မင်းအောင်လှိုင် ဆောက်ထားပေးသည့် မုဆိုးမအိမ်ရာ (ဆောင်းပါး)
ရန်ကုန်သူ မစိမ်းမို့(အမည်လွှဲ)သည် “မြန်မာ့သားကောင်း” ဟု အမည်ပေးထားသည့် စစ်မှုထမ်းဟောင်းအိမ်ရာသို့ ယခုနှစ်မှ ရောက်လာခဲ့ခြင်းဖြစ်သည်။ အိမ်ရာနာမည်ကို “မြန်မာ့သားကောင်း” ဟု အမည်ပေးထားသော်လည်း မစိမ်းမို့တို့လို ခင်ပွန်းဖြစ်သူ တိုက်ပွဲမှာကျသွားသည့် မုဆိုးမအများစု နေထိုင်သည့်အိမ်ရာဖြစ်သည့်အတွက် စစ်မှုထမ်းဟောင်းနှင့် စစ်ကောင်စီအသိုင်းအဝိုင်းကတော့ မုဆိုးမအိမ်ရာဟုသာ ခေါ်ကြသည်။ စစ်ကောင်စီတပ်တွင် ဗိုလ်ကြီးအဆင့်ဖြင့် တာဝန်ထမ်းဆောင်ခဲ့သည့် ခင်ပွန်းဖြစ်သူသည် ယခုနှစ် အစောပိုင်းကာလက ကရင်နီ(ကယား)ပြည်နယ်တိုက်ပွဲတခုတွင် ကျဆုံးခဲ့သဖြင့် အသက် ၃၀ နှစ်ကျော်အရွယ် မစိမ်းမို့ ဤမုဆိုးမအိမ်ရာတွင် နေထိုင်ခွင့်ရခဲ့ခြင်းဖြစ်သည်။