Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
နတ်တလင်းမြို့နယ် ဆီဆုံကုန်းရွာကို စစ်ကောင်စီကစီးနင်းပြီး ရွာသားတချို့ကို သတ်ဖြတ်
ပဲခူးတိုင်းအနောက်ခြမ်း၊ နတ်တလင်းမြို့နယ်အတွင်းက ဆီဆုံကုန်းရွာကို စစ်ကောင်စီစစ်ကြောင်းက ဝင်ရောက်စီးနင်းပြီး ရွာသားတချို့ကို ဖမ်းဆီးသတ်ဖြတ်ခဲ့တယ်လို့ ဒေသခံတော်လှန်ရေးတပ်ဖွဲ့ဆီက သိရပါတယ်။
အဆိုပါ စစ်ကောင်စီစစ်ကြောင်းဟာ နတ်တလင်းမြို့နယ်၊ ဒမငယ်ရွာမှ ဆီဆုံကုန်းရွာကို ဇန်နဝါရီ ၁၆ ရက် မနက် ၆ နာရီခွဲလောက်မှာ ပျူစောထီးအပါအဝင် အင်အား ၇၀ ဦးကျော်နဲ့ သေနတ်ပစ်ဖောက် ဝင်ရောက်လာပြီး ကျေးရွာအတွင်းက ကိုကျော်ကျော်၊ ကိုမင်းထိုက်၊ ကိုသန်းဇော်ဝင်းနဲ့ ကိုချက်ဖောင်းတို့ကို ဖမ်းဆီးပြီး ၃ ဦးကို သတ်ခဲ့တယ်လို့ ဆိုပါတယ်။
“ကျော်ကျော်၊ မင်းထိုက်နဲ့ သန်းဇော်ဝင်းတို့ အဲဒီနေ့မှာပဲ သတ်ခဲ့တာပါ။ ကိုချက်ဖောင်းက အဲဒီနေ့ကပဲ ပြန်လွတ်လာတယ်။ သူ့(ချက်ဖောင်း)ရဲ့ ပိုက်ဆံ၊ ဆိုင်ကယ်၊ ဖုန်းနဲ့ ဝက်သားတွေ အကုန်အသိမ်းခံရတယ်။ အကုန်လုံးက အရပ်သားတွေပါ။” လို့ Phoenix DF ရဲ့ ပြန်ကြားရေးတာဝန်ခံက ပြောပါတယ်။
အဆိုပါ စစ်ကောင်စီစစ်ကြောင်းဟာ ဆီဆုံကုန်းရွာကို တိုက်ပွဲဖြစ်ပွားခြင်းမရှိဘဲ ဝင်ရောက်စီးနင်းတာဖြစ် တယ်လို့ သူက ဆက်ပြောပါတယ်။
လက်ရှိမှာ အိမ်ခြေ ၅၀၀ ကျော်ရှိတဲ့ ဆီဆုံကုန်းရွာမှာ စစ်အုပ်စုက တပ်စွဲထားတဲ့အတွက် ရွာသား ၃,၀၀၀ ဝန်းကျင် ဘေးလွတ်ရာကို ထွက်ပြေးနေရတယ်လို့ ပြောပါတယ်။
ပြီးခဲ့တဲ့ ဒီဇင်ဘာ ၂ ရက်ကလည်း ဆီဆုံကုန်းရွာကို စစ်ကောင်စီတပ်က ယာယီတပ်စွဲထားတဲ့ ကျောက်ပြုတ်ရွာကနေ လက်နက်ကြီးနဲ့ပစ်လို့ အမျိုးသမီး ၁ ဦး သေကာ အသက် ၂ နှစ်အရွယ်ကလေးအပါအဝင် ၈ ဦး ဒဏ်ရာရ ခဲ့ပါသေးတယ်။
ပုံစာ - စစ်ကောင်စီ ဝင်ရောက်စီးနင်းကာ ကျေးရွာသားတွေအသတ်ခံရတဲ့ ဆီဆုံကုန်းရွာ။
စာတည်း - လင်းဇေ
#မြေလတ်အသံ
#ပဲခူးတိုင်း #နတ်တလင်း #ဆီဆုံကုန်းရွာ #စစ်ကောင်စီ #စစ်ကြောင်း
Share Share Share