သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
ပဲခူးတိုင်းအနောက်ခြမ်း၊ ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့က အနီးကပ် ချေမှုန်းရာမှာ အသုံးပြုတဲ့ Shotgun လက်နက်ငယ်နဲ့ ကျည်ဆန်ကို အောင်မြင်စွာ ထုတ်လုပ်နိုင်ခဲ့တယ်လို့ ပြည်ခရိုင် ပြည်သူ့ကာကွယ်ရေးတပ်ဖွဲ့ ၃၆၀၁ PPDF တပ်ရင်း၊ တပ်ခွဲ ၂ Royal Tiger Force ရဲ့ တပ်ခွဲမှူး ဗိုလ်ကျားဟိန်းက ပြောပါတယ်။
၃၀ မမ Shotgun လက်နက်ငယ်နဲ့အတူ အသုံးပြုရမယ့် ကျည်ဆန်ကိုလည်း ထုတ်လုပ်တာဖြစ်ပြီး ကိုက် ၂၅၀ အကွာထိ ပစ်ခတ်နိုင်တယ်လို့ ပြောပါတယ်။
သေနတ်တလက်ကို ထုတ်လုပ်မှု ကုန်ကျစရိတ် ကျပ် ၃ သိန်းဝန်းကျင်ရှိပြီး ၃ ရက်ကြာ ပြုလုပ်ရတယ်လို့ ဆိုပါတယ်။
တပ်ဖွဲ့အတွက် လိုအပ်တဲ့ Shotgun ကို ဆက်ထုတ်သွားမှာ ဖြစ်သလို လက်ရှိမှာလည်း ပြုလုပ်ဖို့ အဆင်သင့်ဖြစ်နေတဲ့ ကုန်ကြမ်းတွေ ရရှိထားပြီလို့ ပြောပါတယ်။
ဒါ့အပြင် အခုလို လက်နက်ကို ကိုယ်တိုင်ထုတ်လုပ်ရတာဟာ ရဲဘော်တွေများလာတဲ့အပြင် မောင်းပြန်လူတိုင်းစေ့ မရှိတာကြောင့် ဖြစ်တယ်လို့လည်း ဆိုပါတယ်။
Royal Tiger Force တပ်ဖွဲ့ဟာ ဖေဖေါ်ဝါရီလကလည်း ခါးချိုးတတောင့်ထိုး သေနတ် ၁၅ လက် ထုတ်လုပ်ခဲ့ပြီး လက်ရှိတိုင် အသုံးပြုနေဆဲ ဖြစ်တယ်လို့ သိရပါတယ်။
စာတည်း - နွေဦးငြိမ်းချမ်း၊ တည်းဖြတ် - HP
#မြေလတ်အသံ
#ပဲခူး #ပေါင်းတည် #PPDF #သေနတ် #ကျည်ဆန် #ထုတ်လုပ်
Share Share Share