အခုလို ထောက်ပံ့လှူဒါန်းမှုကို အမျိုးသားညီညွတ်ရေးအစိုးရ၊ MONREC မှ ရရှိတဲ့ အခွန်ခွဲတမ်းကနေ မြို့နယ် ပအဖ၊ ပကဖ စီမံခန့်ခွဲခွင့်ရှိတဲ့ ဘတ်ဂျက်နဲ့ ကူညီ ဆောင်ရွက်ခဲ့တာဖြစ်ပြီး ဒေသခံပြည်သူတွေဆီသွားရောက်ပြီး တိုက်ရိုက်လှူဒါန်းခဲ့တာလို့ သူကဆက်ပြောပါတယ်။
“အင်းအား ၇၀ လောက်ရှိတဲ့ စစ်ကောင်စီတပ်ဖွဲ့တွေသွားနေတဲ့ လမ်းတလျှောက်ကို ဒရုန်းနဲ့လိုက်လံတိုက်ခိုက် ခဲ့တာပါ၊ စစ်*တွေ ၇ ဦးထက်မနည်း ဒဏ်ရာအပြင်းအထန်ရသွားပြီး ဒဏ်ရာရတဲ့*တွေကို ကားပေါ်ဆွဲ ခေါ်ဆောင်သွားတယ်လို့ စုံစမ်းသိရှိရတယ်”လို့ ပြည်သူ့ကာကွယ်ရေးတပ်ဖွဲ့ ရေစကြိုက တာဝန်ရှိသူတဦးက ပြောပါတယ်။
မကွေးတိုင်း၊ ချောက်မြို့နယ်အတွင်းမှာ အမည်မသိအမျိုးသားတဦးက ချောက်မြို့နယ် ပြောက်ကျားတပ်ဖွဲ့ အဖွဲ့အမည်သုံးပြီး လုပ်ငန်းရှင် အချို့နဲ့ ပြည်သူတွေဆီကနေ ငွေလိမ်တောင်းခံနေမှုတွေ ပြုလုပ်နေတယ်လို့ သိရပါတယ်။
“အင်အား၂၀၀ ဝန်းကျင်နဲ့တပ်စွဲထားတဲ့ စစ်အုပ်စုကြွယ်ပုံရွာစခန်းက စစ်သား နဲ့ ပျူစောထီးတွေကို ၅ နာရီကျော် ပစ်ခတ်တိုက်ခိုက်ခဲ့တာပါ။ ကျနော်တို့ ၁၂ ရက်နေ့က ပြည်ထောင်စုနေ့ အထိမ်းအမှတ်နဲ့ ဝင်ရောက်တိုက်ခိုက်တာ။ လုံခြူံရေးအခြေနေကြောင့် ဒီနေ့မှထုတ်ပြန်တာပါ။"
“ဒီနေ့ ဖေဖော်ဝါရီလ ၁၃ ရက်နေ့မှာကျရောက်တဲ့ ဗိုလ်ချုပ်မွေးနေ့အထိမ်းအမှတ်အဖြစ် ကျွန်းလှမြို့ သဖန်း ဆိပ်ဆည်အနောက်ခြမ်း ပြောင်သွယ်ချောင်းရိုးတလျှောက် ကျေးရွာတွေစုပေါင်းပြီး စစ်အာဏာရှင်ဆန့်ကျင်ရေးသပိတ် ပြုလုပ်ခဲ့သလို လူထုစည်းရုံးရေးဟောပြောပွဲတွေပါ ပြုလုပ်ခဲ့တာပါ။ အင်အား ၂၀၀ နီးပါးလောက်ရှိတယ်”လို့ သပိတ်အဖွဲ့ဝင်ဒေသခံတဦးက ပြောပါတယ်။
“ကျနော်အနေနဲ့ ဒီပင်လုံစာချုပ်ချုပ်ဆိုခဲ့တဲ့နေ့ကို 'ပြည်ထောင်စုနေ့' လို့ သတ်မှတ်ခဲ့ပေမယ့် လွတ်လပ်ရေးရပြီးချိန်က စ တွက်ကြည့်ရင် ပြည်ထောင်စုဆိုတာမျိူးကို ဘယ်ပြည်သူကမှ ပြည့်ပြည့်ဝဝ ခံစားသိရှိခဲ့ကြတာ မဟုတ်ဘူး။ ပါးစပ်ဖျားပေါ်မှာသာ ရှိခဲ့တဲ့ ပြည်ထောင်စုမျိုး ဖြစ်ခဲ့ပါတယ်။ အခု နွေဦးတော်လှန်ရေးက အစပြုပြီး တကယ့်စစ်မှန်တဲ့ ပြည်ထောင်စုမျိုးကို ရည်ရွယ်ပြီး ဖက်ဒရယ်ဒီမိုကရေစီ နိုင်ငံတော်ကို အားမလျှော့၊ နောက်မဆုတ်ဘဲ အဆုံးသတ်ထိ နိုင်သမျှ တာဝန်ကိုယ်စီ ထမ်းဆောင်သွားကြမှာပါ” လို့ သပိတ်ကော်မတီဝင်တဦးက ပြောပါတယ်။
