"သူတို့ ကင်းသွားယူတာမှာ စကစ စစ်ကြောင်းနဲ့ တည့်တည့်တိုးတာလို့ ပြောရမှာပေါ့။ ရဲဘော် ၂ ဦးကို သူတို့တွေက ဖမ်းဆီးပြီး သတ်ဖြတ်လိုက်တယ်။ ပြီးတော့ ဒေသခံပိုင်တဲ့ ထွန်စက်ပေါ်တင်ပြီး မီးရှို့လိုက်တယ်" လို့ ပြောပါတယ်။
မန္တလေးတိုင်းဒေသကြီး၊ ချမ်းမြသာစည်မြို့နယ်၊ ချမ်းတောင်ရပ်ကွက် ၇၈ လမ်းနဲ့ ရန်မန်းသံလမ်းကြား ပညာပျိုးခင်းလမ်း အကွက် ၉၀၂ သီတာအေးရပ်ကွက်၊ ပညာပျိုးခင်းလမ်းပေါ်မှာ အုပ်ချုပ်ရေးမှူး ၁ ဦး သေနတ်နဲ့ပစ်ခတ်ရပြီး သေဆုံးခဲ့တယ်လို့ သိရပါတယ်။
"ဆေးခန်းမှာ ပစ်သတ်ခံရတဲ့ သားအမိက အမေဖြစ်သူက သက်ကြီးပိုင်း သားဖွားဆရာမ အငြိမ်းစားပါ။ သူသားကတော့ သူနဲ့အတူနေတာ။ အဲဒါကို ဆေးခန်းမှာ လာပစ်သတ်သွားတာ။ သူတို့တွေက နောက်ကွယ်က ဘာလုပ်လဲဆိုတာတော့ မသိရဘူး။ ကန်ဆွယ်မှာကျတော့ တပ်ထောက်ခံသူကို သူခြံထဲမှာ ပစ်သတ်သွားတာ။ ဒါပေမယ့် သူက မသေဘူး။ ဒဏ်ရာပဲ ရသွားတယ်" လို့ ပြောပါတယ်။
"သူတို့စခန်းကို ပုံမှန်ဖြစ်နေတယ်ဆိုတာ ပြချင်လို့ သန့်ရှင်းရေးလုပ်ပြုပြင်ပြီး ညနေအပြန်မှာ မိုင်းဆွဲလိုက်တာ။ လာတုန်းကလည်း သူတို့က ဖောကားထဲမှာ အိပ်ပြီး လိုက်လာတာ။ လာကတည်းက သူတို့ပါလာတယ်မှန်းသိရင် အဲကတည်းက ဆွဲမလို့ပဲ။ ခုကပြန်မှ ဆွဲလိုက်ရတာ" လို့ ပြောပါတယ်။
အဲ့ဒီစခန်းမှာတပ်စွဲထားတဲ့ စစ်အုပ်စုက ပြီးခဲ့တဲ့ဖေဖော်ဝါရီလ ၉ ရက်မှာ စခန်းကနေထွက်ခွာသွားတယ်ဆိုတဲ့ သတင်းရတာကြောင့် မနေ့ကညပိုင်းမှာ သွာရောက်ဖျက်ဆီးခဲ့တာလို့ Swallow PDF - Magway တာဝန်ရှိသူက ပြောပါတယ်။ စခန်းဝန်းရှိ ခြံစည်းရိုးနဲ့ ကတုတ်ကျင်းတွေအားလုံး မီးလောင်ပျက်စီးခဲ့တယ်လို့ ဆိုပါတယ်။
ပဲခူးတိုင်းဒေသကြီး၊ လက်ပံတန်းမြို့နယ်၊ ရွှေကြိုပင်ကျေးရွာ လယ်ကွင်းထဲက လောင်းကစားဝိုင်းမှာရှိနေတဲ့ ကျေးရွာပျူစောထီးခေါင်းဆောင် လောင်းကစားဒိုင်ဆိုသူဟာ သေနတ်နဲ့ပစ်ခံရလို့ ပြင်းထန်ဒဏ်ရာရသွားတယ်လို့ သိရပါတယ်။
"စစ်ကားနဲ့ သူတို့တပ်ဝင်းထဲက ကျောင်းသားတွေကို ကြိုပြန်လာတဲ့ကား။ ကလေးတွေက သံချပ်ကာတပ်ထဲက တပ်မိသားစုဝင်ကလေးတွေလို့ သိရတယ်။ အရပ်သားကားနဲ့ ပြန်တာမဟုတ်ဘူး။ စစ်ကားနဲ့ ပြန်နေကြပဲ။ ဒါကို မိုင်းဆွဲတာ။ ထိခိုက်ဒဏ်ရာက သူများတယ်လို့ သိရတယ်" လို့ ပြောပါတယ်။
"သူတို့ထွက်လာအောင် တမင်အသံမိုင်းခွဲခဲ့တာ။ အဲဒီမှာ စကစ တပ်သား ၂ ယောက် ထွက်လာတာ မြင်တော့ ဝိုင်းပစ်တာ။ အပစ်ခံရတဲ့နေရာမှာပဲ လဲကျသွားတာ မျက်မြင်ပါ။ ပစ်ပြီးတာနဲ့ ကျနော်တို့ဘက်က ပြန်ဆုတ်လာတယ်။ သူတို့ဘက်ကတော့ တရစပ် ပစ်ကျန်ခဲ့တယ်" လို့ ပြောပါတယ်။
