မန္တလေးတိုင်း၊ တံတားဦးခရိုင်၊ ငါန်းဇွန်မြို့နယ်၊ တောင်ရွာဘိုရွာ ဘုန်းကြီးကျောင်းမှာရှိတဲ့ အင်အား ၇၀ ကျော်ပါစစ်တပ်စစ်ကြောင်းကို သြဂုတ် ၁၆ ရက်မှာ တော်လှန်ရေးပူးပေါင်းတပ်ဖွဲ့တွေက သွားရောက်တိုက်ခိုက်ခဲ့တယ်လို့ မန္တလေးခရိုင်တပ်ရင်း ၅ ဆီက သိရပါတယ်။
ဒီပဲယင်းမြို့ကို အောင်မြင်စွာသိမ်းပိုက်ပြီးတဲ့နောက် တိုက်ပွဲဝင် တော်လှန်ရေးပူးပေါင်းတပ်ဖွဲ့တွေရဲ့ ဓာတ်ပုံမှတ်တမ်း မြင်ကွင်းတချို့ကို စုစည်းဖော်ပြပေးလိုက်ပါတယ်။
"သူ့မိန်းမက သူတို့နဲ့အတူရှောင်ပြေးဖို့ ခေါ်သေးတယ်။ သူက အိမ်ကိုချစ်တော့ အိမ်စောင့်နေခဲ့မယ် ပြောတယ်။ ညနေ ၃ နာရီလောက်မှာ သူတို့အိမ်နားမှာ နှစ်ဖက်ပစ်ခတ်မှုဖြစ်ပြီးကတည်းက ပျောက်သွားတာ။ ဖုန်းပါသွားပေမယ့် စက်ကပိတ်ထားတယ်"
“ Confirm ဖြစ်ပါတယ်ဗျ။ လောလောဆယ် ဒီပဲယင်းမြို့ကတော့ အလုံးစုံသိမ်းနိုင်ပြီပေါ့။ ဝေဟင်တော့ တချက်ကြောက်ရတယ်။ စစ်ကောင်စီဘက်က တချို့လည်း ထွက်ပြေးတယ်။ တချို့လည်း လက်နက်ချတယ်။”
“ရေဦးဘက်က စစ်ကြောင်းမှာ ဒုတပ်ကြပ်တဦးကျတယ်လို့ ကြားရတယ်။ ဒီပဲယင်းမှာရှိနေတဲ့ ဗိုလ်တဦး ကျတယ်လို့ ကြားရတယ်။ အခြေအနေတွေက ရုတ်ရုတ်သဲသဲနဲ့ ဝေဟင်ကလည်း ဆက်တိုက်လာနေတာ ဖြစ်တဲ့အတွက် ထိခိုက်ပျက်စီးမှု အခြေအနေ ဘာတခုမှမသိရသေးဘူး။”
“အဲဒီဂိတ်မှာ အထိုင်ချနေကြတာ မဟုတ်ဘူး။ စစ်သား၊ ရဲနဲ့ ပျူစောထီးတွေက ကားတွေနဲ့လာပြီး စစ်ဆေးရေးလုပ်တာ။ လူအင်အား ၁၀ ဦးခန့်ပါတယ်။ ခရီးသွားကားတွေကို ပိုက်ဆံလာတောင်းကြတာ။ ပစ်ခတ်ခဲ့တာကြောင့် မျက်မြင်ရှေ့တင် ဒဏ်ရာ ၃ ဦးရပြီး ထွက်ပြေးသွားတယ်။”
“အဲဒီဂိတ်မှာ အထိုင်ချနေကြတာ မဟုတ်ဘူး။ စစ်သား၊ ရဲနဲ့ ပျူစောထီးတွေက ကားတွေနဲ့လာပြီး စစ်ဆေးရေးလုပ်တာ။ လူအင်အား ၁၀ ဦးခန့်ပါတယ်။ ခရီးသွားကားတွေကို ပိုက်ဆံလာတောင်းကြတာ။ ပစ်ခတ်ခဲ့တာကြောင့် မျက်မြင်ရှေ့တင် ဒဏ်ရာ ၃ ဦးရပြီး ထွက်ပြေးသွားတယ်။”
