၃၆ နှစ်မြောက် ၈၈၈၈ အရေးတော်ပုံနေ့အခမ်းအနားကို ABSDF စစ်ကြောင်း ၃ က ပြုလုပ်

မကွေးတိုင်း၊ ယောဒေသအတွင်းမှာ သြဂုတ် ၈ ရက်ဒီနေ့မှာကျရောက်တဲ့ ၃၆ နှစ်မြောက် ၈၈၈၈ အရေးတော်ပုံနေ့အခမ်းအနားကို မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး၊ ကျောင်းသားတပ်မတော် အမှတ် ၃ စစ်ကြောင်း၊ အမှတ် ၁၂ တပ်ရင်း ရဲဘော်တွေက ပြုလုပ်ခဲ့ကြတယ်လို့ အဲ့ဒီတပ်ရင်းဆီက သိရပါတယ်။ 

ဒီမနက် ၈ နာရီကနေ ၁၀ နာရီအထိ အခမ်းအနားကို ကျင်းခဲ့တာဖြစ်ပြီး အခမ်းအနားမှာ မြန်မာပြည် ဒီမိုကရေစီတိုက်ပွဲအတွင်း ကျဆုံးသွားတဲ့အာဇာနည်သူရဲကောင်းတွေကို ဦးညွှတ်အလေးပြုတာ၊ မကဒတ ဗဟိုရဲ့ ၈၈၈၈ ဒီမိုကရေစီအရေးတော်ပုံ ၃၆ နှစ်ပြည့် ထုတ်ပြန်ကြေညာချက် ဖတ်ကြားတာအပြင် ၈၈၈၈ ဒီမိုကရေစီ အရေးတော်ပုံအကြောင်း ဟောပြောတာတွေ ပြုလုပ်ခဲ့ကြတယ်လို့ အမှတ် ၃ စစ်ကြောင်းရဲ့ ပြန်ကြားရေးတာဝန်ခံ ရဲဘော်ပြည့်ဖြိုးကျော်က ပြောပါတယ်

ဒီအခမ်းအနားကို ယောဒေသရှိ ဒေသကာကွယ်ရေးအဖွဲ့တွေ၊ ပအဖတွေ၊ ပကဖတွေ၊ PDF တွေနဲ့ ဒေသခံတွေနဲ့ သံဃာတော်တွေလည်း တက်ရောက်ခဲ့တယ်လို့ ဆိုပါတယ်။ 

အမှတ် ၃ စစ်ကြောင်းဟာ မြန်မာပြည်အလယ်ပိုင်းဖြစ်တဲ့ ယောဒေသ၊ ပခုက္ကူဒေသ၊ ချင်းတွင်း ဒေသတွေမှာ လူထုတိုက်ပွဲနဲ့ လက်နက်ကိုင်တိုက်ပွဲတွေကို အဓိကလုပ်ဆောင်နေတာလည်း ဖြစ်ပါတယ်။ 

#မြေလတ်အသံ

#မကွေး #ယောဒေသ #ABSDF #၈၈၈၈အရေးတော်ပုံ #၃၆နှစ်မြောက်အခမ်းအနား