“ရွာပတ်ပတ်လည်စခန်း ၄ ခုကို ဝင်စီးပြီး သူတို့ပင်မစခန်းတခုကို ၄ ရက်လောက် ထိုးစစ်လုပ်ခဲ့တယ်။ စစ်ကောင်စီဘက် ပျောက်ဆုံး ဒဏ်ရာရ ဆေးကုသ အားလုံးဆို ၁၀၀ နီးနီး ရှိတယ်။ စစ်တပ်ဆေးရုံမှာတောင် နေရာမလောက်လို့ ကုတင် ၁၀၀ ပြည်သူ့ဆေးရုံကိုတောင် လွှဲပေးထားတယ်" လို့ ပြောပါတယ်။
“အချုပ်ထဲ တနှစ်ကျော် ကြာတယ်။ တရားသူကြီးက အမိန့်ချမယ်ဆို ချလို့ရတယ်။ အဲ့တာကို သူအမိန့်ချလိုက်ရင် PDF တွေကများ လာသတ်မလားဆိုပြီးကြောက်ပြီး မချသေးတာ၊ ခုမှမဖြစ်မနေ ချလိုက်ရတော့တာ” လို့ အင်းတော်ဒေသခံတဦးက ပြောပါတယ်။
“၁ ရက်နေ့က ၃ ကြိမ်လောက် ပစ်တယ်။ ဒီနေ့လည်း ၂ နာရီခွဲလောက်က လာပစ်သွားတယ်။ သူတို့ဘက်က အကျဆုံးများတယ်။ မနေ့ကရယ် ဒီနေ့ရယ် သဂြိုလ်ပေးရတာကို ၂၀ ကျော်ပြီလို့ ကြားတယ်။ သူတို့ဘက်က စားပေါက် တကယ်ခိုင်တဲ့မြို့ဖြစ်လို့ ကိုယ်တွေဘက် အပါမခံဘဲ ဆက်တိုက်ဖိနေတာ” လို့ HPDF 124 အဖွဲ့ ရဲဘော်တဦးက ပြောပါတယ်။
“ကျတော်တို့က ဥက္ကဌအိမ်ကို အတင်းဝင်ပစ်ပြီး ဝင်စီးပြီးသွားပြီ။ အိမ်ထဲကဟာတွေလည်း အကုန်ငြိမ်သွားပြီ။ အဲ့အချိန်အိမ်အပြင်ဘက် အိမ်သာဘက်က ပစ်တဲ့ကျည်က ကလေး ၂ ယောက် မှန်သွားတာ။ အဲ့ပစ်တဲ့ဘက်ကို နောက်ကပတ်ဝင် သံပုရာသီး ၂ လုံး ပစ်ထည့်ပြီး ကလေးတွေကို ကယ်ဖို့ပြန်တက်ချိန် ကျဆုံးသွားကြပြီ” လို့ MGN Tiger အဖွဲ့ တာဝန်ရှိသူက ပြောပါတယ်။
မကွေးတိုင်း၊ ပခုက္ကူမြို့နယ်၊ မြို့မဈေးကြီးထဲက ဆိုင်တွေကို ယမန်နေ့က မဖွင့်ဘဲ ဒီနေ့မှ ပြန်ဖွင့်တယ်ဆိုပြီး ခြိမ်းခြောက်ကာ ဆိုင်အတင်း ပိတ်ခိုင်းတာတွေ ရှိတယ်လို့ သိရပါတယ်။ ဖေဖော်ဝါရီ ၂ ရက် ဒီကနေ့မနက် ၁၀ နာရီဝန်းကျင်က စစ်ကောင်စီအဖွဲ့ဟာ ကားနဲ့အရင်ပတ်ကြည့်ပြီးမှ ဈေးထဲကိုအင်အားအလုံးရင်းနဲ့ ဝင်ကာ မနေ့က ပိတ်တဲ့ဆိုင်တွေကို ခြိမ်းခြောက်ဆဲဆိုနေတာ ဖြစ်တယ်လို့ ဆိုင်ပိတ်လိုက်ရတဲ့ ဈေးသည်တဦးက ပြောပါတယ်။
