Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ပေါက်မြို့က စီးနင်းခံရတဲ့ PDF စခန်းနှစ်ခု ပြန်တည်ဆောက်ဖို့ ငွေကြေးအခက်အခဲဖြစ်နေ
မကွေးတိုင်းဒေသကြီး၊ ပေါက်မြို့နယ်ရှိ ပြည်သူ့ကာကွယ်ရေးတပ်ဖွဲ့နဲ့ PDF စခန်းတို့ကို ငွေကြေးအခက်အခဲရှိလို့ ပြန်လည်မတည်ဆောက်နိုင်ဘဲ ဖြစ်သလိုနေထိုင်နေရတယ်လို့ သိရပါတယ်။
မတ်လအတွင်းမှာ ပျူစောထီးတွေလမ်းပြပေးလို့ စစ်ကောင်စီတပ်ဖွဲ့ဝင်တွေက ရုတ်တရက် ဝင်ရောက်စီးနင်းခဲ့ရာ မတ်လ ၇ ရက်နေ့မှာ ပေါက်မြောက်ပိုင်းကာကွယ်ရေးအဖွဲ့၊ မတ်လ ၁၀ ရက်နေ့မှာ PDF Pauk တပ်ရင်း-၄ တို့ရှိရာ စခန်းတွေနဲ့ လက်နက်ခဲယမ်းတချို့ မီးရှို့ဖျက်စီးခံလိုက်ရတာလို့ ပြောပါတယ်။
"စခန်းဆောက်ဖို့က ငွေအခက်အခဲရှိနေတာပါ။ ပြည်သူတွေက ဒုက္ခရောက်နေတော့အကူ အညီမတောင်းချင်တာလည်းပါတယ်။ ဖြစ်သလိုပဲအဆင်ပြေတဲ့နေရာမှာ နေနေရတယ်။ စခန်းပြန်ဆောက်ဖို့အတွက် ကြိုးစားနေကျတယ်” လို့ ပေါက်မြောက်ပိုင်း ကာကွယ်ရေးတပ်ဖွဲ့မှ ဗိုလ်လရောင်က ဧပြီလ ၄ ရက်နေ့က ပြောပါတယ်။
စစ်ကောင်စီဘက်က လေယာဥ်လာပစ်တာ၊ စစ်ကြောင်းထိုးဝင်လာတာတွေလည်းရှိနေလို့ တပ်ဖွဲ့အနေနဲ့ ပြည်သူတွေကို ဘေးလွတ်ရာကိုကူညီခေါ်ထုတ်တာ၊ ညပိုင်းလုံခြုံရေးယူပေးတာ၊ မဟာမိတ်တပ်ဖွဲ့တွေနဲ့ ပူပေါင်းတိုက်ခိုက်တာတွေ လုပ်နေပါတယ်လို့ သူကဆိုပါတယ်။
PDF Pauk-တပ်ရင်း-၄ အနေနဲ့ ပူးပေါင်းအဖွဲ့တွေနဲ့ တိုက်ပွဲတွေတိုက်ခိုက်နေပြီး၊ ငွေကြေးအခက်ရှိတဲ့အတွက် ပြန်လည်မတည်ဆောက်ဖြစ်သေးတာလို့ အဲဒီအဖွဲ့ရဲ့ ပြန်ကြားရေးတာဝန်ခံက ပြောပါတယ်။
စာတည်း - 007
#မြေလတ်အသံ