လူထုအနေနဲ့ကလည်း အာဏာရှင်တော်လှန်ရေးလုပ်တာဟာ လက်နက်ကိုင်တောခိုမှ၊ ငွေကြေး လှူဒါန်းပြီး ထောက်ပို့ပေးမှ မဟုတ်ပါဘူး၊ အခုလို အနုပညာသန္ဓေ မမှန်၊ ရပ်တည်ချက်မရှိ၊ စစ်တပ်ရဲ့ ဝါဒဖြန့် လက်နက်တခုအဖြစ်သာ အသုံးတော်ခံနေကြတဲ့ တော်လှန်ရေးလမ်းဘေးက အမှိုက်အသရိုက် အနုပညာရှင်တသိုက်နဲ့ အတင်းဖျင်းအဆံချောင်မီဒီယာတွေကို အားမပေးတာဟာလည်း တော်လှန်ရေးလုပ်နေတာလို့သာ နှလုံးပိုက်စေချင်တယ် ။
မန္တလေးကနေ ဗန်းမော်ကို ဧရာဝတီမြစ်ကြောင်းအတိုင်း သင်္ဘောစီးသွားမယ်ဆိုရင် ၂ ညအိပ် ၃ ရက် ခရီးပါ။ အသွားအပြန်ဆိုရင် ၇ ရက်အထိ ကြာမြင့်တတ်ပါတယ်။ ဒါပေမဲ့ နွေဦးတော်လှန်ရေး စစ်အတွင်း ကာလမှာတော့ စစ်ကောင်စီရဲ့ သင်္ဘောတွေဟာ မန္တလေးကနေ ဗန်းမော် ကိုရောက်ဖို့ ၂၃ ရက်အထိ ကြာမြင့်ခဲ့ပါတယ်။ ဒီသင်္ဘော ၉ စီးရဲ့ ခရီးစဉ်တလျှောက် မြစ်ကမ်းဘေးနေထိုင်ကြတဲ့ ကလေးငယ်တဦး အပါအဝင် ဒေသခံ ပြည်သူ ၉ ဦး သေဆုံးခဲ့ပြီး ၂ ဦးဒဏ် ရာရခဲ့ပါတယ်။ ဒါ့အပြင် အဖမ်းခံရတဲ့ ဒေသခံပြည်သူ ၅၀ နီးပါးရှိခဲ့ပြီး ၅ ဦးကတော့ ပျောက်ဆုံးနေပါတယ်။ ရက်ပေါင်း ၂၀ ကျော်ကြာ မန္တလေးကနေ ဗန်းမော်ကို ခရီးဆက်ခဲ့တဲ့ စစ်ကောင်စီရဲ့ ဒီသင်္ဘောတွေ နောက်ကို ခြေရာကောက်ကြည့်ကြရအောင်ပါ။
စစ်အာဏာရှင်တော်လှန်ရေးကြီးကို ကိုယ်ထူကိုယ်ထရုန်းကန်တော်လှန်ခဲ့ကြတဲ့ အညာမြေဟာ လက်ရှိအချိန်မှာလည်း ကိုယ့်ကြမ္မာ ကိုယ်ဖန်တီးရတော့မယ့်အခြေအနေတွေနဲ့ ကြုံနေရပါပြီ။ တော်လှန်ရေးခရီးရှည်ကြီးကို ဆက်လျှောက်ဖို့နဲ့ တော်လှန်ရေးကြီးကို အဆုံးသတ်ဖို့အတွက် အညာလူထုနဲ့ အညာတော်လှန်ရေးသမားတွေရဲ့ ညီညွတ်မှုဟာ အရေးကြီးလာတယ်။ ကိုယ့်ကြမ္မာ ကိုယ်ဖန်တီးရပါတော့မယ်။
