PDF ၅ ဦးကိုသတ်ခဲ့တဲ့ စစ်ကောင်စီကို ပြန်လည်တိုက်ခိုက်ရာ စစ်သား၂ ဦးသေဆုံးဟုဆို

မန္တလေးတိုင်း၊ မြင်းခြံခရိုင်၊ နွားထိုးကြီးမြိုနယ်မှာ စစ်ကောင်စီကို ဇူလိုင် ၈ ရက်က တိုက်ခိုက်မှုပြုလုပ်ခဲ့တယ်လို့ မြင်းခြံခရိုင်တပ်ရင်းအမှတ် ၄၊ NPDF တပ်ဖွဲ့ထံက သိရပါတယ်။ 

အဲ့ဒီ စစ်ကောင်စီစစ်ကြောင်းက PDF ၅ ဦးကို သတ်ဖြတ်ခဲ့တယ်လို့ ဆိုပါတယ်။

မြင်းခြံမြိုနယ်နဲ့ နွားထိုးကြီးမြို့နယ်နယ်စပ် ယုန်ထိုးရွာနဲ့ ပဲကြီးခင်းရွာ ကြားနေရာမှာ ကင်းပုန်းဝပ်နေတဲ့အင်အား ၅၀ ခန့်ရှိစစ်ကြောင်းကို မနက် ၁၁ နာရီခန့်က မြေပြင်ရော ဒရုန်းနဲ့ပါတိုက်ခိုက်ခဲ့ရာ စစ်သား၂ ဦးသေဆုံးခဲ့တယ်လို့ Natogyi People Defence Force NPDF တာဝန်ခံဗိုလ်လင်းယုန်က မြေလတ်အသံကို ပြောပါတယ်။ 

" ဧပြီလကတည်းက မြို့နယ်နှစ်ခုကြားမှာ သူတို့က စစ်ကြောင်းပတ်သွားနေကြတာ။ သူတို့ကင်းပုန်းဝပ်နေတဲ့အချိန် စနိုက်ပါနဲ့ပစ်ခဲ့တယ်။ စစ်သား ၂ ယောက်လဲကျပြီး သေသွားတယ်။ ဒဏ်ရာရတဲ့သူတွေရှိပေမယ့်အတိ အကျမသိရသေးပါဘူး ။ ကျနော်တို့ ဒရုန်းတစင်း Jammer ကြောင့်ပျက်စီးခဲ့ရတယ်" လို့ဗိုလ်လင်းယုန်ကပြောပါတယ်။

တိုက်ပွဲမှာသေဆုံးသွားတဲ့စစ်သား ၂ ယောက်ကိုလည်း နောက်တနေ့မှလာရောက်သယ် ဆောင်သွားတာကို သိရပါတယ်လို့သူကဆက် ပြောပါတယ်။ အဲဒီလို စစ်ကောင်စီတပ်သား ၂ ဦးသေဆုံးမှုကိုတော့ မြေလတ်အသံအနေနဲ့ သီးခြား အတည်မပြုနိုင်သေးပါဘူး။ 

ပြီးခဲ့တဲ့ ဇွန်လ ၂၀ ရက် ည ၈ နာရီအချိန်က ယုန်ထိုးရွာနားမှာ စစ်ကောင်စီတပ်ဖွဲ့တွေက ကင်းပုန်းဝပ် ချောင်းမြောင်းနေကြစဉ် ပြည်သူ့ကာကွယ်ရေးရဲဘော် PDF. ၅ ဦး တိုက်ခိုက်ဖို့ လာရောက်ချိန် နောက်ကျောဘက်ကနေပြီး၊ ပစ်သတ်ခဲ့လို့ ပြန်လည် တိုက်ခိုက်ခဲ့တာလို့ ဆိုပါတယ်။

ပုံစာ - ဇူလိုင်လ ၈ရက်မနက်ပိုင်းက စနိုက်ပါဖြင့် ပစ်ခတ်တိုက်ခိုက်နေပုံ။

#မြေလတ်အသံ

#မန္တလေးတိုင်း #မြင်းခြံ #နွားထိုးကြီးမြို့နယ် #NPDF #တိုက်ခိုက်မှု #စစ်ကောင်စီ