“ကလေးတွေ အပြင်မရောက်ဖို့၊ စိတ်လေတာတွေမဖြစ်ဖို့၊ စောစောစီးစီး အိမ်ထောင်တွေမကျဖို့၊ စဉ်ဆက်မပြတ် သင်ကြားခွင့်ရဖို့ အဓိကပဲ။ နဂိုတုန်းက သင်ကြားရေးမှာဆို ပညာရှင်သပ်သပ်ဆိုတာ မရှိဘူး။ ခုကျ ပန်းချီပညာရှင်၊ ဂီတပညာရှင်တွေလည်း လာပြီး ကူညီကြတဲ့အတွက် ဖွံ့ဖြိုးရေးဘာသာရပ်တွေမှာ တော်တော်လေး ထိထိရောက်ရောက် ဖြစ်တယ်" လို့ ပြောပါတယ်။
စစ်ကိုင်းတိုင်းအထက်ပိုင်း၊ အင်းတော်မြို့အထွက် အင်းတော်-ဗန်းမောက်ကားလမ်းပေါ်က နွားပွဲဈေးရုံအနီးမှာ စစ်ကောင်စီ စစ်ဆေးရေးအဖွဲ့နဲ့တွေ့ကာ အမျိုးသမီးငယ်တဦး ဖမ်းဆီးခံခဲ့ရပြီး ခုချိန်ထိ သတင်းအစအန မရသေးဘူးလို့ သိရပါတယ်။
“ရေဦး၊ ဆားလင်းကြီး၊ ဒီပဲယင်း အဲ့ဘက်ရွာတွေကို ဦးစားပေးဖြစ်တယ်။ အဲ့ဘက်တွေက မီးရှို့ခံရတာတွေက အကြိမ်ရေကိုမနည်းတော့ဘူးလေ။ အထိခိုက်ဆုံးရွာတွေကို ရွေးထုတ်ပြီး လုပ်ပေးနေတာပါ။ လုပ်ပေးချင်တာတော့ အကုန်လုံးကို လုပ်ပေးချင်တာ။ ငွေကပြန်ကြည့်နေရတော့ တော်တော်လေး ဒုက္ခရောက်တဲ့သူတွေကိုပဲ ကူညီနေရတာ။”
စစ်ကိုင်းတိုင်း၊ ကောလင်းမြို့နယ်အရှေ့ခြမ်းက ကုက္ကိုကုန်းရွာကို လေကြောင်းနဲ့ ပစ်ခတ်ပြီးနောက် နယ်မြေရှင်းလင်းရေး လုပ်ဆောင်စဉ် သေဆုံးပြည်သူ ၂ ဦးရဲ့ အလောင်းတွေကို တွေ့ရှိခဲ့တယ်လို့ ဆိုပါတယ်။ ဇန်နဝါရီ ၂၇ ရက်နေ့ ညနေ ၄ နာရီဝန်းကျင်က Mi35 ၂ စီးနဲ့ ၁ နာရီကျော်ပစ်ခတ်ပြီး၊ Mi 17 ၂ စီးနဲ့ အင်အား ၅၂ ယောက်ခန့် ချထားခဲ့ကာ မီးရှို့ဖျက်ဆီးတာတွေ၊ ပစ်သတ်တာတွေ လုပ်ခဲ့တာဖြစ်တယ်လို့ ဆိုပါတယ်။
"ပြာပုံကြီးပဲ ရှိတော့တယ်။ မနေ့ကထိကို ရှို့နေတုန်း။ ပြည်သူသေဆုံးတာတွေ ရှိတယ်။ မီးထဲပါတာတွေ၊ စစ်ကြောင်းဝင်လာလို့ ပစ်သတ်တာတွေရော၊ စစ်ကြောင်းပြန်မလှည့်သရွေ့တော့ အတိကျပြောလို့ မရသေးဘူး။ သူတို့ဘက်က ဗျူဟာမှူးကျသွားတော့ တအားကို အထိနာသွားပြီး ရမ်းသမ်းမီးတွေ ရှို့တော့တာပဲ။”
