"သူတို့က (စစ်ကောင်စီ) ရွာထဲမှာ PDF တွေရှိလား ဆိုပြီးမေးတယ်။ လူကြီးတချို့က ဖြေတယ် မရှိဘူးပေါ့။ အသက် ၁၂ ပဲရှိသေးတဲ့ ကလေးကိုမေးတော့ သူကကြောက်ကြောက်နဲ့ PDF ရှိတယ်။ သူက PDF ပါဆိုပြီး ပြောတော့ ကလေးကို ပါးတွေနားတွေ ရိုက်သွားကြတယ်။ ကလေးကနာလို့ ငိုနေတာ အခုထိ" လို့ ပြောပါတယ်။
စစ်ကိုင်းတိုင်း၊ ကနီမြို့ပေါ်မှာ စစ်ကောင်စီတပ်သား ၂ ဦး ကင်းလှည့်ချိန် ရန်ဖြစ်စကားများရာမှ အချင်းချင်းပစ်ခတ်မှုဖြစ်ပြီး တပ်သားတဦး သေဆုံးသွားတယ်လို့ ဒေသခံတွေဆီက သိရပါတယ်။
စစ်ကိုင်းတိုင်း၊ ရွှေဘိုမြို့နယ်ထဲက ပန်းလှိုင်ရွာနဲ့ မုန်စီရွာက နေအိမ်တွေကို စစ်ကောင်စီတပ်ဖွဲ့က တရက်တည်းမှာပဲ မီးရှို့ဖျက်ဆီးသွားတယ်လို့ ဒေသခံတွေဆီက သိရပါတယ်။
"ထိတွေ့ပစ်ခတ်မှု ဖြစ်တာက ပြည်သူ့ကျေးရွာ ကာကွယ်ရေးတပ်ဖွဲ့ နဲ့ အခြားဒေသကာကွယ်ရေးတပ်ဖွဲ့ တွေနဲ့ပါ။ သူတို့(စစ်ကောင်စီ)တွေက အင်အား ၆၀ နီးပါး ရှိတယ်။ ပစ်ခတ်မှုက ၁ နာရီ ကြာသွားတယ်။ ပစ်ခတ်မှု ဖြစ်ပြီးတော့ ရွာထဲကိုဝင်ပြီး မီးရှို့တာပဲ" လို့ ဆိုပါတယ်။
စစ်ကိုင်းတိုင်း၊ တန့်ဆည်မြို့နယ်၊ တန့်ဆည်သပိတ်အင်အားစုမှ "ဖိရင်ကြွ ထိရင်ချ နိုင်ငံသစ်ကို တည်ဆောက်ကြ" ၊ "တရားမဝင်အတုအယောင် ရွေးကောက်ပွဲ လူထုအားနဲ့တိုက်ဖျက်ကြ" စတဲ့ ဘန်နာတွေ ကိုင်ဆောင်ပြီး ချီတက်ဆန္ဒပြခဲ့ကြပါတယ်။
"သူတို့ (စစ်ကောင်စီ)အထိုင်ချထားတာက၂ နေရာပေါ့။ ရွာပြင်မှာက ဂိတ်ချထားတယ်။ ရွာထဲမှာက အထိုင်ချထားတယ်။ ရွာထဲကို ပြောက်ကျားနည်းနဲ့ ဝင်တိုက်ပြီး စခန်းတွေကို မီးရှို့နိုင်ခဲ့တယ်။ စကစ တဦးလည်း သေသွားတယ်" လို့ ဆိုပါတယ်။
ပဲခူးတိုင်းအနောက်ပိုင်း၊ သာသာဝတီခရိုင်၊ ကြို့ပင်ကောက်မြို့နယ်၊ သင်္ခရိုင်ရွာမှာ နေထိုင်တဲ့ ပျူခေါင်းဆောင်ဖြစ်သူနဲ့သမက်ဖြစ်သူတို့ကို သွားရောက်ပစ်ခတ်ခဲ့ပေမဲ့လည်း ထွက်ပြေးလွတ်မြောက်သွားတယ်လို့ PDF တပ်ဖွဲ့ထံက သိရပါတယ်။
"ကလေးတွေရဲ့ ပညာရေးက စစ်ကျွန်ပညာရေးဗဟုသုတနဲ့ အသိဉာဏ်ယှဉ်ဖြေရတဲ့ အရည်အချင်းရှိ စာမေးပွဲမျိုး မဟုတ်ဘူး။ ကျောင်းမထားရင် ဘာလုပ်မယ် ညာလုပ်မယ် ခြိမ်းခြောက်လို့သာ ထားရတာ။ ကလေးတွေရဲ့ အသက်အန္တရာယ်လည်းများတယ်။ အခုဆိုရင် ခွေးတွေက လုံခြုံရေး ယူပေးနေတာ မဟုတ်ဘူး။ ကလေးတွေက သူတို့ကို လုံခြုံရေး ယူပေးနေရတာ" လို့ ဆိုပါတယ်။
