“တော်တော်ကို ရက်စက်ထားတာပါ။ ရင်ခွဲပြီးတော့ ကျနော်တို့ ရွာကဟာတွေကို စိတ်ခြောက်ခြားအောင် လုပ်သွားတာပေါ့။ နောက်ဒါမျိုး မဖြစ်အောင်ပေါ့။ ကျနော်တို့နားလေးမှာ သူတို့အဖွဲ့ တပ်ရင်း ၁ ရင်းလုံးကို ဆုံးရှုံးသွားတဲ့အနေထားဆိုတော့ သူတို့က ဒီမှာ နောက်ထပ် ထပ်လုပ်ရင် ဒါမျိုးထပ်ဖြစ်မယ်ဆိုတဲ့ နမူနာကို သူတို့ပေးတာဗျ။”
“ကာကွယ်ဆေးမထိုးတဲ့ကာလ ဒီထက်ပိုပြီးကြာလာမယ်ဆိုရင် ရောဂါတွေတဖန်ခေါင်းပြန်ထောင်လာပြီးတော့ နိုင်ငံရဲ့ ကျန်းမာရေးအဆင့်အတန်း၊ ကလေးတွေရဲ့ ကျန်းမာရေးအဆင့်အတန်းကစပြီး အကုန်ဆိုးဆိုးဝါးဝါး ထိခိုက်လာနိုင်တယ်။ ဒါ့ကြောင့် ကာကွယ်ဆေး ထိုးလုပ်ငန်းတွေကို အာရုံထားပြီးတော့မှ ပိုပြီးတော့အားစိုက်ပြီး လုပ်ပေးစေချင်တယ်။”
နေရပ်စွန့်ခွာထွက်ပြေးခဲ့ရသည်မှာ ၁ နှစ်ကျော်ခဲ့ပြီဖြစ်သော်လည်း တချို့အသက်ကြီးရွယ်အိုများသည် မီးရှို့ခံ လိုက်ရသည့် သူတို့၏ နေအိမ်များအကြောင်း ပြန်ပြောဖြစ်သည့်အခါတိုင်း မျက်ရည်ကျကာ ငိုကြွေးနေကြဆဲဖြစ်သည်။
“သက်ကြီးရွယ်အိုပိုင်းတွေက ပစ်သံခတ်သံ၊ သေနတ်သံတို့ လက်နက်ကြီးသံ၊ လေယာဥ်သံတို့ကြားရင် ဘယ်လေယာဥ်ပဲပျံပျံပေါ့ ကောင်းကောင်းဆိုးဆိုး ကြောက်တာ။ တချို့သက်ကြီးရွယ်အိုပိုင်းတွေဆိုရင် ဒူးများပျော့ခွေလဲပြီးတော့ မသွားနိုင် မလာနိုင်တဲ့ထိအောင် ဖြစ်တယ်။”
“ ‘ဒီနားမှာ PDF တွေရှိလား၊ PDF စခန်းကဘယ်နားတုန်း’ မေးတာပေါ့။ မသိဘူးပြောရင် ‘မသိရင် သတ်တယ်ကွာ’ ဆိုတဲ့သဘောမျိုးနဲ့ သတ်တာ။ ‘ဒီနားတော့ PDF စခန်းမရှိပါဘူး’ ပြောရင် ‘မရှိရင် သတ်တယ်’ အဲ့လိုပုံစံမျိုး ပစ်တာ။ အစောပိုင်းက တကယ် မပစ်လောက်ဘူးထင်တာ။ ခြိမ်းခြောက်တဲ့ ပုံစံမျိုးထင်တာ၊ ဒါပေမဲ့ နောက်ပိုင်း အော်တိုဆွဲပြီး အကုန်တန်းစီပစ်လိုက်တာ”
