“ဖမ်းဆီးခံပြည်သူတွေက ကျနော်တို့သိရသလောက် အေးရွာလေးရယ်၊ အေးရွာလေးကြားနဲ့ သင်္ခရိုင်ကြားက လမ်းဘေးပြည်သူတွေရယ်၊ သခွတ်ပင်ရွာက တယောက်ရယ် ဖမ်းခံရတဲ့သူတွေရဲ့ နာမည်တော့အတိအကျတော့ ကျနော်တို့မသိရသေးဘူး။ တချို့မိသားစုကို မေးကြည့်တော့လည်း အဖမ်းခံရတဲ့သူတွေက ပြန်ရောက်လာတာလည်းမရှိသေးဘူး”
“သူတို့တွေ မြို့ထဲလာတော့ ပြည်သူတွေက ရှောင်ချိန်မရလိုက်ဘူး။ အိမ်ထဲမှာ ပုန်းနေရင်းထိသွားတာ။ နေအိမ်တွေထိခိုက်တာတော့ ရှိနိုင်တယ်။ အတိအကျတော့ မသိရဘူး။”
စစ်ကိုင်းတိုင်း၊ ချောင်းဦးမြို့နယ်အတွင်းရှိ မုံရွာခရိုင် အမှတ် ၁၂ တပ်ရင်း၊ တပ်ခွဲ ၃၊ လျှပ်စီးတပ်ဖွဲ့စခန်းအနီးကို စစ်ကောင်စီက လေကြောင်းကနေဗုံးကြဲတိုက်ခိုက်ခဲ့တာကြောင့် ထိခိုက်ပျက်စီးမှုတွေ ရှိခဲ့တယ်လို့ အဲ့ဒီတပ်ဖွဲ့ဆီက သိရပါတယ်။
“ဒီမနက်အစောကြီး တိုက်ရိုက်ဝင်လာတယ် ကျနော်တို့နဲ့ အင်အားမမျှတော့ နောက်ဆုတ်ပြီး ဒီကလေးတွေကို အရင်ဆုံးထွက်ခိုင်းရတယ်၊ ကျောင်းထဲမှာကျန်ခဲ့တာဆိုလို့ ဘုန်းကြီးအိုတွေနဲ့သက်ကြီးရွယ်အိုတွေပဲ ကျန်ခဲ့တယ်၊ သင်္ခရိုင်ကျောင်းမှာ သူတို့က တပ်အထိုင်ချမယ့်သဘောရှိတယ်”
"ဆွမ်းစားကျောင်းဆောင်ကိုလည်း မီးရှို့သွားတယ် အကုန်လုံးမလောင်သွားဘူး၊ ရွာထဲမှာရှိတဲ့ ဗုဒ္ဓဘာသာနဲ့ မွတ်ဆလင်နေအိမ်စုစုပေါင်း ၁၇၃ လုံးကို မီးရှို့ဖျက်ဆီးသွားတယ်၊ နောက်ထပ် နေအိမ် ၅၀ လောက်ကို မီးရှို့ထားပေမဲ့ နဲနဲပဲလောင်သွားတယ်" လို့ ကန့်ဘလူနယ်မြေခံ ကာကွယ်ရေးတပ်ဖွဲ့ဝင်တဦးက ပြောပါတယ်။
မကွေးတိုင်း၊ ဆောမြို့နယ်၊ ကံချောင်းရွာကို စစ်အုပ်စုက ထိတွေ့ပစ်ခတ်မှုမရှိဘဲ လေကြောင်း တိုက်ခိုက်ခဲ့တာကြောင့် ဒေသခံတွေထိခိုက်ဒဏ်ရာရခဲ့ပြီး နေအိမ်တချို့လည်းပျက်စီးခဲ့တယ်လို့ ဒေသခံတွေဆီက သိရပါတယ်။
“ ပထမစာရွက်တွေဖြဲချတာအားလုံးမြင်ကြတော့ ရိုးရိုးကျောင်းသူ ၁ ယောက် ကျောင်းပြန်တယ်လို့ပဲ ထင်လိုက်ကြတာ ။ခုန်ချတော့မှ မြင်တဲ့သူတွေက ကယ်လိုက်ကြတာ”
“မမဲကြီးရွာဘက်ကို စစ်မှုထမ်းစာရင်းကောက်ဖို့ ထွက်လာတာကို သတင်းကြိုတင်ရရှိထားတယ်။ စစ်မှုထမ်းကောက်တဲ့နေရာမှာ လဝက၊ မီးသတ်၊ ကျေးရွာအုပ်ချုပ်ရေးအဖွဲ့ဝင် အားလုံးပေါင်း ၆ ယောက်လောက်ရှိတယ်။ သူက ‘PDF ကို ဂရုမစိုက်လို့ တယောက်ထဲသွားလာနေတာကွ’ ဆိုပြီး ကြွေးကြော်ထားတဲ့သူ။ ”
