မြိုင်နယ်၊ မန်ကျည်းလေးပင်ရွာက အိမ်တွေကို ပျူတွေ မီးထပ်ရှို့ပြန်

“ဖမ်းဆီးခံရတဲ့ပြည်သူတွေတော့ မရှိပါဘူး။ သားအမိနှစ်ယောက်ကတော့ လက်နက်အစ ထိမှန်သွားတာတော့ ရှိတယ်။ ရွာထဲကို မီးလာရှို့တာက ပျူတွေပဲ အင်အားဘယ်လောက်နဲ့ ဝင်လာလဲမသိရသေးဘူး” လို့ ပြောပါတယ်။

ကနဦးသိရှိထားချက်အရ အိမ် ၁၅ လုံး၊ နွားစာတဲ ၂ လုံး၊ သနပ်ခါးခြံ ၄ ခြံ မီးလောင်ပြာကျခဲ့ပြီး နောက်ဆက်တွဲအခြေအနေတွေကိုတော့ မြေလတ်အသံက ဆက်လက်စုံစမ်းနေဆဲပါ။

အခုလက်ရှိမှာ ပျူစောထီးတွေက ရွာကနေပြန်လည်ထွက်ခွာသွားပေမဲ့လည်း ဒေသခံတွေကတော့ ကျေးရွာထဲကို ပြန်လည်နေထိုင်ခြင်းမရှိသေးပါဘူး။

အိမ်ခြေ ၂၀၀ ဝန်းကျင်ရှိတဲ့ မန်ကျည်းလေးပင်ရွာဟာ အခုတကြိမ်နဲ့ဆိုရင် မီးရှို့ခံရတာ ၃ ကြိမ်မြောက် ရှိပြီး၊ ၂၀၂၂ ခုနှစ်၊ ဇွန်လ ၁၃ ရက်မှာ နေအိမ် ၁၁ လုံးနဲ့ ဒီဇင်ဘာ ၂၉ ရက်မှာ နေအိမ် ၄၂ လုံး မီးရှို့ဖျက်စီးခံခဲ့ရတာလည်း ဖြစ်ပါတယ်။

ပုံစာ - မန်ကျည်းလေးပင်ရွာကို ဇွန်လ ၁၃ ရက်မှာ စစ်အုပ်စုကမီးရှို့ဖျက်စီးခဲ့စဥ်။ (ပုံဟောင်း)

စာတည်း - လင်း
#မြေလတ်အသံ