“လေကြောင်းတိုက်ခိုက်မှု မတိုင်ခင်ကတော့ ဗုံးခိုကျင်း ရွာမှာ မရှိဘူး။ ဒါပေမဲ့ တိုက်ခိုက်မှုဖြစ်ပြီး နောက်ပိုင်းမှာ ပြည်သူလူထုက ဗုံးခိုကျင်းတွေ ဘန်ကာတွေ၊ အိမ်တိုင်းအိမ်တိုင်းမှာ ဆောက်လုပ်လာတာတွေတော့ ရှိပါတယ်။” ဟု ပြောင်းလဲလာသည့် မင်းလှရွာအခြေအနေကို ကိုကောင်းကောင်းက ပြောသည်။ ဗုံးခိုကျင်းတကျင်းအတွက် ပျှမ်းမျှ ကျပ် ၃ သိန်းနှင့် ၃ သိန်းခွဲဝန်းကျင်ကုန်ကျပြီး အသုံးပြုသည့် သစ်၊ ကျောက်၊ သဲ စသည့်ပစ္စည်း အနည်းအများအပေါ် မူတည်၍လည်း ကုန်ကျစရိတ်ကွာခြားမှုရှိသည်။
စစ်ကောင်စီသည် ၎င်း၏ လက်အောက်ခံတပ်ဖွဲ့များ တိုက်ပွဲအတွင်းအရေးနိမ့်သည့်အခါ ပစ်ကူပေးခြင်း၊ PDF များရှိသည်ဟုယူဆသည့် ကျေးရွာများကို ဗုံးကြဲတိုက်ခိုက်ခြင်း၊ စာသင်ကျောင်းများနှင့် ဘာသာရေး အဆောက်အဦများကို ပစ်မှတ်ထား တိုက်ခိုက်ခြင်း၊ တိုက်ပွဲဖြစ်ပြီးနောက် အနီးရှိကျေးရွာများကို တိုက်ခိုက်ခြင်းနှင့် တော်လှန်ရေးအဖွဲ့အစည်းများရှိသည့် စခန်းနေရာနှင့် အဆောက်အဦများကိုတိုက်ခိုက်ခြင်းများတွင် လေကြောင်းကို အသုံးပြုခဲ့ကြသည်။
ဂန့်ဂေါမြို့နယ်နဲ့ ထီးလင်းမြို့နယ်အစပ်ရှိ စစ်ကောင်စီရဲ့ ရေမျက်နီရွာတပ်စခန်းကို ဒီဇင်ဘာ ၄ ရက်ကစလို့ ဒေသခံကာကွယ်ရေးတပ်တွေက တိုက်ခိုက်နေပြီး ဒီဇင်ဘာ ၉ ရက် ဒီနေ့အထိ တိုက်ပွဲပြင်းထန်နေတာကြောင့် အဲ့ဒီနယ်တဝိုက်က ဒေသခံတွေအပြင် နီးစပ်ရာကျေးရွာက ဒေသခံတွေလည်း နေရပ်ကနေတိမ်းရှောင်နေရတာပါ။
စစ်ကိုင်းတိုင်းမှာ စစ်ရှောင်ဦးရေ ၂ သန်းကျော် (၂,၂၈၂,၃၄၉)၊ မကွေးတိုင်းမှာ ၃ သိန်းကျော် (၃၅၆,၅၅၀) နဲ့ ပဲခူးတိုင်းမှာ ၂ သိန်းခွဲကျော် (၂၅၉,၉၃၉) ထိ ရှိလာတာပါ။
ယခုလို အရပ်သားများကို ဖမ်းဆီးသတ်ဖြတ်မှုနှင့်ပတ်သက်၍ ပခုက္ကူလူထုတိုက်ပွဲကော်မတီ ဦးဆောင်သူ ကိုစိုးထွဋ်ဝင်းက “သူတို့ရဲ့ စစ်ကောင်စီဘက်မှာ မပါလို့ ပါပဲ။ အပြစ်မဲ့အရပ်သားတွေကို ဖမ်းဆီး၊ အိမ်တွေ မီးရှို့၊ လူတွေသတ်ဖြတ်ရင် ကြောက်မယ်ဆိုတဲ့ အကြောက်တရားတွေ ရိုက်သွင်းတာ" ဟု သုံးသပ်သည်။
