“ မိုင်း ၂ လုံးနဲ့ဆွဲလိုက်တာ ဆိုင်ကယ် ၃ စီး လန်ထွက်သွားတယ်။ အလောင်း ၂ လောင်းကို မြို့ဘက်ကိုပြန်သယ်သွားတယ်။ မိုင်းဆွဲပြီးတော့ စကစဘက်က လက်နက်ငယ်တွေနဲ့ပြန်ပစ်လို့ ကျနော်တို့ပြန်မပစ်နိုင်ဘဲ နောက်ပြန်ဆုတ်လာတယ်။“
စစ်ကိုင်းတိုင်း၊ ချောင်းဦးမြို့နယ်၊ ကံကြီးကုန်းပျူစခန်းကို ရိက္ခာလာပို့တဲ့ စစ်တပ်ရေယာဉ် ၂ စီးကို တိုက်ခိုက်ခဲ့ကြတယ်လို့ ဒေါင်းတမန် GZ ပြောက်ကျားတပ်ဖွဲ့ထံက သိရပါတယ်။
မကွေးတိုင်း၊ ပခုက္ကူမြို့နယ်၊ ရေလာလေးရွာရှိ စစ်ကောင်စီတပ်နဲ့ ပျူစောထီးအထိုင်စခန်းကို ဒေသကာကွယ်ရေးပူးပေါင်းတပ်ဖွဲ့တွေက ဝင်ရောက်တိုက်ခိုက်ခဲ့ရာ စခန်းကိုသိမ်းပိုက်နိုင်ခဲ့ပြီး လက်နက်ခဲယမ်းတွေလည်း သိမ်းဆည်းရရှိတယ်လို့ ကာကွယ်ရေးအဖွဲ့တွေထံက သိရပါတယ်။
“မနေ့ညပိုင်း (ဒီဇင်ဘာ ၁၁ ရက်) ကနေ တိုက်ပွဲဖြစ်နေတာ၊ ညကတော့ လေယာဉ်နဲ့ ၂ ကြိမ် ဗုံးလာကြဲသွားတယ်။ ထိတွေ့ပစ်ခတ်မှုတွေကတော့ အခုထိရှိပါတယ်။”
ပဲခူးတိုင်း၊ တောင်ငူမြို့အခြေစိုက် ကေတုမတီလေတပ်စခန်းနဲ့ တောင်ပိုင်းတိုင်းစစ်ဌာနချုပ်ကို ဒီဇင်ဘာ ၁၁ ရက်မနေ့က ည ၁၁ နာရီလောက်မှာရှော့တိုက်ဒုံးတွေနဲ့ တချိန်တည်း တိုက်ခိုက်ခဲ့တယ်လို့ Brave Warriors for Myanmar (BWM) ဆီက သိရပါတယ်။
"မိုင်း ၁၅ လုံး စလုံးကွဲတယ်။ စစ်** ၇ ယောက်ကတော့ နေရာမှာပဲ သေတယ်လို့ ပြောတယ်။ တပ်တွင်းနဲ့ နီးစပ်တဲ့သူက သတင်းပေးပို့ပေးတာပါ။ သူတို့ဘက်က အထိခိုက်များတော့ စက်သေနတ်တွေနဲ့ရော ၄၀ မမတွေနဲ့ရောပါ ပစ်တာ၊ အရပ်သားထိခိုက်မှုတော့ မရှိခဲ့ဘူးဗျ။"
စစ်ကိုင်းတိုင်း၊ မုံရွာမြို့၊ နမခ ထဲကနေ ကံကြီးကုန်းရွာဘက်ကို ချင်းတွင်းမြစ်ကြောင်းအတိုင်း လက်နက်ခဲယမ်းနဲ့ ရိက္ခာပို့တဲ့ ရေယာဉ် ၂ စီးကို ဒီဇင်ဘာ ၁၁ ရက်မှာ ဒေသခံကာကွယ်ရေးတပ်တွေက အသွားအပြန်စောင့်ကြိုတိုက်ခိုက်ခဲ့တယ်လို့ Chindwin Fighter Group-CFG ဆီက သိရပါတယ်။
စစ်ကိုင်းတိုင်း၊ မုံရွာမြို့နယ်၊ မအူစစ်ဆေးရေးဂိတ်နဲ့ မြေနဲကျေးရွာအကြား မုံရွာ-ချောင်းဦးကားလမ်းပေါ် တန်ပိုဂိတ်ဟောင်းအနီးမှာ ဆိုင်ကယ်စီးလာတဲ့အမျိုးသား ၁ ဦး စစ်ကောင်စီတပ်သားတွေပစ်တဲ့ သေနတ်ကျည်ထိမှန်ပြီးသေဆုံးခဲ့တယ်လို့ ဒေသခံတွေဆီက သိရပါတယ်။
