မန္တလေးမြို့၊ အောင်မြေသာစံမြို့နယ်၊ ၆၆လမ်းနဲ့ ၁၂လမ်းထောင့်မှာရှိတဲ့ နိုင်ငံကူးလက်မှတ်ထုတ်ပေးတဲ့ရုံးမှာ လူအုပ်ပြိုကျပြီး အမျိုးသမီး ၂ ဦးသေဆုံးကာ ဒဏ်ရာရသူတွေရှိခဲ့တယ်လို့ မြို့ခံတွေဆီက သိရပါတယ်။
မန္တလေးတိုင်း၊ မတ္တရာမြို့နယ်ကို မနေ့က စစ်ကောင်စီတပ်တွေက စစ်ကြောင်းထိုးကာ ဒေသခံနှစ်ဦးကို သတ်ခဲ့ပြီး ကျေးရွာ၂ ရွာက နေအိမ် ၁၀ လုံးခန့်ကို မီးရှို့ဖျက်ဆီးခဲ့တယ်လို့ ပြင်ဦးလွင်ခရိုင်ပကဖပြန်ကြားရေးဆီကနေ သိရပါတယ်။
မန္တလေးတိုင်း၊ မတ္တရာမြို့နယ်အရှေ့ခြမ်းကို စစ်ကောင်စီက စစ်ကြောင်းထိုးပြီး အင်းကုန်းကျေးရွာနဲ့ ဆိပ်သာကျေးရွာက ဒေသခံအမျိုးသား ၂ ဦးကို သတ်ဖြတ်သွားတယ်လို့ မတ္တရာမြို့နယ် တော်လှန်ရေးတပ်ဖွဲ့တွေဆီက သိရပါတယ်။
"တရပ်ကွက်လုံးကောက်တယ်လို့ ပြောတယ်။ အဲတုန်းက ဥပဒေမထုတ်ပြန်သေးတော့ သာမန်ပဲထင်တာလေ။ အခုတော့ ကြောက်လန့်နေကြပြီ"
"**တွေလည်း တော်တော်များများလမ်းပေါ်မှာ အတုန်းအရုန်းမြင်ရတယ်။ **အကျအဆုံးက တော်တော်တော့များတယ်။ အရေအတွက်ကိုတော့ မသိရသေးဘူး "
စစ်ကိုင်းတိုင်း ၊ရွှေဘိုမြို့နယ်နဲ့ ဆားတောင်မြို့တွေက စစ်ကောင်စီတပ်စွဲထားတဲ့နေရာတွေကို တော်လှန်ရေးတပ်ဖွဲ့တွေဘက်က ဒရုန်းတွေနဲ့ ဗုံးသီးချတိုက်ခိုက်ခဲ့လို့ စုစုပေါင်း ၈ဦးသေဆုံးပြီး ထိခိုက်သူတွေလည်းရှိပါတယ်။
"မနေ့ကမြို့ထဲကို စစ်တပ်ကဝင်ပြီးတော့ တော်တော်များများနေရာတွေကို မီးလိုက်ရှို့တယ်။ တမြို့လုံး လေးနေရာ၊ ငါးနေရာလောက်ရှိမယ်"
" ဗျူဟာခင်းတယ် ပြောရမှာပေါ့။ မြို့ထဲမဝင်ဘဲမြို့အပြင်ကနေ ဝိုင်းတိုက်နေလို့ ဝင်ခွင့်ပေးလိုက်ပြီးမှ ကိုယ့်ဘက်က အင်အားတွေစုပြီး ပြန်တိုက်လိုက်တာ။ ဟိုကောင်တွေ(စစ်တပ်) အကုန်ပြန်ဆုတ်သွားပြီ"
"ကောလင်းမြို့ ပြန်မပေးရရေးကို ကျွန်တော်တို့ ကြိုးစားနေတယ်။ ပထမဆုံးသိမ်းယူထားတဲ့မြို့ ဖြစ်တဲ့အတွက် ကျွန်တော်တို့ဒေသကလူတွေက ပြန်မပေးချင်ကြဘူး။ အဲဒီပြန်မပေးရအရေးကို တိုင်းဒေသကြီးနဲ့ စစ်ကိုင်းတိုင်း စစ်ဦးစီးချုပ်ကိုပြောချင်တာကတော့ ကောလင်းမြို့ကို ပစ်မထားပါနဲ့။ ဝိုင်းပေးကြပါ။ ခရိုင်ပအဖ၊ တိုင်းပအဖအနေနဲ့လည်း ကောလင်းမြို့သိမ်းတဲ့အချိန်တုန်းက တအားပျော်ခဲ့ကြပြီး အခုပြန်တိုက်တဲ့အချိန်မှာ ရဲဘော်တွေအတွက် သတင်းစကားလည်း ဘာမှမကြားရဘူး။ ထောက်ပို့မှုလည်းဘာမှမရှိဘူး"
