Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
မင်းလှမှာ စစ်ကောင်စီစစ်ကြောင်း တိုက်ခိုက်ခံရလို့ ၂ ဦးသေဆုံး (ရုပ်/သံ)
ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ် ပဲခူးရိုးမအစပ်မှာ စစ်ကောင်စီစစ်ကြောင်းကို စက်တင်ဘာ ၂၁ ရက်က ကြားဖြတ်တိုက်ခိုက်လို့ စစ်ကောင်စီဘက်က ၂ ဦးသေဆုံးတယ်လို့ သာယာဝတီခရိုင် တပ်ရင်း ၃၈၀၂၊ တပ်ခွဲ ၅ ရဲ့တပ်ခွဲမှူးဆီက သိရပါတယ်။
မင်းလှမြို့နယ် ဇာမဏီတောင်ပေါ်ဂိတ်ကနေ အင်အား ၁၅ ဦးနဲ့ ခြေလျင်ရှေ့ပြေးလာတာကို နေ့လယ် ၁၂ နာရီလောက်မှာ ပတ်ကွေ့ကြီးတောင်ကြောအဆင်းကနေ ကြားဖြတ်တိုက်ခိုက်ခဲ့တာလို့ သိရပါတယ်။
ဇာမဏီတောင်ပေါ်ဂိတ်က ဖမ်းဆီးထားတဲ့သစ်တွေကို ကားနဲ့သယ်မယ်ဆိုတဲ့သတင်းကြားလို့ အသင့်စောင့်ကြိုတိုက်ခိုက်ခဲ့ရာ လက်နက်ကြီး/ငယ်နဲ့ ပြန်လှန်ပစ်ခတ်မှု မိနစ် ၂၀ လောက်ကြာမြင့်တယ်လို့ ဆိုပါတယ်။
“စကစဘက်က ၁၅ ဦးကို ကျနော်တို့က ဝိုင်းပစ်တာ မျက်မြင်အရ စကစဘက်က ၇ ကောင်က လဲကျသွားတာ ပြန်သိရတာက ၆ ကောင်ကသေတယ်။ ၁ ကောင်ပြင်းထန်ဒဏ်ရာရတယ်ကြားလို့ စုံစမ်းတော့ စကစဘက်က စစ်ခွေး ၂ ကောင်အလောင်းကိုတော့ ပြည်ဆေးရုံကိုပို့တယ်ဆိုတာကို တိကျတဲ့အချက်အလက်လည်း ရရှိထားတယ်။" လို့ သာယာဝတီခရိုင် တပ်ရင်း ၃၈၀၂ တပ်ခွဲ ၅ ရဲ့တပ်ခွဲမှူးက ပြောပါတယ်။
အခုလိုကြားဖြတ်တိုက်ခိုက်ရာမှာ ပြောက်ကျားစစ်ဗျူဟာကို အသုံးပြုတိုက်ခိုက်တာဖြစ်လို့ တိုက်ခိုက်ရေးရဲဘော်တွေ အန္တရာယ်ကင်းခဲ့တယ်လို့ သူက ဆက်ပြောပါတယ်။
မင်းလှမြို့နယ်ဒေသခံတဦးကလည်း ဒဏ်ရာရစစ်သား ၂ ဦးကို မင်းလှလူမှုကယ်ဆယ်ရေး အသင်းကားနဲ့ ပြည်မြို့ကုတင် ၁၀၀ စစ်ဆေးရုံကို သယ်သွားတယ်လို့ ဆိုပါတယ်။
သာယာဝတီခရိုင် တပ်ရင်း ၃၈၀၂၊ တပ်ခွဲ ၅ ဟာ ပြီးခဲ့တဲ့ စက်တင်ဘာလ ၉ ရက်မှာ ခါချဉ်တောင်ပေါ်က စစ်ကောင်စီဂိတ်ကို မီးရှို့ဖျက်ဆီးသိမ်းပိုက်ခဲ့သလို စက်တင်ဘာ ၁၆ ရက်မှာတော့ ခါချဉ်တောင်စခန်းကို ပြန်လည်သိမ်းပိုက်ဖို့လာတဲ့ ဖောကား ၂ စီးနဲ့ အင်အား ၆၀ လောက်ပါ စစ်ကောင်စီစစ်ကြောင်းကို ကြားဖြတ်တိုက်ခိုက်ခဲ့လို့ ထိခိုက်သေဆုံးမှုတွေ ရှိခဲ့ပါသေးတယ်။
တည်းဖြတ် - ငြိမ်းဇော်
#မြေလတ်အသံ
#မင်းလှ #ပဲခူးရိုးမ #စစ်ကောင်စီခြေလျင်ရှေ့ပြေး #တိုက်ခိုက်ခံရ #စစ်သား #ထိခိုက် #PDF #ရုပ်သံသတင်း
Share Share Share