“တော်လှန်ရေးထဲ စဝင်လာတော့ ကျနော်စစချင်းဝင်တဲ့အိမ်မှာ တော်လှန်ရေးနာမည် အာလူးဆိုပြီး မှည့်ထားတဲ့တယောက် ရှိတယ်ဗျ။ အဲ့တော့ ကျနော်ရောက်လာတော့ ကျနော်ကလည်း ရိက္ခာတွေ ဘာတွေ ပါလာတယ်၊ ပါလာတဲ့အချိန်မှာ တိုက်တိုက်ဆိုင်ဆိုင် ကြက်သွန်အိတ်ကြီး ထမ်းလာတာ၊ သူကလည်း ‘ဟေ့ကောင် ဒီမှာတော်လှန်ရေးနာမည်ပေးမယ်’ တဲ့ ကြက်သွန်အိတ်ကြီးမြင်တော့ ‘မင်းက ကြက်သွန်လုပ်လေကွာ’ တဲ့ ‘လုပ်ပေါ့ကွာ’လို့ဆိုပြီး တွင်သွားတာပဲ။ နောက် ကြက်သွန်ပဲ ခေါ်တော့တာ”
“အခုရက်ပိုင်း ဖမ်းဆီးခံထားရတဲ့ရဲဘော်တွေကို သေဒဏ်ချမှတ်တာ၊ နှစ်ရှည် ထောင်ချနေတာတွေ များတဲ့အတွက် ဘယ်လောက်ပဲသေမိန့်ချချ တော်လှန်ရေးက သေမိန့်မကျဘဲ ဆက်လက်ချီတက်ကြရမယ်ဆိုတာကို ပြည်သူတွေသိအောင်ပါ” လို့ သပိတ်ပြုလုပ်ခဲ့ရတဲ့ ရည်ရွယ်ချက်ကို အရာတော်မြို့နယ်မှ သပိတ်တက်ကြွလှုပ်ရှားသူ ကိုသက်နောင် ကပြောပါတယ်။
ထို့ကြောင့် စစ်ကောင်စီ၏ လေယာဉ်များကို တိုက်ရိုက်ဖျက်ဆီးနိုင်ပါက အကောင်းဆုံးဖြစ်ပြီး ယင်းသို့ မဖျက်ဆီးနိုင်ပါကလည်း လေယာဉ်ရှိမည့်နေရာသို့ အသက်ရင်းကာ သွားရောက် ပစ်ခတ်တိုက်ခိုက်မည့်အစား လေယာဉ်တက်မည့်ပြေးလမ်းများကို ဖျက််ဆီးတိုက်ခိုက်သင့်သည်ဟု စစ်ကောင်စီတွင် တာဝန်ထမ်းဆောင်ခဲ့သည့် CDM လေတပ်အရာရှိက အကြံပြုသည်။
ရန်ကုန်၊ မန္တလေး၊ စစ်ကိုင်း၊ မကွေးစတဲ့ တိုင်းဒေသကြီးတွေအပါအဝင် ချင်း၊ ကချင်၊ ကရင်နီ (ကယား)နဲ့ အခြားသောပြည်နယ်တွေပါမကျန် နိုင်ငံအနှံအပြားမှာ သိန်းနဲ့ချီတဲ့ ပြည်သူတွေက ဖေဖော်ဝါရီလလယ်လောက်ကစလို့ စစ်အာဏာရှင် ဆန့်ကျင်ရေးလှုပ်ရှားမှုမှာ ပါဝင်လာခဲ့ကြသလို တဖက်မှာလည်း စစ်ကောင်စီရဲ့ လူထုအပေါ်အကြမ်းဖက်ဖြိုခွင်းမှုတွေဟာ တနေ့ထက်တနေ့ ပြင်းထန်လာပါတယ်။
Sharing Information to the Local