“တချို့ရွာတွေဆို ဆေးပေးခန်းသွားဖို့တောင် နေ့ဝက်လောက် ဆိုင်ကယ်မောင်းမှ ရောက်တဲ့ ရွာတွေရှိပါတယ်၊ ဒီလိုရွာတွေက နာမကျန်းဖြစ်တဲ့သူတွေဆိုရင် မသွားနိုင်ကြတာ များပါတယ်၊ ဒီလိုရွာမျိုးတွေကို အဓိကထားပြီး ကျနော်တို့ သွားဖြစ်ပါတယ်။”
“ သူတို့ဆီမှာက မောင်းပြန်မရှိဘူး၊ တတောင့်ထိုးလေးတွေနဲ့ ရွာကာကွယ်ရေးထိုင်တယ်။ ရွာကာကွယ်ရေးအဖွဲ့ဝင် ၆ ယောက်လုံးကို လက်ပြန်ကြိုးတုပ် ဖမ်းထားတယ်။ ဖမ်းပြီးသွားတော့ သူတို့နေတဲ့နေရာမှာပဲ သတ်ပစ်လိုက်တယ်။ တတောင့်ထိုးတွေ လက်နက်ခဲယမ်းတွေ သိမ်းသွားတယ် ”
တပ်ဖွဲ့မှာ အရင်က အီကွေ့မန့်တွေ အသုံးပြုဖူးပေမယ့် အရည်အသွေးနိမ့်တဲ့အတွက် ကျည်ကာကွယ်နိုင်စွမ်းမရှိခဲ့တာကြောင့် အခုလက်ရှိပြုလုပ်နေတဲ့ သံကွန်ချာကမ်ပိန်းက ရရှိငွေတွေနဲ့ ရဲဘော်တွေအတွက် ကျည်ဒဏ်ကို သေချာကာကွယ်နိုင်တဲ့ ကျည်ကာတွေ တပ်ဆင်ပေးသွားမှာဖြစ်တယ်လို့ MDF တပ်ဖွဲ့ရဲ့ ဘဏ္ဍာရေးတာဝန်ခံ အမျိုးသမီးရဲဘော်က ပြောပါတယ်။
စစ်ကိုင်းတိုင်း၊ မြောင်မြို့နယ်မှာရှိတဲ့ CDSOM စခန်းတခုကို စစ်ကောင်စီက မေ ၂၃ရက် မနက်ပိုင်းက ဝင်ရောက်စီးနင်းခဲ့ပြီးနောက် ပြန်လည်တိုက်ခိုက်ခံရပြီး စစ်ကောင်စီဘက်က သေဆုံးမှုများတယ်လို့ သိရပါတယ်။
“တိုင်ထားတာလေးရှိလို့ စစ်ဆေးမေးမြန်းရုံလေးတင်ဆိုပြီး ခေါ်သွားတာ။ အိမ်ထဲဝင်ဝင်ချင်း အဖေ့ကို နောက်ပြန် လက်ထိပ်ခတ်ပြီး မှောက်ခိုင်းထားတယ်။ အမေတို့ကိုလည်း လက်ထိပ်ခတ်လိုက်တယ်။ အိမ်ကို မွှေနှောက်ရှာ သွားတယ်။ သော့တောင်းတာ သော့မရှိတော့ ဗီရိုတွေကို ဓားမနဲ့ ကလန့်ပြီး ဖွင့်ယူသွားတာ။”
“စခန်းကို ဝိုင်းဝင်ပြီး အနီးကပ် ထပစ်ကြတာ။ စစ်ကောင်စီဘက်က အထိများတယ်။ သူတို့ ဒရုန်းဗုံးသီးက ထန်းပင်တရပ်ကျော်လောက်ကနေ သူတို့ပေါ် ပြန်ကျတာလည်းရှိတယ်။ မနေ့က ပွဲကတော့ မြောင်နယ်မှာ တော်တော်ကြီးတယ်။ လေယာဉ်လာပြီး တနာရီကျော်လောက် ပတ်ပစ်သွားတယ်။ လေကြောင်းနဲ့ မြေပြင် ၂ မျိုးပေါင်းပစ်တော့ ရဲဘော်တွေဘက်က ဘယ်လိုမှ ပြန်လှန်မရတော့ ဆုတ်ခွာခဲ့ရတယ်။”
“မီးသတ်ရုံးနဲ့ မီတာ ၆၀၀ အကွာလောက်မှာ တိုက်ပွဲဖြစ်ပွားတာပါ၊ လက်ဦးမှုကတော့ ကျနော်တို့ရတယ်။ ဒါပေမယ့် အခုသေသွားတဲ့ ၂ ယောက်ကလည်း ပြန်ပစ်တယ်၊ အပြန်အလှန်ပဲဗျ။”
