စစ်ကိုင်း၊ ဇန်နဝါရီ ၁၉၊ ၂၀၂၃။

စစ်ကိုင်းတိုင်း၊ ကသာမြို့နယ်၊ မိုးတာလေးရွာအနီးမှာ ဒေသကာကွယ်ရေးတပ်ဖွဲ့နဲ့ စစ်ကောင်စီတပ်ဖွဲ့တို့ ဇန်နဝါရီလ ၁၈ ရက်မနေ့က မနက်ပိုင်းမှာ ထိတွေ့ပစ်ခတ်မှု ဖြစ်ပွားခဲ့ပါတယ်။  

တမူး၊ ဇန်နဝါရီ ၁၉၊ ၂၀၂၃။ 

စစ်ကိုင်းတိုင်း(အထက်ပိုင်း)၊ တမူးမြို့က စစ်ကောင်စီလက်အောက်ခံ တမူးမြို့နယ် ရွေးကောက်ပွဲကော်မရှင်ရုံးမှာ ဒီကနေ့ ဇန်နဝါရီလ ၁၉ ရက်မနက် ၁၀ နာရီခန့်က မီးလောင်မှုဖြစ်ပွားခဲ့ပါတယ်။ 

~~~ တကယ်လိုတာပဲ တောင်းတာပါ ~~~

ကာတွန်း - နေညိုအေး

#မြေလတ်အသံ

ကျောက်ဆည်၊ ဇန်နဝါရီ ၁၉၊ ၂၀၂၃။

မန္တလေးတိုင်း၊ ကျောက်ဆည်မြို့နယ်၊ သာစည်လေးကျေးရွာက စစ်ကောင်စီလက်အောက်ခံ ဒလန်တဦး ဇန်နဝါရီလ ၁၈ ရက်မနေ့ည ၈ နာရီလောက်မှာ ပစ်ခတ်ရှင်းလင်းခံရတယ်လို့ သိရပါတယ်။

ရေစကြို၊ ဇန်နဝါရီလ ၁၉၊ ၂၀၂၃။

မကွေးတိုင်းဒေသကြီး၊ ရေစကြိုမြို့၊ အမှတ်(၂)ရပ်ကွက်ရှိ မစိုးရိမ်ကျောင်းတိုက်ထဲက လူငယ် ၄ ဦးကို PDF နဲ့ပတ်သက်တယ်ဆိုပြီး စစ်ကောင်စီတပ်တွေက ဖမ်းဆီးသွားတယ်လို့ သိရပါတယ်။

ပေါက်၊ ဇန်နဝါရီ ၁၈၊ ၂၀၂၃။

မကွေးတိုင်း၊ ပေါက်မြို့နယ်၊ ဇီးပြားရဲစခန်းကို ဒေသခံကာကွယ်ရေးတပ်တွေက ဇန်နဝါရီလ ၁၈ ရက်ဒီကနေ့ နေ့လယ်ပိုင်းမှာ ဝင်ရောက်တိုက်ခိုက်ရာ ရဲ ၁ ဦး သေဆုံးပြီး ဒဏ်ရာရသူတွေလည်း များတယ်လို့ သိရပါတယ်။ 

ရေတာရှည်၊ ဇန်နဝါရီလ ၁၈၊ ၂၀၂၃။

ပဲခူးတိုင်းဒေသကြီး၊ ရေတာရှည်မြို့နယ်၊ နဂျပ်ကျေးရွာအနီးဝန်းကျင်မှာ စစ်ကောင်စီတပ်တွေနဲ့ ဒေသပြည်သူ့ကာကွယ်ရေးပူးပေါင်းတပ်တွေအကြား တိုက်ပွဲ ၃ ကြိမ် ဖြစ်ပွားခဲ့ပြီး စစ်ကောင်စီဘက်က အရာရှိ ၃ ဦးအပါအဝင် ၄၀ ဦးကျော် သေဆုံးခဲ့တယ်လို့ သိရပါတယ်။

ကနီ၊ ဇန်နဝါရီ ၁၈၊ ၂၀၂၃။

စစ်ကိုင်းတိုင်း၊ ကနီမြို့နယ်ထဲမှာ စစ်အင်အားဖြည့်ဖို့လာတဲ့ စစ်ကောင်စီရေယာဥ် ၁ စီး ဇန်နဝါရီ ၁၇ ရက်နေ့မနက် ၁၁ နာရီမှာ တိုက်ခိုက်ခံရလို့ ၁ ဦး သေဆုံးခဲ့တယ်လို့ သိရပါတယ်။

~~~ ထွန်းအင်တာပိုရဲ့ ညီမကို အကူအညီတောင်းလေ ~~~

ကာတွန်း - နေညိုအေး

#မြေလတ်အသံ

မြောင်၊ ဇန်နဝါရီ ၁၈၊ ၂၀၂၃။

စစ်ကိုင်းတိုင်း၊ မြောင်မြို့နယ်၊ ကျောက်ရစ်ကျေးရွာမှာ အထိုင်ချထားတဲ့ စစ်ကောင်စီပျူစောထီးတပ်ဖွဲ့တို့ အစည်းအဝေးလုပ်နေချိန် လက်နက်ကြီးတွေနဲ့ ပစ်ခတ်ခံရတယ်လို့ သိရပါတယ်။