" ဒီနေရာမှာ မိုင်းတွေဆွဲနေတယ်ဆိုပြီး မိုင်းရှင်းလင်းရေးဝင်တယ်။ စစ်ကား ၂ စီးနဲ့ လာတယ်ပေါ့။ အောက်ကိုဆင်းပြီး မိုင်းရှင်းလင်းရေးလုပ်တဲ့အချိန်မှ ကျနော်တို့က မိုင်းဆွဲခဲ့တာပေါ့။ အဲဒီအချိန် ထိလည်းထိတယ်။ သူတို့ဘက်ကရမ်းသမ်းပြီး ကျနော်တို့ရဲဘော်တွေကို လိုက်လည်းပစ်တယ်ဗျ။ ကျနော်တို့ရဲဘော်တွေ ဖိနပ်တောင်မပါခဲ့ဘူး။ ထွက်ပြေးခဲ့ရတာ။"
“မနေ့က ပထမဦးဆုံး ရှင်းလင်းရေးအဖွဲ့ ဝင်တာ။ ဝင်တဲ့အခါကျတော့ မဒေါင်းလှရွာ စာသင်ကျောင်းရှိတယ်။ စာသင်ကျောင်းနဲ့ မီတာ ၅၀ လောက်အကွာမှာ နင်းမိုင်းတွေမြှုပ်ထားတာ။ အဲ့ဒီနင်းမိုင်းတွေကို နင်းမိတာ။ ရဲဘော် ၂ ယောက်ကတော့ ခြေထောက်ပေးဆပ်လိုက်ရတယ်။”
"သူတို့က (စကစ) ယူနီဖောင်းလည်းမပါတော့ ကျနော်တို့မဟာမိတ်တွေအနေနဲ့ ဝင်လာတယ်ပဲ ကင်းသမားတွေက ထင်လိုက်တာ။ အဲ့ဒီအချိန်မှာ ရင်း ၃ အိုင်အို ကိုဖက်တီးနဲ့ ခရိုင်ပကဖက ကိုအီးတီတို့က မုန့်စားဖို့ထွက်လာတာ။ မင်းတို့ဘယ်သွားမှာလဲလို့ လှမ်းမေးတော့ ကိုဖက်တီးက ကျနော် ရင်း ၃ ကပါလို့ ပြန်ပြောလိုက်တယ်။ ရင်း ၃ ကဆို မှောက်ဆိုပြီး ဖမ်းသွားတာ။ အဲ့ဒီအချိန်မှာအကုန် ဝရုန်းသုံးကား ဖြစ်သွားတယ်။ ဒီလိုဖြစ်တဲ့အချိန်မှာ ရွာရဲ့နေရာတော်တော် များများကို စစ်တပ်က စီးထားနေပြီ"
Sharing Information to the Local