"သူတို့တွေ့က တအိမ်ကို ဘယ်လောက်ပေးရမလဲဆိုတာ စာထဲမှာ ရေးထားတယ်။ တကယ်လို့ သူတို့ကောက်ခံတာကို မပေးရင် စကစတွေနဲ့ တတန်းထဲထားပြီး ပြုလုပ်မှာဖြစ်ကြောင်းနဲ့ ငွေကြေးပေးတဲ့သူတွေကိုလည်း ထောက်ပို့ဆိုပြီး ဖမ်းဆီးတာတွေလုပ်တယ်" လို့ Myitnge PDF မြို့ပြပြောက်ကျားတပ်ဖွဲ့ဝင်တဦးက ပြောပါတယ်။
စစ်ကိုင်းတိုင်း ၊ ပုလဲမြို့နယ်၊ ပုလဲမြို့မရဲစခန်းကို ဒေသကာကွယ်ရေးပူးပေါင်းတပ်ဖွဲ့တွေက လက်နက်ကြီးတွေနဲ့ သွားရောက် ပစ်ခတ်ခဲ့တယ်လို့ တပ်ဖွဲ့ဝင်တွေထံက သိရပါတယ်။
စစ်ကိုင်းတိုင်း၊ အင်းတော်မြို့နယ်ကို စစ်အုပ်ချုပ်ရေး ကြေညာအပြီး ၆ ရက်မြောက်နေ့မှာ အလယ်ဆိပ်ရွာသားတဦး ည ၁၀ နာရီကျော်မှာ အိမ်ပြန်မိလို့ သေနတ်နဲ့ ပစ်ခံရပြီး သေဆုံးသွားခဲ့ပါတယ်။
"ကျတော်တို့က အဲဒီကို လာတိုက်မယ်ဆိုတာ သတင်းပေါက်နေတော့ သူတို့(စစ်ကောင်စီ) ဘက်က အင်အားထပ်ဖြည့်ထားတယ်။ ကျတော်တို့လည်း လူအင်အားနဲနဲနဲ့ အလစ်ဝင်တိုက်တာ ရဲစခန်းထဲကိုတော့ ဝင်လို့မရဘူး။ သူတို့ စနိုက်ဘာတွေနဲ့ ထောက်ထားတော့ ဒါပေမဲ့ ဘားတိုက်တွေ မီးလောင်သွားတယ်" လို့ ဆိုပါတယ်။
"သူတို့ရဲ့ ထွက်ဆိုချက်ကတော့ သူတို့ဧည့်စာရင်း လိုက်ကောက်တာ မဟုတ်ဘူး။ မြို့ပေါ်တက်ပြီး ရွှေသွားဝယ်တာလို့ ပြောတယ်။ CDM လုပ်ချင်တာ ကြာပြီ။ မိသားစု စားဝတ်နေရေးအတွက် မလုပ်ချင်ပဲ လုပ်နေရတယ် ပြောတယ်" လို့ မြောင်မြို့နယ် ပလဖ တာရှိသူတဦးက ဆိုပါတယ်။
"ဦးခေါင်းလည်း ဖြတ်ထားတာဆိုတော့ သေဆုံးတဲ့သူက ဘယ်ကလဲ၊ ဘယ်သူလဲဆိုတာ မသိရသေးပါဘူး။ အလောင်းတွေ့တဲ့ ရွာနှစ်ရွာက တောဘက်ဆိုတော့ နဲနဲဝေးပါတယ်။ ကြားထဲမှာ ယာခင်းတွေပဲရှိတာ အခုချိန်ထိလည်း ဦးခေါင်းမတွေ့သေးပါဘူး" လို့ ဆိုပါတယ်။
ပဲခူးတိုင်း၊ တောင်ငူခရိုင်၊ အုတ်တွင်းမြို့နယ်၊ ပေါက်တောကျေးရွာအုပ်စု၊ ပေါက်တောရွာက သားအဖ ၂ ဦးဟာ ရန်ဖြစ်စကားများရာမှ သားဖြစ်သူက ဓားနဲ့ထိုးလိုက်လို့ အဖေဖြစ်သူ သေဆုံးသွားတယ်လို့ သိရပါတယ်။
Sharing Information to the Local