သေနတ်ကိုင်ပြီး ဖြေရှင်းမှရတော့မယ့်အဆုံးမှာ အညာမြေဟာ ရှိသမျှရောင်းချလို့ ရရာလက်လုပ် တထောင့်ထိုး သေနတ်နဲ့ တော်လှန်ရေးကိုစခဲ့ကြတယ်။ အညာမြေရဲ့ စစ်အာဏာရှင်တော်လှန်ရေးဟာ ကိုယ်ထူကိုယ်ထ၊ ကိုယ့်ဒူးကိုယ်ချွန်ပဲ။ ဆယ်ဂဏန်းနဲ့စခဲ့ကြတဲ့ တော်လှန်ရေးအင်အားစုတွေဟာ အခုတော့ ထောင်ချီကျော်လို့ သောင်းချီလာခဲ့ကြပြီ။
တကယ်က သူ့အရွယ်ဟာ ကျောင်းတက်၊ စာဖတ်၊ ပညာရေးကို လေ့လာ၊ သူငယ်ချင်းတွေနဲ့ ပျော်ပျော်ပါးပါးနေ နေရမယ့်အရွယ်ပါ။ ဒါပေမဲ့ မြန်မာပြည်မှာ အဲဒီလိုတွေလုပ်ဖို့ အခွင့်အရေးတွေ မပေးတဲ့အခါ ဒီလိုအခွင့်အရေးတွေ ရနိုင်ဖို့အတွက် သူတို့ရဲ့ ငယ်ရွယ်နုပျိုမှုတွေ၊ ဘဝတွေကို ရင်းနှီးပြီး တော်လှန်ရေးမှာ အသက်တွေ ပေးထားရတာပါ။
ပြဿနာကို ကိုင်တွယ်ဖြေရှင်းမှုဟာ တော်တော်လွှဲချော်နေသလို လူထုအထင်သေးကဲ့ရဲ့စရာ၊ လူထုအယုံအကြည်မဲ့စရာ ဖြစ်စေတယ်လို့ မြင်မိတယ်။ ဒီကိစ္စကို NUG လုပ်တာ မဟုတ်တာတော့ ကျိန်းသေတယ်။ ဒါပေမဲ့ NUG မှာ လုံးလုံးတာဝန် မရှိဘူးလား၊ ဒီနေရာမှာ အပြစ်မဟုတ်ဘဲ မစ်ရှင်ဖြစ်နေရင်ရော ဘယ်လိုသဘောထားမလဲ။ ဒါမှမဟုတ် NUG က ကြိတ်ပြီးတော့ ဖြေရှင်းပေးနေကြတာလား။
၃၅ နှစ်မြောက် ရှစ်လေးလုံးအရေးတော်ပုံကြီးကို အောက်မေ့သတိရလျက် အာဏာရှင်ဆန့်ကျင်တော်လှန်ရေး သမိုင်းတလျှောက်အသက်ပေးခဲ့ကြတဲ့ ပြည်သူတွေ၊ တော်လှန်ရေးရဲဘော်တွေ၊ နိုင်ငံရေးခေါင်းဆောင်တွေ လက်ရှိ နွေဦးတော်လှန်ရေးမှာ အသက်ပေးထားကြသူတွေကို ဂုဏ်ပြုဦးညွှတ်အလေးပြုရင်း အာဏာရှင် အမြစ်ဖြတ် ချေမှုန်းရေးတိုက်ပွဲကြီးကို ဆက်လက်ဆင်နွှဲကြပါစို့။
သေဆုံးခဲ့ရတဲ့ကလေးငယ် ၉ ဦးအနက် အသက်အငယ်ဆုံးက ၂ နှစ်အရွယ် မိန်းကလေးပါ။ မကွေးတိုင်း၊ ရေစကြိုမြို့နယ်၊ ရေလယ်ကျွန်းဒေသမှာ စစ်ကောင်စီက ပတ္တာဆိပ်ကမ်းကနေ မအူကျေးရွာဘက်ကို ဇူလိုင် ၁ ရက်မှာ ၆၀ မမ ၆ လုံးနဲ့ပစ်ခတ်လိုက်ရာ ပေါက်အူကျေးရွာက နေအိမ်ထဲမှာဆော့နေတဲ့ အသက် ၂ နှစ်အရွယ် မနှင်းရွှေရည်လင်းကို ထိမှန်ခဲ့တာပါ။