မကွေးတိုင်း၊ ရေစကြိုမြို့နယ်၊ ရပ်သာရွာမနဲ့ ရပ်သာကျွန်းရွာအကြားမှာ ပခုက္ကူတပ်မ ၁၀၁ က စစ်သားတွေနဲ့ ရေစကြို ပကဖအဖွဲ့တို့ ထိတွေ့တိုက်ပွဲဖြစ်ပြီး စစ်ကောင်စီစစ်သား ၄ ဦးပြင်းထန်ဒဏ်ရာရကာ ကျည်ဆန်တွေလည်း သိမ်းဆည်းရရှိခဲ့တယ်လို့ ရေစကြိုမြို့နယ်ပြည်သူ့ကာကွယ်ရေးအဖွဲ့ဆီက သိရပါတယ်။
"စကစတပ်စွဲနေရာ သုံးခုကို တပြိုင်နက်ဝင်တိုက်ခဲ့ကြတာ။ သုံးနာရီလောက် တိုက်ပွဲဖြစ်ခဲ့တာ။ ညောင်ပင်ကြီးနဲ့ မင်းကုန်းထဲက စကစနဲ့ပျူတွေ ထွက်ပြေးလို့ သူတို့စခန်းနေရာထိ ရောက်ခဲ့ကြတယ်။ သင်ပေါင်းကျင်းကတော့ မဝင်နိုင်ခဲ့ဘူး"
“မနေ့က စခန်း ၂ ခု ရတယ်။ ၁၂ နာရီ ၅ မိနစ်မှာ တခုရတယ်။ ၁ နာရီ ၃၅ မှာ တခုရတယ်။ ထွက်ပြေးတဲ့ စကစ တချို့က ကျောမြို့ထဲကိုဝင်သွားတယ်။ (ရဲဘော်)ကျတာကတော့ ကျနော်တို့ ပွိုင့်ဘက်မဟုတ်တော့ တိတိကျကျမသိရဘူး။”
"ဝင်တိုက်နေတဲ့အချိန်မှာ မိုးကတအားရွာတယ်။ မိုးကတော်တော်ကိုရွာနေတော့ အပြီးမသိမ်းနိုင်ခဲ့ဘူး။ စကစနဲ့ ပျူတွေ အသေအပျောက် များနိုင်တယ်။ ကျနော်တို့အဖွဲ့က အနီးကပ်မတိုက်ခိုက်ခဲ့ရဘဲ အဝေးကနေ လက်နက်ကြီးပစ်ကူပေးခဲ့ရလို့ ရလဒ်အခြေအနေကို မသိရသေးဘူး။"
စစ်ကိုင်းတိုင်း၊ မုံရွာခရိုင်၊ အရာတော်မြို့နယ်၊ သလဲဘာကျေးရွာက ပျူစောထီးစခန်းကို ဝင်ရောက်တိုက်ခိုက်ခဲ့ရာ စစ်သား ၃ ဦးသေဆုံးခဲ့တယ်လို့ Snipe Rangers Force (Local - PDF)အဖွဲ့ဆီက သိရပါတယ်။
စစ်ကိုင်းတိုင်း၊ ရွှေဘိုမြို့မှာ စစ်ကောင်စီတပ်ဖွဲ့နဲ့ ဒေသခံပြည်သူ့ကာကွယ်ရေးတပ်ဖွဲ့တွေ ထိတွေ့တိုက်ခိုက်ရာက စစ်ကောင်စီတပ်သား ၆ ဦးသေဆုံးခဲ့တယ်လို့ ရွှေဘိုခရိုင်တပ်ရင်း ၁၅ ရဲ့ တပ်ရင်းမှူး ဗိုလ်ကောက်ရိုးက ပြောပါတယ်။
"ဒီကောင်တွေက အရပ်ဝတ်လေးနဲ့ သေနတ်လေးလွယ်ပြီးထွက်လာချိန်မှာ ဝိုင်းပစ်တာ။ မျက်မြင် သေတယ်ဆိုမှ သေနတ်သွားကောက်ပြီး ဆုတ်လာကြတာ"
မကွေးတိုင်း၊ ရေစကြိုမြို့နယ်၊ ဟင်္သာရွာကနေ ခမရ ၂၅၈ တပ်ဖွဲ့ဝင်တွေနဲ့ ပြည်သူ့စစ်ပူးပေါင်းအဖွဲ့ အင်အား ၆၀ လောက်ဟာ ကိုရင့်ရွာကို ဝင်ရောက်ပြီး စာသင်ကျောင်းထဲမှာ အထိုင်ချနေစဥ် PDF ပူးပေါင်းအဖွဲ့က တိုက်ခိုက်ခဲ့တာလို့ သိရပါတယ်။
Sharing Information to the Local