Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ပြည်မြို့မှာ ၈ ရက်အတွင်း ကြိုးဆွဲချ သေဆုံးသူ ၃ ဦးရှိ
ပဲခူးတိုင်းအနောက်ခြမ်း ပြည်မြို့မှာ မတ်လ ၂၃ ရက် ဒီနေ့မနက်ပိုင်းက အမျိုးသားတဦး ကြိုးဆွဲချသေဆုံးခဲ့တာကြောင့် ၈ ရက်အတွင်း ကြိုးဆွဲချသေဆုံးသူ ၃ ဦး ရှိခဲ့ပါပြီ။
ပြည်မြို့နယ် စည်ပင်သာယာဝန်ထမ်း အသက် ၅၈ နှစ်အရွယ် ဦးဝင်းဌေးဟာ ဒီနေ့မနက် ၈ နာရီလောက်မှာ သူနေထိုင်တဲ့ ကမ်းနားလမ်းက စည်ပင်ဝန်းလိုင်းခန်းမှာပဲ ကြိုးဆွဲချသေဆုံးခဲ့တာဖြစ်တယ်လို့ မြို့ခံတဦးက ပြောပါတယ်။
"အလောင်းကို ဆေးရုံကရင်ခွဲရုံကို ထုံးစံအတိုင်း ပို့ထားလိုက်ပါတယ်။ ဘာကြောင့်သေဆုံးတယ်ဆိုတာတော့ မသိရဘူး။ မိသားစုကတော့ အလောင်းကိုသဘက်ခါ (မတ် ၂၅ ရက်)မှာ သဂြိုလ်မယ်လို့ သိရတယ်" လို့ ပြောပါတယ်။
၂၀၂၃ ခုနှစ် အခုလအတွင်း ပြည်မြို့မှာ လက်ရှိသေဆုံးသူအပါအဝင် ကြိုးဆွဲချသေဆုံးသူ ၃ ဦးရှိပြီ ဖြစ်တယ်လို့လည်း သူကဆက်ပြောပါတယ်။
ပြီးခဲ့တဲ့ မတ်လ ၁၆ ရက်က ပြည်မြို့၊ ပွင့်လှသိမ်ကုန်းရပ်ကွက်နေ အသက်၂၅ နှစ်ဝန်းကျင် အမျိုးသမီးတဦးနဲ့ မတ်လ ၂၀ ရက်က ဆင်စုရပ်ကွက်နေ အသက် ၂၉ နှစ်အရွယ် အမျိုးသားတဦးတို့လည်း ကြိုးဆွဲချသေဆုံးခဲ့တာကြောင့် အခုလမှာ ၈ ရက်အတွင်း ၃ ဦး သေဆုံးခဲ့ပါပြီ။
ကြိုးဆွဲချသေဆုံးသူ ၃ ဦးဟာ အမျိုးသား ၂ ဦးနဲ့ အမျိုးသမီး ၁ ဦးတို့ဖြစ်ပြီး သူတို့ ဘာကြောင့် ကြိုးဆွဲချအဆုံးစီရင်တယ်ဆိုတာကိုတော့ မသိရသေးပါဘူး။
စာတည်း- ဇို
#မြေလတ်အသံ