၎င်းတို့အဖွဲ့သည် မြို့ပြစစ်ဆင်ရေးများ၊ စခန်းသိမ်းတိုက်ပွဲများဆင်နွှဲရန် RPG တလက်ပိုင်ဆိုင်ထားပြီးဖြစ်သည်။ တော်လှန်ရေး၏ ဒုတိယအသက်သည် ထောက်ပို့အင်အားဖြစ်သည်ဟု PAKOKKU - SPECIAL TASK FORCE ကဆိုသည်။ ထို့ကြောင့် မိဘပြည်သူများက ထောက်ပံ့မှုများ ပေးမည်ဆိုပါက သူတို့တပ်ဖွဲ့ အနေဖြင့် မြို့ပြတွေအထိ အရောက်လှမ်းခဲ့မည်ဟု ပြောသည်။
စစ်ကိုင်းတိုင်း၊ ကန့်ဘလူမြို့နယ်၊ ပဇီကြီးကျေးရွာကို အာဏာသိမ်းစစ်ခေါင်းဆောင် မင်းအောင်လှိုင်ဦးဆောင်သည့် စစ်ကောင်စီတပ်က Yak-130 တိုက်ခိုက်ရေးလေယာဉ်ဖြင့် ဧပြီ ၁၁ ရက်တွင် ဗုံးကြဲတိုက်ခိုက်ခဲ့သည်။ ယင်းတိုက်ခိုက်မှုကြောင့် ကလေးသူငယ်၊ ကိုယ်ဝန်ဆောင်နှင့် အမျိုးသမီးအပါအဝင် အရပ်သား ၁၇၀ ကျော် သေဆုံးခဲ့ရသည်။
ကျောင်းပေါ်သို့ရောက်သည့်အခါ ဗိုလ်ပျံလွှားက “ကျနော် ပျံလွှားပါ” ဟု စတင်မိတ်ဆက်သည်။ ပြီးလျှင် မင်းတပ် တော်လှန်ရေးကစလို့ မကွေးတိုင်းပေါက်မြို့နယ်၊ ကင်းမရွာမှာ စတင်ခဲ့သည့် သူ၏လက်နက်ကိုင် တော်လှန်ရေးခရီးအစကို မိတ်ဆက်ကာ ရှင်းပြသည်။ ဗိုလ်ပျံလွှားက ထိုသို့စကားပြောနေစဉ် မင်းတုန်းပကဖအဖွဲ့မှ ဒုတိယခေါင်းဆောင် ကိုဒေါင်းသည် ငကုန်းစာသင်ကျောင်းဆောင် အရှေ့ဘက်ရှိ လှေခါးမှနေ၍ ဗိုလ်ပျံလွှားအား သေနတ်ဖြင့် လှမ်းပစ်လိုက်သည်။
အစိုးရတရပ် ရှိနေပြီးသားဖြစ်တယ်။ ပြည်သူလူထု တင်မြှောက်ထားတဲ့ NUG အစိုးရရှိနေပြီးသား (မိုးကြိုးပြောက်ကျားအဖွဲ့ရဲ့)မူဝါဒအတိုင်းသာ လိုက်လုပ်မယ်ဆိုရင် ကျနော်တို့ လမ်းလွဲသွားမယ်ပေါ့။ ပြည်သူတွေနဲ့လည်း ပြဿနာဖြစ်မယ်၊ ပြည်သူအငြိုအငြင်လည်းခံရမယ်။ အဲ့ဒါကြောင့်မို့ သူတို့နဲ့ဆက်မလုပ်နိုင်ဘူး။ ထောက်ပံ့ရေးအဖွဲ့အစည်းက