မကွေးတိုင်း၊ ရေစကြိုမြို့နယ်၊ သဲတောရွာကို စစ်ကောင်စီတပ်က လေယာဉ်နဲ့ ဗုံးကြဲပစ်ခတ်ပြီးနောက် မြေပြင်စစ်ကြောင်းနဲ့ သေနတ်ပစ်ဖောက်စီးနင်းလာလို့ ဒေသခံ ၃ ဦးကျည်ထိမှန်ဒဏ်ရာရရှိကာ ခြေထောက်ထိမှန်လို့ မပြေးနိုင်တဲ့ရွာခံအမျိုးသား ၁ ဦးအပါ ရွာခံ ၁၀ ဦးကျော် ဖမ်းဆီးခံထားရတယ်လို့ သိရပါတယ်။
"အိမ်အပျက်အစီးလည်း အစ်မတို့အတည်ပြုလို့မရသေးဘူး။ စစ်ကြောင်းက ရွာထဲမှာပဲ ရှိနေတဲ့အတွက် ဘာမှလုပ်လို့မရသေးဘူး။”
ပဲခူးတိုင်းအနောက်ခြမ်းက မင်းလှနဲ့ ပေါက်ခေါင်းမြို့နယ်တွေမှာ ကျေးရွာအုပ်ချုပ်ရေးမှူး ၁ ဦးနဲ့ ပျူစောထီးအဖွဲ့ဝင် ၁ ဦး သေနတ်နဲ့ ပစ်သတ်ခံခဲ့ရတယ်လို့ ကာကွယ်ရေးတပ်ဖွဲ့တွေထံက သိရပါတယ်။
“တန့်ဆည်နယ်အရှေ့ခြမ်း ရွှေလှန်၊ ငတန်းရွာတွေဘက်ကနေ ရေဦးနယ်မြောက်ဘက်ခြမ်း ရွာဗုကြီးရွာတွေဘက်ကို စစ်ကြောင်းစထိုးလာတယ်။ မီးရှို့တာကတော့ ဒီကနေ့ မနက်ပိုင်း ၇ နာရီလောက်မှ စရှို့တာ။ ၂ မြို့နယ်ချုပ်စပ် ကပ်လျက်ရွာတွေပဲ။”
စစ်ကိုင်းတိုင်း(အထက်ပိုင်း) ၊ ကလေးမြို့နယ်မှာ စစ်ကောင်စီတပ်က အမြောက်လက်နက်ကြီးနဲ့ပစ်ခတ်ပြီး ဒရုန်းတွေနဲ့ဗုံးချခဲ့တာကြောင့် ဆယ်နှစ်အရွယ်ကလေး ၁ ဦး အပါ လူ ၅ ဦး ဒဏ်ရာရရှိခဲ့တယ်လို့ ဒေသခံတွေထံက သိရပါတယ်။
“စစ်ကြောင်းထိုးတယ် လာတယ်ကြားတော့ ကျနော်တို့လည်း ရှောင်ရင်းပြေးရင်းလွှားရင်းနဲ့ ခဏကြာတော့ မီးရှို့တယ်ဆိုတဲ့ သတင်းပဲကြားလိုက်ရတာ။ ၁ ယောက်ကတော့ သတ်ပြီးတော့မီးရှို့သွားတဲ့အနေအထားလို့တော့ ယူဆတယ်။ ကျန် ၂ ဦးကတော့ ဘယ်လိုသေဆုံးသွားလဲ ဘယ်သူဘယ်ဝါဖြစ်တယ်ဆိုတာ အတိအကျမသိရသေးဘူး။ စုံစမ်းလို့လည်း မရသေးဘူး။”
စစ်ကိုင်းတိုင်း၊ မြောင်မြို့နယ်၊ မြစ်သာရွာနဲ့ စုလေးကုန်းရွာဝန်းကျင်ကို နိုဝင်ဘာ ၁၃ ရက်မှာ စစ်ကောင်စီက လေကြောင်းကနေတိုက်ခိုက်ခဲ့တာကြောင့် ဒေသခံကာကွယ်ရေးတပ်ဖွဲ့ဝင်တွေနဲ့ စစ်ဘေးရှောင်တွေ ထိခိုက်ဒဏ်ရာရပြီး ဘာသာရေးအဆောက်အအုံတွေလည်းပျက်စီးခဲ့တယ်လို့ ဒေသခံတွေဆီက သိရပါတယ်။
စစ်ကိုင်းတိုင်း၊ မြောင်မြို့နယ်အနောက်ခြမ်း၊ ချင်းတွင်းမြစ်ကမ်းဘေးရှိ မကျီးဘုတ်ရွာအနီးကို စစ်ကောင်စီတပ်က လေကြောင်းနဲ့ ဗုံးကြဲခဲ့လို့ အမျိုးသမီး ၁ ဦးသေဆုံးကာ ၃ နှစ်ကျော် ကလေး ၁ ဦးအပါအဝင် ၁၄ ဦး ဒဏ်ရာရခဲ့ပါတယ်။