စစ်ကောင်စီတပ်ဖွဲ့က မီးရှို့ဖျက်ဆီးခဲ့တဲ့ အိမ်တွေထဲမှာ ၅/99 PDF က ရဲမေတဦးရဲ့ အိမ် ၂ လုံးလည်း မီးထဲပါသွားခဲ့ပါတယ်။ အခုလို အိမ်တွေ မီးထဲပါသွားပေမယ့် စိတ်ဓာတ်ကျနေမှာ မဟုတ်သလို စစ်ကောင်စီက ဘယ်လောက်ပဲ ဖိအားတွေပေးပေး အဆုံးထိ တိုက်ခိုက်သွားမယ်လို့ ၅/99 PDF ရဲမေက ဆိုပါတယ်။
“စစ်အုပ်ချုပ်ရေး ကြေညာချက်နဲ့အတူ ခု ညမထွက်ရဆိုပြီး တင်းကျပ်မှုတွေ လုပ်လာတာပါ။ ဒေသခံတွေမှာ တနေ့တနေ့ထိတွေ့တိုက်ပွဲတွေ မီးလောင် ဆုံးရှုံးတာတွေအပြင် ခုဆို ညရေးညတာတောင် သွားမရထွက်မရဖြစ်နေပြီ။ သူတို့က စစ်ကိုင်းကို ရည်ရွယ်ချက်ရှိရှိ တင်းကျပ်မှုတွေလုပ်နေတာ” လို့ ခင်ဦး PDF တာဝန်ရှိသူတဦးက ပြောပါတယ်။
“ပြည်သူလူထုက ကျနော်တို့ မဟာမိတ်တပ်ဖွဲ့တွေကို လှူဒါန်းထားတဲ့ပစ္စည်းတွေကို စားနပ်ရိက္ခာခက်ခဲနေတဲ့ စစ်ဘေးရှောင်တွေကို ပြန်လည်ပြီး သွားရောက်လှူဒါန်းခဲ့တာပါ။ စစ်ဘေးရှောင်ပြည်သူ ၂၀၀ ကျော်ရှိတဲ့ ကျေးရွာပါ။ အစားအသောက်နဲ့ အဝတ်အစားတွေ အဓိက သွားရောက်လှူဒါန်းခဲ့တာပါ” လို့ C.G.F တပ်ဖွဲ့ တာဝန်ခံတဦးက မြေလတ်အသံကို ပြောပါတယ်။
“စစ်ကောင်စီက ထပ်ပြီးကျင်းပဖို့ မလိုတဲ့ ရွေးကောက်ပွဲကို ပြည်သူလူထုတရပ်လုံး တခဲနက် ဆန့်ကျင်ကန့်ကွက်နေတဲ့ ကြားက မရမက ဇွတ်အတင်း ရွေးကောက်ပွဲကျင်းပဖို့ ပြုလုပ်နေတာကြောင့် သတိပေးတဲ့အနေနဲ့ ဖောက်ခွဲဖျက်ဆီးတာဖြစ်ပြီး နောက်နောင်မှာလည်း ရွေးကောက်ပွဲကျင်းပဖို့ ပြုလုပ်အားထုတ်တဲ့၊ ပူးပေါင်းဆောင်ရွက်နေတဲ့ ဘယ်သူ့ကိုမဆို သုတ်သင်ရှင်းလင်းသွားမယ်လို့ သတိပေးလိုက်တာ” လို့ ပြောပါတယ်။
