Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ပေါင်းတည်မှာ ကျောင်းသားတဦး ရေနစ်သေဆုံး
ပဲခူးတိုင်းအနောက်ခြမ်း၊ ပေါင်းတည်မြို့နယ်က ဆည်မြောင်းအတွင်းမှာ ကျောင်းသားတဦး ရေနစ်သေဆုံးခဲ့တယ်လို့ သေဆုံးသူနဲ့နီးစပ်သူဆီက သိရပါတယ်။
သေဆုံးသူဟာ အသက် ၁၅ နှစ်အရွယ် မောင်အောင်သူရကျော်ဖြစ်ပြီး ပေါင်းတည်မြို့နယ်၊ နတ်ပုတီးရွာအနီး ဆည်မြောင်းလက်တံထဲမှာ ဖေဖေါ်ဝါရီ ၂၄ ရက် နေ့လယ်ပိုင်းက ရေနစ်သေဆုံးခဲ့တာလို့ ဆိုပါတယ်။
“ညနေ ၆ နာရီလောက်ကတည်းက ရှာတာ ည ၈ နာရီကျော်မှဆည်မြောင်းထဲကနေ အလောင်း ပြန်တွေ့တာ။ တွေ့တဲ့နေရာက သူ့အိမ်နဲ့ သုံးမိုင်လောက်ဝေးတယ်။ ရေကူးသွားရင်းနစ်တာ ဖြစ်နိုင်တယ်” လို့ သေဆုံးသူနဲ့ နီးစပ်တဲ့ အသက် ၃၀ နှစ်အရွယ် အမျိုးသမီးတဦးက ပြောပါတယ်။
မောင်အောင်သူရကျော်ဟာ လက်ရှိ ပေါင်းတည်မြို့၊ ၁၇ လမ်း၊ မင်းကွက် အထကမှာ Grade - 9 စာမေးပွဲဖြေနေတာဖြစ်ပြီး ဟင်္သာကန်ရပ်ကွက် အနောက်လမ်း ၃၁ လမ်းထိပ်မှာနေထိုင်သူဖြစ်တယ်လို့ သိရပါတယ်။
ဖေဖေါ်ဝါရီ ၂၅ ရက် ဒီနေ့လယ်မှာတော့ အလောင်းကို ပေါင်းတည်ဆေးရုံကနေ နေအိမ်ကို ပရဟိတအသင်းကားနဲ့ပြန်ပို့ပြီး မနက်ဖြန်မှာ သင်္ဂြိုဟ်မယ်လို့ ဒေသခံတွေဆီက သိရပါတယ်။
စာတည်း - လင်း
#မြေလတ်အသံ
#ပဲခူး #ပေါင်းတည် #ကျောင်းသား #ရေနစ် #သေဆုံး
Share Share Share