Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
PDF နဲ့တိုက်ပွဲဖြစ်တဲ့ စစ်တပ်က ကျေးရွာ ၂ ရွာကို မီးရှို့ (ရုပ်/သံ)
ပဲခူးတိုင်းအနောက်ခြမ်း၊ ပေါင်းတည်မြို့နယ်မှာ PDFနဲ့ တိုက်ပွဲဖြစ်တဲ့ စစ်ကောင်စီတပ်က ကျေးရွာ ၂ ရွာက နေအိမ် ၂၀၀ကျော်ကို မီးရှို့ခဲ့တယ်လို့ ဒေသခံတဦးက ပြောပါတယ်။
ပေါင်းတည်မြို့နယ်၊ မအူကွင်းရွာကို ဇန်နဝါရီ ၁၄ ရက်မနက်နဲ့ တောင်ခမောက်ရွာကို အဲ့ဒီညနေ ၅ နာရီခွဲလောက်မှာ မီးရှို့တာလို့ ပြောပါတယ်။
မအူကွင်းရွာမှာ နေအိမ် ၁၂၀ လောက်ရှိပြီး တောင်ခမောက်ရွာမှာတော့ အိမ်ခြေ ၂၇၀ လောက်ရှိတယ်လို့ ပြောပါတယ်။
ပြီးခဲ့တဲ့ ဇန်နဝါရီ ၁၂ ရက်ညကလည်း ပေါက်ခေါင်းမြို့နယ် လက်ကြီးရွာမှာရှိတဲ့ စစ်ကောင်စီတပ်က ပစ်တဲ့ လက်နက်ကြီးကျည်ကျလို့ ပေါင်းတည်မြို့နယ်၊ သစ်ပုတ်အုပ်စု၊ နတ်ရေတွင်းရွာက နေအိမ် ၁ လုံး ပျက်စီးခဲ့ပါသေးတယ်။
စစ်ကောင်စီတပ်ဟာ ဇန်နဝါရီ ၄ ရက်ကလည်း သစ်ပုတ်အုပ်စု၊ တောင်ခမောက်ရွာက နေအိမ် ၂၀ လုံးနဲ့ စပါးကျည် ၂ လုံးကို မီးရှို့ခဲ့ပါသေးတယ်။
ဇန်နဝါရီ ၁၅ ရက် ဒီမနက်မှာတော့ စစ်ကောင်စီတပ်ဟာ ပေါင်းတည်မြို့နယ်၊ ကိုင်းကွင်းရွာနဲ့ ပတက်မြောင်ရွာကို သွားရောက်ပြီး အိမ်ထောင်စုဇယားတွေ တောင်းခံနေပြီး ဘာကြောင့်တောင်းတယ်ဆိုတာကိုတော့ မသိရဘူးလို့ ဆိုပါတယ်။
တည်းဖြတ် - ဟယ်ရီ
#မြေလတ်အသံ
#သတင်း #မြေလတ်သတင်း #ရုပ်သံ #ပေါင်းတည် #တိုက်ပွဲ #စစ်တပ် #ကျေးရွာ #မီးရှို့
Share Share Share