“ဒီကနေ့ဟာ ကျနော်တို့ မုံရွာလူထုသပိတ်တိုက်ပွဲ ဦးဆောင်ကော်မတီ ဖွဲ့စည်းခြင်း ၂ နှစ်ပြည့်မြောက်တဲ့နေ့ ဖြစ်ပါတယ်။ ဒီနေ့ ကျရောက်တဲ့ ၂ နှစ်ပြည့် အထိမ်းမှတ်အနေနဲ့ မုံရွာမြို့လမ်းမထက်ကို ချီတက်ပြီး “(၂)နှစ်ပြည့်မှသည် ရှေ့သို့ချီ စုပေါင်းအားနှင့် ရုန်းကြမည်" ဆိုတဲ့ စာသားနဲ့အတူ လူထုသပိတ်စစ်ကြောင်း ချီတက်ခဲ့ကြတာပါ” လို့ သပိတ်ကော်မတီဝင်တဦးက ပြောပါတယ်။
စစ်ကိုင်းတိုင်း၊ ယင်းမာပင်အခြေစိုက် ခရိုင်တပ်ရင်း ၁၆ လက်အောက်ခံ တပ်ခွဲ ၃ရဲ့ စခန်း၂ခုကို စစ်ကောင်စီက ဝင်စီးနင်းပြီး စခန်းတွေကိုမီးရှို့ခဲ့လို့ ငွေကျပ်တန်ဖိုး သိန်း ၃၀၀ နီးပါးဆုံးရှုံးလိုက်ရတယ်လို့ တပ်ရင်းမှူး ဗိုလ်အောက်ဆွဲဆီက သိရပါတယ်။ ဆားလင်းကြီးမြို့ပေါ်က ထွက်လာတဲ့ အင်အား ၁၀၀ ဝန်းကျင်ရှိတဲ့ စစ်ကောင်စီစစ်ကြောင်းဟာ ဖေဖော်ဝါရီ၇ရက် နေ့လယ် ၁၂ နာရီလောက်မှာ ရုတ်တရတ် ဝင်ရောက်စီးနင်းခဲ့တာဖြစ်လို့ စခန်းမှာရှိတဲ့ ရဲဘော်တွေ စခန်းစွန့်ခွာခဲ့ကြရတာလို့ ဆိုပါတယ်။
“ဝင်လာတဲ့ စစ်ကြောင်းမှာ အင်အား ၁၆၀ လောက်ပါပြီး လက်ရှိမြင်းဒေါင်းရွာအပါအဝင် အနီးအနားက သရက်ပင်စု၊ မကြီးအုပ်နဲ့ ယာတော်ရွာက ဒေသခံတွေပါ ထွက်ပြေးနေရတာပါ။ မနက် ၄ နာရီလောက်မှာ စတင် ဝင်လာကြတာပါ။ စစ်ကြောင်းဝင်လာတော့ ဖမ်းဆီးသတ်ဖြတ်ခံရမှာ စိုးရိမ်တာကြောင့် အနီးနားရွာတွေပါ ဘေးလွတ်ရာကို ထွက်ပြေးနေကြတယ်”
တစ်နိုင်ငံလုံးအတိုင်းအတာနဲ့ လူဦးရေစာရင်း အချက်အလက်တွေကို ကောက်ယူခဲ့ရာမှာ ရည်မှန်းထားတဲ့ အိမ်ထောင်စုရဲ့ ၈၆ ဒဿမ ၇ ရာခိုင်နှုန်းအထိ ကောက်ယူနိုင်ခဲ့တယ်လို့ စစ်ကောင်စီလက်အောက်ခံ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနက မနေ့က ဖေဖော်ဝါရီလ ၇ ရက်နေ့က ထုတ်ပြန်ကြေညာခဲ့ပါတယ်။
“ငါးဖမ်းသမားတွေဆီကနေ ငါးဖမ်းစက်လှေသုံးစီး၊ ရှော့စက်သုံးလုံးနဲ့ ဆက်စပ်ပစ္စည်းတွေဖြစ်တဲ့ ဘက်ထရီအိုးကြီး ၃ လုံး၊ ဘက်ထရီအလတ် ၃ လုံးနဲ့ လူ ၆ ယောက်ကို ထိန်းသိမ်းခဲ့ပြီး ငါးဖမ်းပစ္စည်းနဲ့ ဆက်စပ်ပစ္စည်းတွေကို သိမ်းယူခဲ့သလို ငါးဖမ်းသမား ၆ ယောက်ကိုတော့ စုံစမ်းစစ်ဆေးပြီး နောက်ဆုံးအကြိမ်အဖြစ် ပြန်လွှတ်ပေးခဲ့တယ်” လို့ Peacock warriors force အဖွဲ့ တာဝန်ရှိသူက ပြောပါတယ်။
Sharing Information to the Local