Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
မိုခါမုန်တိုင်းကြောင့် ပေါက်တောင်ပိုင်းရွာတွေမှာ ကျပ်သိန်း ၂,၀၀၀ နီးပါး ပျက်စီးဆုံးရှုံးဟုဆို
မကွေးတိုင်း၊ ပခုက္ကူခရိုင်၊ ပေါက်မြို့နယ်အတွင်းမှာ ဆိုင်ကလုန်းမုန်တိုင်းမိုခါကြောင့် ထိခိုက်ပျက်စီးဆုံးရှုံးသွားတဲ့ ပမာဏဟာ ကျပ်သိန်း ၂,၀၀၀ လောက်ရှိတယ်လို့ Successful Force - Pauk အဖွဲ့ထံကသိရပါတယ်။
မေ ၁၃ ရက်နဲ့ ၁၄ ရက်မှာ မိုခါမုန်တိုင်းကြောင့် လူနေအိမ်တွေ၊ ပရိဘောဂပစ္စည်း၊ စက်ပစ္စည်းမျိုးစုံ၊ တိရစ္ဆာန်နဲ့ စားနပ်ရိက္ခာတွေ၊ နွေနှမ်းစိုက်ခင်းတွေ ပျက်စီးဆုံးရှုံးတာ၊ ရေထဲမျောပါတာတွေ ဖြစ်ခဲ့ရတယ်လို့ သတင်းနဲ့ပြန်ကြားရေးတာဝန်ခံ ကိုလိပ်ပြာက မြေလတ်အသံကိုပြောပါတယ်။
ပေါက်တောင်ပိုင်းမှာ စစ်ဘေးရှောင်နေကြတဲ့ ပြည်သူတွေရဲ့ ကျေးရွာ ၁၂ ရွာက တဲအလုံး ၅၀ ကျော်၊ နွေနှမ်းစိုက်ဧက ၅၀၀ ကျော်၊ ဓါတ်ဆီ/ဒီဇယ်ရေစုပ်စက်၊ ဆိုင်ကယ်၊ စက်လှေ၊ လက်တွန်းထွန်စက်၊ ဂွန်ဒေါင်းစက်၊ ကုတင်၊ ဗီရို၊ ကျွဲ၊ နွားနဲ့ ရိက္ခာတွေ ရေထဲမျောပါကာ ပျက်စီးဆုံးရှုံးခဲ့ရတယ်လို့ဆိုပါတယ်။
"လေရော၊ မိုးရော နှစ်ရက်ဆက်တိုက်ချတာ။ ဒီနေ့တော့ မိုးရွာတာရော၊ လေတိုက်တာရော မရှိတော့ပါဘူး။ ရေထဲမျောတာရော လေတိုက်လို့ ပျက်စီးတာရော အကုန်လုံးဆိုရင် သိန်း ၂,၀၀၀ နီးပါးလောက်ရှိမယ်လို့ ခန့်မှန်ထားပါတယ်" လို့ ကိုလိပ်ပြာက ပြောပါတယ်။
သတင်း-စောကျော်ငြိမ်း၊ စာတည်း-လင်းဇေ
#မြေလတ်အသံ
#ပေါက် #စားနပ်ရိက္ခာ #နှမ်းစိုက်ခင်း #ပျက်စီးမှု