မွေးနေ့ရှင် လှူတဲ့ PDF ရဲဘော်တွေအတွက် ဝက်သားဟင်း (ရုပ်/သံ)

စစ်ကိုင်းတိုင်း၊ ရွှေဘိုခရိုင် အမှတ် ၁၈ တပ်ရင်းမှာရှိတဲ့ PDF ရဲဘော်၊ ရဲမေတွေကို တနေ့တာကျွေးမွေးဖို့အတွက် ဟင်းဖိုးကို မေ ၁၆ ရက်မှာ ပြည်သူတဦးက လှူဒါန်းပေးခဲ့တယ်လို့ အဲ့ဒီတပ်ရင်းဆီက သိရပါတယ်။

အလှူရှင်ရဲ့ ၁၀ နှစ်ပြည့် မွေးနေ့အလှူအဖြစ် တနေ့တာ ဝက်သားဟင်းအတွက် အလှူငွေ ၂၅၀၀၀၀ (၂သိန်းခွဲ) ကျပ် လှူဒါန်းခဲ့တာဖြစ်ပါတယ်။

တပ်ရင်းက ရဲဘော်ရဲမေတွေကို နေ့စဥ်ထမင်း ၃ နပ် ချက်ပြုတ်ကျွေးမွေးကြသလို ထမင်းမစားခင်မှာ သစ္စာဆိုတာ၊ မေတ္တာပို့သကာ သရဏဂုံတည်ပြီးမှသာ အားလုံးထမင်းစားရတယ်လို့ နေမျိုးပဲခူး (တပ်ထောက်တာဝန်ခံ)က ပြောပါတယ်။

တပ်ရင်းက ရဲဘော်တွေအတွက် ပုံမှန် တရက်စာ သုံးနပ်အတွက်ကို ၆ သိန်းကျပ် ကုန်ကျတယ်လို သိရပါတယ်။ တော်လှန်ပြည်သူတွေက ရွှေဘိုခရိုင်တပ်ရင်းကို မွေးနေ့ဖြစ်စေ၊ မင်္ဂလာသက်တမ်း အမှတ်တရဖြစ်စေ လှူဒါန်းကျွေးမွေးကြတာတွေလည်း ရှိတယ်လို့ ဆိုပါတယ်။

တည်းဖြတ် - ငြိမ်းဇော်

#မြေလတ်အသံ

#ရွှေဘို #ဟင်းအလှူ #မွေးနေ့ရှင် #ရွှေဘိုခရိုင်အမှတ်၁၈တပ်ရင်း #PDF