အမိန့်ပေးညွှန်ကြားမှု လုပ်လာတာတွေကြောင့် ကျနော်တို့အနေနဲ့ လုံးဝလက်မခံနိုင်ဘူးပေါ့။ ဒါတွေကြောင့် ကျနော်တို့တွေအားလုံး တိုင်ပင်လိုက်ကြပြီး MOD မှာ တပ်ရင်းလျှောက်တယ်ပေါ့။ တပ်ရင်းလျှောက်လိုက်တဲ့နောက်ပိုင်းမှာပဲ ကိုဆိုင်ဂုံကို ထုတ်ပယ်တယ်။
ပန်းပန်ရင် အဖမ်းခံရတဲ့ တိုင်းပြည်ကြီး။ ကမ္ဘာ့စံချိန်ဝင် မှတ်တမ်းတင်ရတော့မယ်။ ပန်းပန်ရင် နန်းဆန်တယ် ဆိုတဲ့ ချစ်စရာကောင်းပြီး ကျက်သရေရှိတဲ့ မြန်မာ့သီချင်းစာသားတောင် မင်းဟောင်လှိုင် တဖြစ်လဲ မင်းချောင်လှိုင်လက်ထက်ရောက်မှ ပြောင်းရတော့မယ်။ သီချင်းစာသားတောင် ပျက်ရမယ့်ကိန်း။ ပန်းပန်ရင် ထောင်နန်းစံရမယ်လို့။
အဓိကဆိုးကျိုးသက်ရောက်မှာကတော့ မိုးကြိုးပြောက်ကျား တပ်ဖွဲ့ဝင်ရဲဘော်တွေဆီမှာ ဆိုးကျိုးတွေ အများကြီးသက်ရောက်သွားနိုင်တယ်။ သူတို့တွေအနေနဲ့ တော်လှန်ရေးထဲမှာ ပါဝင်နေတဲ့ လူတွေအပေါ် ယုံကြည်ချက်က အရင်လောက်ရှိတော့မှာ မဟုတ်ဘူး။ ဒါက သေချာတယ်။ တော်လှန်ရေးထဲမှာ ပါနေတဲ့ ရဲဘော်ရဲဘက်တွေအချင်းချင်းရော၊ ဦးမောင်မောင်ဝမ်း၊ ကိုမင်းမောင်မောင်တို့အပေါ်ရော၊ နောက်ပြီးတော့ ERO တွေအပေါ်မှာရော၊ NUG အပေါ်မှာရော သူတို့တွေအနေနဲ့ ယုံကြည်ချက်က အရင်လောက်ရှိတော့မှာ မဟုတ်ဘူး။
အားလုံးသိတဲ့အတိုင်း ရေရှည်မှာတော့ တိုင်းရင်သားညီအစ်ကိုတွေရဲ့ လက်ကို ဆွဲကိုင်ရင်း ဗမာပြည်သူ တွေ ကိုယ့်ခြေထောက်ပေါ်ကို ရပ်တည်ရမယ်။ ရှေ့ဆက် ကိုယ်ထူ၊ ကိုယ်ထရမယ်။ လက်ရှိမှာတော့ အညာမြေက ဗမာတွေအတွက် ဗမာပြည်သူတွေအားလုံး လက်ချင်းဆက်၊ ရင်ချင်းအပ်ရမယ်။ အညာမြေ၊ ဗမာပြည်က တော်လှန်ရေးသမားတွေလိုအပ်နေတဲ့ မောင်းပြန်တွေ၊ လေယာဉ်ပစ်တွေ ဝိုင်းကူ၊ ဝိုင်းလှူကြရမယ်။ အညာမြေအတွက် တရက်ကြာရင် တရက်နာတယ်။
Sharing Information to the Local