မြင်းခြံနယ်က ရေဘေးသင့်အိမ်ထောင်စု ၉၀ ကျော်ကို ရိက္ခာထောက်ပံ့ (Photo News)

မန္တလေးတိုင်း၊ မြင်းခြံမြို့နယ်အတွင်းက ရေဘေးသင့်အိမ်ထောင်စုတွေကို ဇူလိုင် ၂၇ ရက် ဒီမနက်ပိုင်းမှာ ရိက္ခာထောက်ပံ့ခဲ့တယ်လို့ Youths for Community - YfC အဖွဲ့ဆီက သိရပါတယ်။ 

စုစုပေါင်း အိမ်ထောင်စု ၉၂ စုအတွက် ၁ အိမ်ထောင်ကို ဆန် ၃ ပြည်နဲ့ ဆီ ၅၀ ကျပ်သားစီ ထောက်ပံ့ပေးခဲ့တာလို့ YfC အဖွဲ့တာဝန်ခံ မအမရာက ပြောပါတယ်။ 

အဲ့ဒီအိမ်ထောင်စုတွေဟာ မြင်းခြံမြို့နယ်ကျေးရွာအချို့က စစ်ရှောင်နေရသူတွေဖြစ်ပြီး ပြီးခဲ့တဲ့နှစ် ဒီဇင်ဘာလအတွင်းကတည်းက စစ်ရှောင်ပြေးလာသူတွေဖြစ်ကာ လက်ရှိမှာတော့ မြစ်ကမ်းဘေး ကုန်းမြင့်တွေမှာ ယာယီတဲထိုးပြီး နေထိုင်နေကြရတယ်လို့ ဆိုပါတယ်။ 

#မြေလတ်အသံ

#မန္တလေး #မြင်းခြံ #စစ်ရှောင် #ရေဘေး #သတင်း