Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ပုလဲနယ်က စစ်ရှောင်ကိုယ်ဝန်ဆောင်မိခင် ၄ ဦးကို ငွေကြေးထောက်ပံ့
စစ်ကိုင်းတိုင်း၊ ပုလဲမြို့နယ် စစ်ရှောင်စခန်းက ကိုယ်ဝန်ဆောင်မိခင် ၄ ဦးကို အောက်တိုဘာ ၂၄ ရက် က ငွေကြေးထောက်ပံ့ကူညီပေးခဲ့တယ်လို့ ပုလဲမြို့နယ် အမျိုးသမီးလူငယ်နဲ့ ကလေးသူငယ်ဆိုင်ရာအဖွဲ့ဆီက သိရပါတယ်။
ပုလဲမြို့နယ်၊ ဇီးဖြူကုန်းကျေးရွာနဲ့ အင်မထီးပျူရွာတွေကနေ ၂ နှစ်နီးပါး စစ်ရှောင်နေကြတဲ့ ကိုယ်ဝန် ဆောင်အမျိုးသမီး ၄ ဦးကို ထောက်ပံ့ပေးခဲ့တာလို့ ဆိုပါတယ်။
"စစ်ရှောင်ကိုယ်ဝန်ဆောင်မိခင်တွေကို ပထမဆုံးထောက်ပံပေးတာပါ။ သူတို့မှာ အခက်အခဲတွေက မျိုးစုံရှိနေကြတယ်။ လိုအပ်တာ သုံးလို့ရအောင် တတ်နိုင်သမျှ ထောက်ပံ့ပေးတာပါ" လို့ တာဝန်ခံ မအိသူသူမောင်က မြေလတ်အသံကို ပြောပါတယ်။
အင်းမထီးစစ်ရှောင်စခန်းမှာ ၃ ဦးနဲ့ ဇီးဖြူကုန်းစစ်ရှောင်စခန်းမှာ ၁ ဦး စုစုပေါင်း ၄ ဦးဖြစ်ပြီး ကိုယ်ဝန်ဆောင် မိခင် ၁ ဦးကို ၅၀,၀၀၀ ကျပ်ထောက်ပံ့ပေးခဲ့တာဖြစ်တယ်လို့ သူမကဆက်ပြောပါတယ်။
ပုလဲမြို့နယ် စစ်ရှောင်စခန်းမှ ပြည်သူတွေအနေနဲ့ ကျန်းမာရေးမကောင်းပါက NUG လက်အောက်ခံ ပုလဲမြို့နယ်ဆေးရုံမှာ ကုသလို့ရလို့ သိရပါတယ်။
စစ်ရှောင်တွေ ကျန်းမာရေးအခက်အခဲဖြစ်တဲ့အခါ ကျန်းမာရေးစောင့်ရှောက်ပေးတဲ့အဖွဲ့ထံ စခန်းတာဝန်ခံကတဆင့် အကူအညီတောင်းပါက လာရောက်ကုသပေးတယ်လို့ သိရပါတယ်။
စာတည်း - လင်းဇေ
#မြေလတ်အသံ
#စစ်ကိုင်းတိုင်း #ပုလဲမြို့နယ် #စစ်ရှောင်စခန်း #ကိုယ်ဝန်ဆောင် #ငွေကြေးထောက်ပံ့ #အမျိုးသမီး #လူငယ် #သတင်း #မြေလတ်သတင်း
Share Share Share