မကွေးတိုင်း၊ မင်းတုန်းမြို့နယ်၊ ခုန်တိုင်ကျင်းရွာကို ကာကွယ်ရေးအဖွဲ့တွေက နယ်မြေစည်းရုံးရေးနဲ့ လူထုတွေ့ဆုံရေးလုပ်ငန်းတွေ လုပ်ဆောင်ရန်သွားချိန် ယာယီတည်းခိုတဲ့နေအိမ်ကို စစ်ကောင်စီတပ်ဖွဲ့ဝင် အင်အား ၆၀ ဝန်းကျင်က နိုဝင်ဘာ ၇ ရက် ညနေ ၄ နာရီလောက်မှာ ဝင်ရောက်စီးနင်းခဲ့တဲ့အတွက် အပြန်အလှန်ပစ်ခတ်မှု ဖြစ်ပွားခဲ့တယ်လို့ မင်းတုန်းမြို့နယ်ပကဖဆီက သိရပါတယ်။
“အရက်မူး၊ စိတ်ညစ်ပြီးတော့ ကိုယ့်ဂန်းနဲ့ကိုယ် ပစ်သတ်လိုက်တယ်လို့ကြားတယ်။ ခေါင်းတနေရာ ရာတော့ဖြစ်မယ်ဗျ၊ တချက်တည်းပွဲပြတ်ဆိုတော့။ သူက ကျောက်ထုအမြောက်တပ်ကနေ ပြောင်းရွှေ့လာတာ၊ မောချောင်းမှာက ကင်းပုန်းတို့ ဘန်ကာတို့ရှိတယ်။”
"အဓိက သင်တန်းပေးဖြစ်တာက ရဲဘော်တွေ Chain of Commend ဆိုတဲ့ အမိန့်နာခံမှု အားကောင်းစေရန်၊ ရဲဘော်တယောက်ချင်းစီတိုင်းရဲ့ကျင့်ဝတ်တွေဖြောင့်မတ်မှန်ကန်မှုရှိစေဖို့၊ ရည်ရွယ်ပြီးတော့ အဓိကသင်တန်ပေးဖြစ်တာပါ။"
“မရှိတဲ့သူနဲ့ ရှိတဲ့သူနဲ့ မျှတပြီးတော့မှ စားနေရတယ်။ အခြားရွာတွေပေါ်ကို သွားဝယ်မယ်ဆိုတော့လည်း မိုးမိပြီးတော့ ဖျားနာတွေက တအားဖြစ်မှာစိုးလို့ ဘယ်သူမှမသွားရဲတော့ ရှိတာလေးနဲ့ပဲ ငပိဖုတ်စားနေရတယ်။ တချို့တဲတွေဆို အောက်ကနေမီးထည့်ပြီး လုပ်ပေးရတယ်။ တာလပတ်က တာရှည်မခံဘူး ခါတိုင်းနှစ်က မိုးတွင်းဆိုရင် ဒီနေရာကတဲဆောက်ထားလို့မလုံခြုံဘူးလား ဟိုဘက်ကိုရွှေ့။ တခါတာလပတ်ကဖြုတ်ရတော့ ပေါက်ပြဲ။ အဲ့လိုမျိုး တာလပတ်ကလေးတွေကို သူတို့ကပြန်ပြီးတော့ မိုးနေရတော့ မိုးကမလုံဘူး။”
စစ်ကိုင်းတိုင်း၊ ဘုတလင်မြို့နယ်အရှေ့ခြမ်းရှိ သဖန်းရွာမှာ စစ်ကောင်စီတပ်သားတွေက ၂ ရက်ကြာ တပ်စွဲနေထိုင်ခဲ့ပြီးနောက် ရွာကပြန်ထွက်ချိန်မှာ နေအိမ်တွေကို မီးရှို့ဖျက်ဆီးခဲ့ရာ အိမ် ၃၂ လုံး မီးလောင်ပျက်စီးခဲ့တယ်လို့ ဒေသခံတွေဆီက သိရပါတယ်။
“သူတို့ကားမှောက်တဲ့နေရာက ချောက်ဘက်ကနေလာလို့ရှိရင် ကုန်းဆင်းရှိတယ်။ အဲဒီကုန်းဆင်းမှာ အရှိန်မထိန်းနိုင်ဘဲနဲ့ မှောက်တာ။ ပုံမှန်က အဲ့ဒီလမ်းပိုင်းက မိုင်းဆွဲတဲ့နေရာ၊ ဒီနေ့တော့မိုင်းလည်း အဆွဲမခံရဘူး။ သူတို့ဟာနဲ့အရှိန်များပြီးတော့ မှောက်တာ။”
အမ်း - ပဒါန်းလမ်းပိုင်းက စစ်တပ်ကင်းစခန်း ၂ခုကို ကာကွယ်ရေးတပ် ၃ ခုပေါင်းပြီး တပြိုင်တည်း စီးနင်းတိုက်ခိုက်ခဲ့တဲ့အတွက် စစ်သား ၆ ဦးကျော်သေဆုံးခဲ့တယ်လို့ တော်လှန်ရေးတပ်ဖွဲ့တွေဆီက သိရပါတယ်။
Sharing Information to the Local