သင်္ကြန်ရက် ရေမကစားဘဲ စခန်းအတွက်လိုအပ်တဲ့ ရေလောင်းအိမ်သာ ဆောက်လုပ်
မကွေးတိုင်း၊ ပခုက္ကူခရိုင်၊ မြိုင်မြို့နယ်အခြေစိုက် မြေလတ်ဒေသပြောက်ကျားတပ်ဖွဲ့ MRG တပ်ဖွဲ့ဟာ သင်္ကြန်ရက်အတွင်း စခန်းအတွက် လိုအပ်တဲ့ ရေလောင်းအိမ်သာ ဆောက်လုပ်နေတယ်လို့ ဆိုပါတယ်။
စခန်းအတွင်းမှာ ရေကစားခွင့်မရှိတဲ့အတွက် ရဲဘော်တွေဟာ ရေလောင်းအိမ်သာဆောက်လုပ်တာအပါအဝင် စခန်းအတွက် လိုအပ်တာတွေ လုပ်ဆောင်နေပြီး ရဲဘော်တချို့ကတော့ ဒုလဘ္ဘရဟန်းဝတ်ကြတယ်လို့ မြေလတ်ဒေသပြောက်ကျားတပ်ဖွဲ့ဝင်တဦးက ပြောပါတယ်။
![](https://myaelattathan.org/storage/editor_images/April2023/3da478e7e3.jpg)
![](https://myaelattathan.org/storage/editor_images/April2023/3032e0868b.jpeg)
"သင်္ကြန်မှာ တခြားထွေထွေထူးထူးတော့ မရှိပါဘူး။ ပွဲကျင်းပတာတွေ ရေကစားတာတွေလည်း လုပ်ခွင့်မပြုထားပါဘူးခင်ဗျ။ သင်္ကြန်ကာလမှာ ဒုလ္လဘဝတ်ချင်တဲ့ ရဲဘော်တွေရှိရင် ဝတ်ခွင့်ပြုထားပါတယ်။ အရင်နှစ်တွေကလည်း ဒီတိုင်းပါပဲ" လို့ ဆိုပါတယ်။
ရေကစားချင်ကြတဲ့ ပြည်သူတွေအနေနဲ့လည်း အညာဒေသက မီးဘေး၊စစ်ဘေးရှောင်နေရတဲ့ ပြည်သူတွေကို ငဲ့ညှာတဲ့အနေနဲ့ စစ်ကောင်စီကျင်းပတဲ့ သင်္ကြန်ပွဲမှာ မပါဝင်ကြဖို့ကိုလည်း အထက်ပါ တပ်ဖွဲ့ဝင်က ဆက်ပြောပါတယ်။
![](https://myaelattathan.org/storage/editor_images/April2023/3b1c417144.jpeg)
![](https://myaelattathan.org/storage/editor_images/April2023/9271038e46.jpeg)
"တောထဲမှာ တော်လှန်နေတဲ့ လူကြီး၊လူငယ်တွေက စစ်ခွေးတွေ မီးရှို့လို့ အိုးမဲ့အိမ်မဲ့ဖြစ်နေတဲ့ ပြည်သူတွေကို တချက်စာနာပြီး အာဏာသိမ်းစစ်ကောင်စီက ပြုလုပ်တဲ့ပွဲတွေမှာ မပါဝင်ကြစေချင်ဘူး။ သည်းခံစောင့်ဆိုင်းပေးကြပါဦး" လို့ ဆိုပါတယ်။
![](https://myaelattathan.org/storage/editor_images/April2023/1e6d459fd3.jpeg)
ပြီးခဲ့တဲ့ မတ်လ ၂၁ ရက်နေ့ကလည်း ကမ္ဘာ့ကဗျာများနေ့မှာ ကဗျာရွတ်ပွဲကို မြေလတ်ဒေသပြောက်ကျားစခန်းမှာ ကဗျာဆရာနဲ့ ကဗျာချစ်သူတွေ၊ ယင်းမာပင်ခရိုင် တပ်ရင်း-၁၀၊ ပုလဲမြို့နယ် တပ်ရင်း-၄ တို့က တပ်ရင်းမှူးတွေ တက်ရောက်သလို တပ်ရင်း-၆ က ရဲဘော်တွေ၊ ပကဖတွေနဲ့ ပအဖ ခေါင်းဆောင်တွေအပါအဝင် အင်အား ၅၀ ခန့် တက်ရောက်ခဲ့ကြပါတယ်။
စာတည်း - ရင်ငြိမ်း
#မြေလတ်အသံ
Share
Share
Share