ပဲခူးတိုင်းဒေသကြီး၊ သာယာဝတီမြို့နယ်၊ ချမ်းသာကုန်းကျေးရွာနဲ့ ညောင်လေးပင်ရွာကြားက သုဿန်မှာ ပြုလုပ်နေတဲ့ လောင်းကစားဝိုင်းကို ဆက်မလုပ်ဖို့ အသံမိုင်းခွဲသတိပေးတဲ့ ကာကွယ်ရေးအဖွဲ့ဝင်တွေကို စကေဘာနဲ့ထိုးဖို့လာတဲ့ ပျူစောထီးဆိုသူ သေနတ်နဲ့ပစ်ခံရပြီး ဒဏ်ရာရရှိခဲ့တယ်လို့ သိရပါတယ်။
မန္တလေးတိုင်းဒေသကြီး၊ စဥ့်ကူးမြို့နယ်၊ ရွာသစ်ကြီးကျေးရွာနဲ့ ငပြင်းအင်းကျေးရွာတွေက အမျိုးသား ၃ ဦး ပစ်သတ်ခံလိုက်ရတယ်လို့ သိရပါတယ်။ ဖေဖော်ဝါရီလ ၁၄ ရက်နေ့ မနက်ပိုင်းတွေမှာ အမျိုးသား ၃ ဦးကို လက်နက်ကိုင်အဖွဲ့တွေက နေအိမ်တွေကနေ ဖမ်းဆီးပြီး လမ်းပိုင်းမှာ ပစ်သတ်လိုက်တာဖြစ်တယ်လို့ ဒေသခံတဦးက ပြောပါတယ်။
PDF တွေဘက်က စစ်ကောင်စီတပ်စွဲထားတဲ့နေရာကို ဘက်ပေါင်းစုံက တိုက်ခိုက်လို့ စစ်ကောင်စီဘက်လည်း လက်နက်ကြီးတွေနဲ့ ပြန်လည်ပစ်ခတ်တာရှိပြီး ကျေးရွာထဲကနေ ထွက်တိုက်တာမရှိဘူးလို့ ဆိုပါတယ်။ စစ်ကောင်စီတပ်စွဲထားတဲ့နေရာကို သိမ်းပိုက်ဖို့ ကြိုးစာခဲ့ပေမယ့် ကျေးရွာဝန်းကျင်မှာ နင်းမိုင်း၊ လက်နက်ကြီးအထိုင်နေရာတွေနဲ့ စနိုက်ပါသမားတွေ ရှိနေလို စခန်းမသိမ်းနိုင်ခဲ့ဘူးလို့ သိရပါတယ်။
"သူတို့က ကျောင်းစောင့်တဲ့အဖွဲ့တွေပေါ့။ မနက်ဆို ၆ ခွဲ ၇ နာရီလောက်ကတည်းကလာတယ်။ ကျောင်းတက်ရင် ပြန်တယ်။ ပျူနဲ့ စကစ တပ်သားတွေပါ။ သူတို့က ကျောင်းရှေ့ ပလက်ဖောင်း လမ်းထောင်တွေမှာရှိတာ။ ဒီမနက်က မီးပွိုင့်နဲ့ နီးတဲ့နေရာက အဖွဲ့တွေကို ဆွဲလိုက်တာ။ မြို့ထဲဖြစ်နေတော့ ယမ်းအသင့်တင့်ရှိတဲ့ မိုင်းကိုပဲ အသုံးပြုခဲ့တာပါ။ မဟုတ်ရင် မဆိုင်တဲ့ ပြည်သူတွေကိုပါ ထိသွားနိုင်တယ်"လို့ ပြောပါတယ်။
"အသင်းပိုင်ယာဥ် ပစ်ခံရတာကဟုတ်ပါတယ်။ အသင်းကားက လူနာပို့ပြီးပြန်လာချိန် ပစ်ခတ်မှုဖြစ်နေတဲ့ နေရာကိုရောက်ပြီး မှားယွင်းပစ်ခံရတာဖြစ်ပါတယ်။ ဖြစ်တဲ့အချိန်က မှောင်လဲမှောင်နေတာဆိုတော့ ဘယ်သူဘယ်ဝါပစ်တယ်ဆိုတာ သေချာပြောလို့မရပါဘူး။ ကျနော်တို့ဘက်က ဒီလမ်းကြောင်းပေါ်သွားလာနေတာဖြစ်လို့ အသင်းအတွက်လဲ အန္တရာယ်ရှိပါတယ်။ ဒဏ်ရာရတာက ယာဥ်မောင်း ၁ ဦးတည်းပါ" လို့ ပြောပါတယ်။
"ပြီးခဲ့ရက်ပိုင်းက မြစ်ချေက စကစ မွေးမြူရေးတပ် တိုက်ခိုက်ခံရလို့ သေဆုံးတာတွေရှိတာကို မကျေနပ်လို့ ရွာတွေဘက်ကို စစ်ကြောင်းထိုးလာတာ။ မနေ့ကဆို လာတာက အင်အား ၃၀၀ ကျော်လောက်က ကျေးရွာတွေဘက်ကို စစ်ကြောင်းတွေခွဲပြီးလာကြတာ။ သူတို့တွေလာမယ်ဆိုတာသိလို့ ရွာသားတွေက ကြိုရှောင်နေကြတာ။ အဲဒါကို အိမ်တွေ မီးရှို့သွားတယ်" လို့ ပြောပါတယ်။
ပဲခူးတိုင်းဒေသကြီး၊ ညောင်လေးပင်မြို့၊ ညောင်လေးပင်ဘူတာမှာ ဗုံးပေါက်ကွဲမှုဖြစ်ပြီး ခရီးသည် ၃ ဦးသေဆုံးကာ ၉ ဦးဒဏ်ရာရခဲ့တယ်လို့ သိရပါတယ်။
Sharing Information to the Local