မန္တလေးတိုင်း၊ နွားထိုးကြီးမြို့နယ်၊ နွားထိုးကြီးမြို့မရဲစခန်းကနေ ၆၀ မမလက်နက်ကြီးနဲ့ ပစ်ခတ်ခဲ့တာ ကြောင့် ဒေသခံလင်မယား ၂ ဦးသေဆုံးခဲ့တယ်လို့ ဒေသခံတွေဆီက သိရပါတယ်။
“ကျနော်တို့ဝင်ပြီး စီးနင်းတိုက်ခိုက်တဲ့အချိန် အင်အား ၁၂ ယောက်ရှိတယ်။ ကျန်တဲ့သူတွေကတော့ ခုန်ချပြီးတော့ ထွက်ပြေးကုန်တာပေါ့။ သူတို့ဘက်က ပြန်ခံပစ်တာတွေလည်းရှိတယ်။ ကျသွားတာကို ကျနော်တို့ မျက်မြင်တွေ့ရှိခဲ့တယ်။ သူတို့ဂိတ်စခန်းကိုလည်း မီးရှို့ခဲ့တယ်။ ကျနော်တို့က အချိန်အကြာကြီးယူလို့မရတဲ့အတွက်ကြောင့်မို့ အမြန်သိမ်းဆည်းခဲ့တယ်။”
“လေယာဉ်နဲ့ ၅ ပတ် ပတ်တယ်၊ ၁ ပတ်ပတ်ပြီးတိုင်း ၁ ခါစက်သေနတ်နဲ့ ၄ ချက်လောက်ပစ်တယ်။ သူတို့ပစ်လိုက်တဲ့လက်နက်ကြီးက စာသင်ကျောင်းဘေးက အိမ်သာဘေးမှာကျတာ။ အဲ့နေ့က KG ကနေ ၇ တန်း ၈ တန်းအထိကလေးတွေ စာမေးပွဲနောက်ဆုံးရက်။ ကလေးတွေက မနက်ပိုင်း စာဖြေပြီးတယ်၊ သူတို့က ညနေပိုင်းလာပစ်တာ ထိခိုက်တာတွေတော့မရှိလိုက်ဘူး။”
“ သူတို့ဒေသမှာ ပြည်သူ့စစ်အဖွဲ့ရှိတယ်ကြားထားတော့ ပကဖအဖွဲ့ဝင်တွေအနေနဲ့ သတိထားဖမ်းဆီးဖို့ ကြိုးစားရတယ်။ သူနဲ့အတူပါလာတဲ့အဖော်ကတော့ ပြောတဲ့အတိုင်း မှောက်ထားတယ်။ သူကတော့ အသာတကြည်အဖမ်းမခံလို့ ပစ်ခတ်ရှင်းလင်းလိုက်ရတာ။”
"ဆည်ဘေးကရွာဆိုတော့ ဟိုတစုဒီတစုပေါ့။ သူတို့က အဲ့ဒေသခံတွေမဟုတ်ကြဘူးဗျ။ တချို့က နေအိမ်တွေမီးရှို့ခံရလို့ ဒီဘက်ကိုပြောင်းလာတဲ့သူတွေ၊ တချို့က မီးသွေးဖုတ်၊ ငါးရှာ၊ တောင်ယာလုပ်ဖို့လာကြတာ။ ခုတော့သူတို့နယ်ပဲ ပြန်မလားမသိရသေးဘူး။ ကျနော်တို့လည်း ဘာမှ မလုပ်ပေးနိုင်ဘူး။"
“ ၁ စီးကဗုံးကြဲတယ်၊ ၁ စီးက စက်လက်နက်နဲ့ ပစ်သွားတယ်။ အဲ့တောင်မှာ ဘုန်းကြီးကျောင်းပဲရှိတာ။ ရွာထဲကတော့ တောင်ပေါ်ကျောင်းလို့ခေါ်တယ်။ အဲ့ဒီတောင်ထိပ်ပေါ်မှာ ဓမ္မာရုံသေးသေးလေး ၁ ခုရှိတယ်။ အခုအဲ့ဒါတွေက လုံးဝနေထိုင်လို့မရတော့ဘူး။ စုတ်ပြတ်သတ်ကုန်ပြီ၊ သူတို့ (စစ်ကောင်စီ)က အမျိုးဘာသာသာသနာဆိုပြီးတော့ ခေါင်းစဉ်တွေတပ်ပြီးလုပ်နေကြတယ်။ ခေါင်းစဥ်တပ်တာနဲ့လုပ်ရပ်တွေနဲ့ တခြားစီဖြစ်နေတာ”
“စစ်ကောင်စီဘက်က အပေါ်တက်မှာကို ကြိုတင်သတင်းရထားလို့ မိုင်းကွင်းတွေခင်းပြီးကြားဖြတ်တိုက်ဖို့စောင့်နေခဲ့တာပါ၊ စစ် ***ဘက်က ၅ ဦးထိတယ်ဆိုတာက မျက်မြင်ရဲဘော်တွေက ထမ်းသယ်နေတာကိုတွေ့မြင်ခဲ့ရတာပါ ”
Sharing Information to the Local