောက်မှာ ဝင်ရောက်မီးရှို့ခဲ့တယ်လို့ ဒေသခံတွေဆီက သိရပါတယ်။
အင်အား ၃၀ နီးပါးရှိတဲ့ စစ်ကောင်စီစစ်ကြောင်းဟာ အုန်းတောရွာထဲကို လက်နက်တွေပစ်ဖောက် ဝင်ရောက်လာပြီးနောက် နေအိမ်တွေကိုမီးရှို့ခဲ့ကာ နေ့လယ် ၁ နာရီလောက်မှာတော့ အုန်းတောရွာနဲ့ တမိုင်ကျော်လောက်ဝေးတဲ့ ယာကြီးပြင်(ပျူရွာ)ကို ပြန်လည်ဝင်ရောက်သွားတယ်လို့ ပေါက်နယ်သားတဦးက ပြောပါတယ်။
“မီးထဲပါသွားတဲ့အိမ်ခြေကတော့ အတိအကျမသိရသေးဘူး။ ရွာသူရွာသားတွေကတော့ အဆင်ပြေလောက်တဲ့ နေရာတွေမှာ ထွက်ပြေးတိမ်းရှောင်နေရတယ်။ အခုအချိန်ထိလည်း ရွာထဲကို မဝင်ရဲသေးဘူး၊ ဘာလို့လဲဆိုတော့ ရွာနဲ့ ပျူစောထီးရွာက ချောင်းတချောင်းပဲခြားတာ” လို့ ဆိုပါတယ်။
အခုလို စစ်ကောင်စီကစစ်ကြောင်းထိုးပြီး နေအိမ်တွေကို လိုက်လံမီးရှို့ဖျက်ဆီးနေတဲ့အတွက် အုန်းတောရွာနဲ့ အိုင့်ကိုင်းရွာက ဒေသခံတထောင်နီးပါးဟာ နီးစပ်ရာကျေးရွာတွေမှာ ထွက်ပြေး တိမ်းရှောင်နေရတယ်လို့ ဆိုပါတယ်။
အိမ်ခြေ ၁၄၀ နီးပါးရှိတဲ့ အုန်းတောရွာဟာ အခုလိုမီးရှို့ဖျက်ဆီးခံရတာ ၄ ကြိမ်မြောက်ရှိပြီ ဖြစ်ပါတယ်။ ၂၀၂၃ ခုနှစ်၊ ဖေဖော်ဝါရီလမှာ နေအိမ် ၇ လုံး၊ မတ်လ ၅ ရက်မှာ နေအိမ် ၁၂ လုံး၊ မတ်လ ၉ ရက်မှာ ၁၁ လုံးမီးရှို့ခံခဲ့ရတာလည်း ဖြစ်ပါတယ်။
စာတည်း − လင်း
#မြေလတ်အသံ
#မကွေး #ပေါက် #စစ်ကောင်စီ #မီးရှို့ဖျက်ဆီး