စစ်ကောင်စီတပ်ဖွဲ့တွေထံ လက်လွှတ်ခဲ့ရတဲ့ မန္တလေးတိုင်း၊ မတ္တရာမြို့နယ်အတွင်းက ကျေးရွာ ၃ ရွာကို ပြန်လည်သိမ်းပိုက်နိုင်ခဲ့တယ်လို့ ဒီဇင်ဘာ ၉ ရက် ဒီကနေ့မှာ MDYPDF ကသတင်းထုတ်ပြန်ပါတယ်။
ရှမ်းမြောက်စစ်ဆင်ရေးမှာ ကျဆုံးခဲ့တဲ့ ရွှေဘိုခရိုင် အမှတ် ၁၇ တပ်ရင်း(တောကြီးမြွေပွေးတပ်ဖွဲ့)က တပ်ဖွဲ့ဝင် ၃ ဦးရဲ့မိသားစုဝင်တွေကို တပ်ရင်းတာဝန်ရှိသူတွေက သွားရောက်ကန်တော့ပြီး ငွေကြေးထောက်ပံ့ပေးခဲ့တယ်လို့ အဆိုပါတပ်ဖွဲ့ထံက သိရပါတယ်။
“ရဲဘော် ၁ ယောက်က နင်းမိုင်းကို နင်းမိသွားတာ အသက်အန္တရာယ်တော့ မရှိပါဘူး။ ပျူရွာကို တောင်ဖက် မြောက်ဖက် နှစ်ဖက်ညှပ်တိုက်ဖို့လုပ်တာ။ မြောက်ဖက်ခြမ်းကိုပါသွားတဲ့ ရဲဘော်က နင်းမိတာ၊ အဲဒီနောက်တော့ လေယာဉ်တွေလည်း ဝဲလာလို့ ပြန်ဆုတ်ခဲ့ရတယ်။"
မကွေးတိုင်း၊ စလင်းမြို့နယ်၊ သစ်ခေါက်တောင်ရွာကနေ စစ်ကြောင်းထိုးလာတဲ့စစ်အုပ်စုဟာ ပုသိမ်-မုံရွာလမ်းပိုင်းမှာ ကာကွယ်ရေးတပ်ဖွဲ့တွေထောင်ထားတဲ့ မိုင်းထိလို့ သေဆုံးထိခိုက်သူတွေရှိပြီး သစ်ခေါက်တောင်က စစ်အုပ်စုအထိုင်စခန်းပါ ဒရုန်းနဲ့ ဗုံးကြဲချခံရတာကြောင့် သေဆုံးမှုတွေရှိခဲ့တယ်လို့ ဒေါင်းညီနောင်မြို့ပြပြောက်ကျား တပ်ဖွဲ့ဆီက သိရပါတယ်။
“ကျနော်တို့ ဌာနကို လက်နက်ခဲယမ်း လာထုတ်တာ၊ ပခန်းကြီးအနားမှာ **စစ်ကြောင်း နောက်ချန်ကင်းနဲ့တွေ့ပြီး ပစ်ခတ်တိုက်ခိုက်ခံခဲ့ရတာ၊ သေဆုံးမှုတော့မရှိဘူး။ ရဲဘော် ၁ ဦးကတော့ ကျည်ထိမှန်ပြီး ဒဏ်ရာရသွားတယ်။ အသက်အန္တရာယ်တော့ မစိုးရိမ်ရဘူး။”
" မိုင်းကတော့ လမ်းရဲ့တဘက်တချက်မှာ ထောင်ထားတာ။ ပြည်သူနဲ့ မလွတ်ကင်းတဲ့အနေအထားဖြစ်နေလို့ မိုင်း ၁ လုံးသာဆွဲလိုက်ရတာပါ။ အနီးအနားက ပြည်သူတွေပြောပြချက်အရ ၂ ဦးသေသွားတယ်။"
"ပထမဆုံး ဖြစ်လိုက်တယ်။ သူတို့ပြန်ဆုတ်ပြီး နောက်ထပ်တက်လာတော့ နောက်တကျော့ ထပ်ဖြစ်တယ်။ သူတို့(စကစ)ဘက်ကတော့ လက်နက်ကြီးလှိုင်လှိုင်သုံးတယ်။ ပွိုင့်ဖိုက်ပါ ပါတယ်။ ကျနော်တို့ဘက်ကတော့ လက်နက်ငယ်အားကိုးပြီး တိုက်ရတာပဲ။ ကိုယ်ကနယ်ခံဆိုတော့လည်း ထွေထူး ပြသနာမရှိဘူး။"
Sharing Information to the Local