“သူက နွားကျောင်းရင်းတံတားအနီးမှာ ကီးပတ်ဖုန်းကိုတွေ့လို့ ကောက်ယူချိန်မိုင်းကွဲတာပါ၊ စိုးရိမ်ရတဲ့ အခြေအနေပါ၊ ဖုန်းကိုအရောင်ပြပြီး အောက်မှာမိုင်းထောင်ထားတာ၊ ဒီဒေသမှာက စစ်**တွေပဲလှုပ်ရှားလာတာပါ၊ ကျနော်တို့ဘက်ကလူတွေက ပြည်သူဒုက္ခဖြစ်စေတဲ့လုပ်ရပ်တွေကို မလုပ်ပါဘူး"လို့ ပြောပါတယ်။
“သူက(ဒလန်) မြို့နယ်မှူးအတွက် ထမင်းဝယ်ပြီးထမင်းဆိုင်ကအထွက်ကို လက်နက်ကိုင်အဖွဲ့စည်းကဖမ်းတာ၊ အဲ့နောက်မှာ စစ်ကောင်စီလက်အောက်ခံ ရဲတပ်ဖွဲ့တွေက ဆိုင်ကိုလာသောင်းကျန်းပြီး အဲ့ဆိုင်က လင်မယားကိုဖမ်းသွားတာ။” လို့ မျက်မြင်တွေ့ခဲ့တဲ့ ပြည်သူတဦးက ပြောပါတယ်။
“ဒီဘက်ဒေသတွေမှာက ခဏခဏမီးရှို့ခံရတော့ စိတ်ဓာတ်ပိုင်းဆိုင်ရာ ကျဆင်းမသွားအောင် အားပေးတဲ့ပုံစံမျိုးလည်း ဖြစ်တယ်၊ နိုင်ငံရေးမှာလည်း ဖက်ဒရယ်နဲ့ ဒီမိုကရေစီဆိုတဲ့ အကြောင်းရာတွေလည်း ကွဲဖို့ပေါ့၊ ပြည်သူတွေကို ဖြည်းဖြည်းချင်းတော့ မျက်စိဖွင့် နားဖွင့်ပေးနိုင်အောင် ဆောင်ရွက်နေပါတယ်။” လို့ ဆွေးနွေးပွဲမှာပါခဲ့တဲ့ အဖွဲ့ဝင်တဦးက ပြောပါတယ်။
"ပြည်သူတွေရဲ့ အန္တရာယ်အတွက်ကိုလည်း စိုးရိမ်မိသလို ထိခိုက်မှာကိုလည်း မလိုလားပါဘူး။ အဲ့တာကြောင့် လုံခြုံရေးကို အထူးဂရုစိုက်ပြီး ပါဝင်ကြပါ။ များများပါဝင်နိုင်မယ်လို့ ယုံကြည်ပါတယ်။ ပြည်သူ့အင်အားပြဖို့ ပူးပေါင်းကြပါ။ မိမိတို့ အနာဂတ်အတွက် တိုက်ပွဲဝင် တော်လှန်ကြဖို့ တိုက်တွန်းလိုပါတယ်။"
NUG လက်အောက်ခံ ၉၀၁ တပ်ရင်းမှာ မွမ်းမံသင်တန်းပေးတာတွေ၊ စစ်ရေးလေ့ကျင့်တာတွေကို အပြင်းထန်လုပ်နေပြီး ၂၀၂၃ ခုနှစ်ထဲမှာ မြို့သိမ်းတိုက်ပွဲတွေအတွက် အဓိကထား တိုက်ခိုက်သွားမှာဖြစ်တယ်လို့ သိရပါတယ်။
Sharing Information to the Local