Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ဥသျှစ်ပင်မှာ ဆယ်ကျော်သက်အမျိုးသမီးတဦး ကြိုးဆွဲချသေဆုံး
ပဲခူးတိုင်းအနောက်ခြမ်း၊ ပန်းတောင်းမြို့နယ် ဥသျှစ်ပင်မြို့မှာ ဖေဖေါ်ဝါရီလ ၆ ရက် ဒီနေ့မနက်အစောပိုင်းက အမျိုးသမီးငယ်တဦး ကြိုးဆွဲချသေဆုံးခဲ့တယ်လို့ ဒေသခံတဦးဆီက သိရပါတယ်။
ဥသျစ်ပင်မြို့ ပြည်တော်သာရပ်ကွက်က အသက် ၁၈ နှစ်အရွယ် မဥမ္မာဌေးဆိုသူဖြစ်ပြီး သူရဲ့နေအိမ်မှာ ကြိုးဆွဲချခဲ့တာလို့ ဆိုပါတယ်။
"ဘယ်အချိန်ကတည်းက ကြိုးဆွဲချတယ်ဆိုတာတော့ မသိရဘူးဗျ။ မနက် ၇ နာရီလောက်မှာ ရဲတွေရောက်လာပြီး ဥသျှစ်ပင်က အေးသုခလူမှုကူညီရေးအသင်းကားနဲ့ အလောင်းလာသယ်သွားတယ်ဗျ" လို့ ဒေသခံတဦးက ပြောပါတယ်။
ဘာကြောင့် ကြိုးဆွဲချတယ်ဆိုတာတော့ တိတိကျကျမသိရှိရပဲ အလောင်းကို ဥသျှစ်ပင်ဆေးရုံကတဆင့် ဆေးစစ်ချက်ယူကာ အေးသုခသုဿန်မှာ အအေးခေါင်းနဲ့ ပို့ဆောင်ထားပြီး မနက်ဖန်မှာ သဂြိုလ်မှာဖြစ်တယ်လို့ သူကဆက်ပြောပါတယ်။
ပြီးခဲ့တဲ့နှစ် ဇွန်လ ၄ ရက်ကလည်း ပန်းတောင်းမြို့နယ် ဥသျှစ်ပင်မြို့ လယ်တီကျေးရွာက အသက် ၃၂ နှစ်အရွယ် အမျိုးသားတဦးလည်း ဆွဲကြိုးချ သေဆုံးခဲ့ပါသေးတယ်။
#မြေလတ်အသံ
Share Share Share