“ သေတာတွေကတော့ အတိကျတော့ မသိနိုင်ဘူး။ ကျနော်တို့ သူတို့ရဲ့ ပိုးခြင်း ၅ ခြင်းရတယ်။ သူတို့ပစ္စည်းတွေရတာနဲ့ ခန့်မှန်းကြည့်ရင် မသေပါဘူးဆိုရင် ၁၀ ယောက် ကျော်ကတော့ အနည်းဆုံးပဲလို့ ခန့်မှန်းရတာပေါ့”
“ အင်းဝိုင်းက အေးဆေးနေတဲ့ရွာ မထင်မှတ်ဘဲ ဝင်စီးခံရတာ။ ရွာထဲကိုဝင် ပေါ်တာဆွဲပြီး ကတုတ်ကျင်းတွေ တူးခိုင်းတယ်။ အဲ့ရွာကို ခြေကုတ်ဝင်ယူတဲ့သဘောပေါ့။ ပြည်သူတွေကို ရက်ရက်စက်စက် သတ်သွားတယ်။ တချို့ မီးရှို့သတ်ထားတဲ့ဟာတွေတောင်မှ ရှိမယ်”
“ သူတို့ဘက်က ပစ်ချိန်တော့မရဘူး။ ကားပေါ်မှာလည်း သေတယ်၊ ကားကိုရပ်ပြီး ထွက်ပြေးကြတာကို နောက်ကနေလိုက်ပစ်တာမှာ **ကတော့ အကုန်လစ်တယ်။ စစ်ကူလာဖို့ အရမ်းလွယ်လွန်းနေလို့ ပစ်ပြီး ပစ္စည်းကောက်ပြီး တန်းဆုတ်လာရတာပါ”
မကွေးတိုင်း၊ မင်းတုန်းမြို့နယ်၊ ငကုန်းကျေးရွာအနီးကို စစ်ကောင်စီတပ်က ဂျက်ဖိုက်တာနဲ့ ဗုံးကြဲသလို စက်သေနတ်နဲ့ ပစ်ခတ်တာတွေ ပြုလုပ်သွားတယ်လို့ ဒေသအတွင်း ကာကွယ်ရေးတပ်ဖွဲ့ဆီက သိရပါတယ်။
“စည်းကမ်းချက်တချို့နဲ့ ကိုက်ညီမှာ မဟုတ်ဘူး၊ မကိုက်ညီဘူးဆိုရင် အဲချိန်ထဲက ပယ်ချလိုက်။ ခုက တနှစ် ကျော်မှ အဲလိုလာလုပ်တော့ ပြောရမယ်ဆိုရင် မိုက်ရိုင်းတာ စော်ကားတာ။ ကလေးတွေရဲ့ မျှော်လင့်ချက်တွေ ရော တက်လမ်းတွေရော အကုန်လုံးကို ရိုက်ချိုးပစ်လိုက်တာ။”
“ ‘ဒီနားမှာ PDF တွေရှိလား၊ PDF စခန်းကဘယ်နားတုန်း’ မေးတာပေါ့။ မသိဘူးပြောရင် ‘မသိရင် သတ်တယ်ကွာ’ ဆိုတဲ့သဘောမျိုးနဲ့ သတ်တာ။ ‘ဒီနားတော့ PDF စခန်းမရှိပါဘူး’ ပြောရင် ‘မရှိရင် သတ်တယ်’ အဲ့လိုပုံစံမျိုး ပစ်တာ။ အစောပိုင်းက တကယ် မပစ်လောက်ဘူးထင်တာ။ ခြိမ်းခြောက်တဲ့ ပုံစံမျိုးထင်တာ၊ ဒါပေမဲ့ နောက်ပိုင်း အော်တိုဆွဲပြီး အကုန်တန်းစီပစ်လိုက်တာ”
ပြီးခဲ့တဲ့နှစ်က မြေပဲ ၁ ဧကကို တင်းရေ ၁၀၀ ခန့် ထွက်ရှိပြီး အခုနှစ်ကတော့ ၁ ဧကကို တင်း ၃၀ နီးပါးသာ ထွက်တာကြောင့် ပုံမှန်မြေပဲ တင်းရေ ၁,၀၀၀ ကျော် ရရှိတဲ့တောင်သူတွေပါ အခုနှစ်မှာ တင်း ၂၀၀ ကျော်သာ ထွက်ရှိတော့တယ်လို့ သိရပါတယ်။
ထပ်မံသေဆုံးသူတွေဟာ အသက် ၈၃ နှစ်အရွယ် ဒေါ်ခင်မြင့်နဲ့ အသက် ၃၇နှစ်အရွယ် ဦးဇော်လင်းတို့ ဖြစ်ပြီး မေလ ၁၂ ရက်နဲ့ ၁၃ ရက်တွေမှာ ဆေးကုသရင်း ရရှိဒဏ်ရာတွေနဲ့အသီးသီးသေဆုံးခဲ့တာလို့ ဆိုပါတယ်။
Sharing Information to the Local