အုပ်ချုပ်ရေးမှူးကို လာတိုက်ခိုက်ချိန် ပြန်ခုခံတဲ့ သားဖြစ်သူသေဆုံး

"အုပ်ချုပ်ရေးမှူးလှဌေးကို သေနတ်နဲ့ပစ်တာမှာ ရှောင်လိုက်တော့မမှန်ဘူးတဲ့။ အဲအချိန်မှာလှဌေးရဲ့အိမ်ဘေးကပ်လျက်မှာ အိမ်ခွဲနေတဲ့ သားကသေနတ်သမားတွေကိုခုံခံဖို့ပြင်နေချိန်မှာ သူ့(ဖိုးထောင်)ကိုသေနတ်နဲ့ ၄ ချက်ပစ်ခတ်ခံရပြီး နေရာမှာသေသွားတာ။"လို့ ဒေသခံတဦးက ပြောပါတယ်။

သေနတ်သမား ၃ ဦး ဆိုင်ကယ်၂ စီးနဲ့ လာပစ်ခဲ့တာလို့ သိရပြီး အခုလုပ်ဆောင်မှုကို ဘယ်အဖွဲ့က လုပ်တယ်ဆိုတာ မသိရသေးသလို သတင်းထုတ်ပြန်တာမျိုးလည်း မရှိသေးပါဘူး။

ပစ်ခတ်မှုဖြစ်ပြီး အိမ်နီးနားချင်း ကိုဖိုးကျော်နဲ့ ကိုဖိုးဝင်းတို့ညီအစ်ကို ၂ ဦးကို မေလ ၁၇ ရက်မှာ စစ်တပ်ကဖမ်းသွားပြီး ကိုဖိုးထောင်ကို မေလ ၁၈ ရက် မနေ့က ကျွန်းကုန်းရွာမှာပဲ သဂြိုဟ်ခဲ့တယ်လို့ ဆိုပါတယ်။

ပြီးခဲ့နှစ် နိုဝင်ဘာ ၁၄ ရက်မှာ သာယာဝတီမြို့နယ်က အိုင်ကဒုံရွာအုပ်ချုပ်ရေးမှူး ကိုမင်းနိုင်နဲ့ မြစ်ကျိုးရွာ အုပ်ချုပ်ရေးမှူးကြီးမြင့်တို့ ၂ ဦးကို မြို့နယ်စိုက်ဘဏ်ရုံးကနေ ရွာကိုအပြန် သုံးဆယ်မြို့ ဖိုးခေါင်လမ်းက ညောင်နီကုန်းရွာနဲ့ ရေလဲရွာကြားမှာ သာယာဝတီဂဠုန်တပ်ဖွဲ့ကနန်းထိုက်အောင်စစ်ဆင်ရေးအဖြစ် သေနတ်နဲ့ပစ်လို့ သေဆုံးခဲ့ပါတယ်။

ဓါတ်ပုံ - ကျွန်းကုန်းရွာအုပ်ချုပ်ရေးမှူးဦးလှဌေးနေအိမ်

စာတည်း - ဇို

#မြေလတ်အသံ
#ပဲခူးတိုင်း #သာယာဝတီ #ကျွန်းကုန်းရွာ #အုပ်ချုပ်ရေးမှူး