Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
ပြည်သူအင်အား ထောင်ကျော်ပါဝင်တဲ့ မုံရွာလူထုသပိတ် (Photo News)
စစ်ကိုင်းတိုင်း၊ မုံရွာခရိုင်၊ မုံရွာမြို့နယ်မှာ မုံရွာလူထုသပိတ်တိုက်ပွဲဦးဆောင်ကော်မတီနဲ့ မကွေးလူထု တိုက်ပွဲကော်မတီတို့က ကျေးလက်နေပြည်သူတွေနဲ့ ပူးပေါင်းပြီး ဇန်နဝါရီ ၁၆ ရက်မနေ့က သပိတ် လှုပ်ရှားမှုတခု ပြုလုပ်ခဲ့ကြတယ်လို့ သိရပါတယ်။
ဒီသပိတ်လှုပ်ရှားမှုကို မနေ့ကညနေ ၅ နာရီခန့်မှာ ကျေးရွာ၆ ရွာက လူဦးရေ ၁၀၀၀ ကျော်နဲ့အတူ ပြုလုပ်ခဲ့ကြတာလို့ ဆိုပါတယ်။
"တော်လှန်ရေးက ပြည်သူတွေကိုယ်တိုင် ဦးဆောင်ပါဝင်တော်လှန်နေတဲ့ လူထုတော်လှန်ရေး ဖြစ်တယ်။ တော်လှန်ရေးရဲ့ပိုင်ရှင်ဖြစ်တဲ့ လူထုကို အင်အားစုအသီးသီးက ဦးညွှတ်ဖို့ လူထုရဲ့ ဆန္ဒတွေကို အကောင်အထည်ဖော်ပေးဖို့အတွက် သပိတ်စစ်ကြောင်းထွက် ပြသရတာပါ " လို့ မုံရွာလူထုသပိတ်ခေါင်းဆောင် ခန့်ဝေဖြိုးက ပြောပါတယ်။
သပိတ်စစ်ကြောင်းထွက်ရာမှာ ''လူထုကို ဦးညွှတ်ကြ'' ဟူသော သပိတ်စာသားကို ကိုင်ဆောင်ခဲ့ကာ လူထုသာ အခရာဖြစ်ကြောင်းနဲ့ လူထုလှုပ်ရှားမှု လမ်းစဥ်အပါအဝင် နိုင်ငံရေးသပိတ် သတင်းစကားများပေးပို့ ဟောပြောခဲ့ကြပါတယ်။
ဒါ့အပြင် လူထုသပိတ်ချီတက်ရာမှာ မုံရွာမြို့နယ် ပြည်သူ့ကာကွယ်ရေးတပ်ဖွဲ့ဝင်တွေက လုံခြုံရေးတာဝန်ယူပေးခဲ့တယ်လို့လည်း သိရပါတယ်။
#မြေလတ်အသံ
#စစ်ကိုင်း #မုံရွာ #သပိတ်လှုပ်ရှားမှု #ဒေသခံတွေဝန်းရံပါဝင် #ပကဖ #လုံခြုံရေးယူ #သတင်း #မြေလတ်သတင်း
Share Share Share