စစ်ကိုင်းတိုင်း၊ ကောလင်းမြို့အနီးဖြစ်ပွားနေတဲ့ စစ်ကောင်စီနဲ့ ဒေသခံကာကွယ်ရေးတပ်တွေရဲ့ တကျော့ပြန် တိုက်ပွဲအတွင်း တော်လှန်ရေးရဲဘော် ၆ ဦးနဲ့ ပြည်သူ ၂ ဦးသေဆုံးထားပြီး ဖေဖော်ဝါရီ ၇ ရက် ဒီနေ့အထိ တိုက်ပွဲပြင်းထန်နေဆဲဖြစ်တယ်လို့ ကောလင်းမြို့နယ် ပြည်သူ့အုပ်ချုပ်ရေးအဖွဲ့ဆီက သိရပါတယ်။
စစ်ကိုင်းတိုင်း၊ ဝက်လက်မြို့နယ်၊ ရွာသာကြီးကျေးရွာမှာ ဘန်ကာဆောက်နေတဲ့ စစ် ကောင်စီတပ်သားတွေကို တော်လှန်ရေးတပ်ဖွဲ့တွေက Fixed Wings ဒရုန်းတွေနဲ့ တိုက်ခိုက်ခဲ့ရာ စစ်သား ၇ ဦးထိခိုက်ဒဏ်ရာရခဲ့တယ်လို့ ဒေသခံတော်လှန်ရေးတပ်တွေဆီကသိရပါတယ်။
ဒီမြို့ကို စစ်တပ်ကပြန်သိမ်းပိုက်မယ့်သတင်းက ကာကွယ်ရေးတပ်တွေဆီကို ကြိုရောက်ထားတာကြောင့် PDF တပ်ရင်းတွေကဘက်ကလည်း မြို့စောင့်တပ်တွေကို အဆင်သင့်ပြင်ကာ တိုက်ပွဲဝင်နေတယ်လို့ PDF တပ်ရင်းတခုမှာရှိနေသူ အမျိုးသမီးတဦးက ပြောပါတယ်။
စစ်ကိုင်းတိုင်း၊ ခင်ဦးမြို့နယ်မှာ ဖေဖော်ဝါရီ ၁ ရက် မနေ့က စစ်တပ် စစ်ကြောင်းထိုးခဲ့ပြီး အိမ်ခြေ ၁၅၀ ကျော်ကို မီးရှို့ဖျက်ဆီးခဲ့သလို စုစုပေါင်းပြည်သူ ၄ ဦးကို သတ်ဖြတ်ခံခဲ့ရတယ်လို့ ဒေသခံကာကွယ်ရေးတပ်တွေဆီက နေသိရပါတယ်။
မန္တလေးတိုင်း၊ မတ္တရာမြို့နယ်အရှေ့ခြမ်းကကျေးရွာ ၄ ရွာကို စစ်ကောင်စီတပ်တွေက မီးရှို့ဖျက်ဆီးခဲ့တဲ့အပြင် လက်နက်ကြီးနဲ့ပစ်ခတ်တာကြောင့် ပြည်သူ ၂ ဦး ထိခိုက်ဒဏ်ရာရရှိခဲ့တယ်လို့ မတ္တရာမြို့နယ် ပြည်သူ့ကာကွယ်ရေးအဖွဲ့ရဲ့ သတင်းပြန်ကြားရေးအဖွဲ့ဆီက သိရပါတယ်။
စစ်အာဏာသိမ်းမှု ၃ နှစ်ပြည့်အနေနဲ့ အသံတိတ်သပိတ်နဲ့ White Campaign ကို ဖေဖော်ဝါရီ ၁ ရက်ဒီမနက်ပိုင်းမှာ ဝက်လက်မြို့နယ်အခြေစိုက် နန်းတက်မင်း ဒေသတော်လှန်ရေးအင်အားစုတပ်ဖွဲ့နဲ့ ဒေသခံတွေ ပူးပေါင်းလုပ်ဆောင်ခဲ့ကြတယ်လို့ တပ်ဖွဲ့ခေါင်းဆောင်က ပြောပါတယ်။
Sharing Information to the Local