"ပစ်ခတ်လိုက်တဲ့နေရာမှာပဲ အဲဒီလူတခါတည်းရှောသွားတယ်။ သူ့ဆီက သူ့ရဲ့စစ်မှုထမ်းဟောင်းကဒ်၊ သံပုရာသီး(ဗုံး)တလုံးနဲ့ ဖုန်းတလုံးသိမ်းဆည်းရမိခဲ့ပါတယ်။ ပြီးတော့သူက နခမရဲ့ လူယုံတယောက်လည်းဖြစ်တယ်။ နမခကို စားနပ်ရိက္ခာထောက်ပံ့သူလည်းဖြစ်တယ် " လို့ ပြောပါတယ်။
ကျဆုံးသူဟာ အသက် ၂၃ နှစ်အရွယ်ရှိပြီး၊ စစ်ကောင်စီစစ်ကြောင်းကို တိုက်ခိုက်ဖို့ စစ်ကိုင်းမြို့နယ်ထဲက တနေရာမှာ မိုင်းဆင်နေချိန် ပေါက်ကွဲမှုဖြစ်ကာ နေရာတင် ကျဆုံးခဲ့တာလို့ အဲ့ဒီအဖွဲ့ရဲ့တာဝန်ခံ ရဲမေစွန်နက်က အတည်ပြု ပြောပါတယ်။
"တောင်ယာလုပ်ပြီး ယာခုတ်စားနေတဲ့ အစုလေးကို ဖမ်းသွားတာပါ။ ကျနော်တို့သွားကြည့်တော့မှ အဲ့နေရာမှာ လူမရှိတော့ဘူး။ ဘာအဆက်အသွယ်မှ မရဘူး။ လူတွေမရှိတော့ဘူးဆိုတာ သိရလို့ စုံစမ်းမှ ပဲခူးရိုးမထဲက စစ်ကြောင်းနဲ့ တောင်ညိုဆည်မှာ တပ်စွဲနေတဲ့ စစ်ကြောင်းက ဖမ်းသွားတာပါ" လို့ နတ်တလင်း PDF နတ်စစ်သည်အဖွဲ့ခေါင်းဆောင် ဗိုလ်အောင်က မြေလတ်အသံကို ပြောပါတယ်။
စစ်ကိုင်းတိုင်း၊ ဆားလင်းကြီးမြို့နယ်အတွင်းမှာ စစ်တပ်က မီးရှို့လို့ အိုးအိမ်မဲ့ ဖြစ်သွားတဲ့ ကျေးရွာတရွာကို အညာပစ်တိုင်းထောင်လေးများအဖွဲ့က ဖေဖေါ်ဝါရီလ ၂၅ ရက် ဒီနေ့မှာ မီးဖိုချောင်သုံးပစ္စည်းတွေ လှူဒါန်းခဲ့တယ်လို့ သိရပါတယ်။
ပဲခူးတိုင်းအနောက်ခြမ်း၊ ပန်းတောင်းမြို့နယ်မှာ ဖေဖေါ်ဝါရီလ ၂၄ ရက် မနေ့နေ့လယ်က Light Truch ကားတစီး အရှိန်လွန်ကာ လမ်းဘေးသစ်ပင် ဝင်တိုက်ခဲ့တာကြောင့် ယာဥ်မောင်း သေဆုံးသွားတယ်လို့ ဒေသခံဆီက သိရပါတယ်။
"ညောင်ဇင်ရွာကို ကာဘိုးရွာဘက်ကနေ ဆိုင်ကယ်နဲ့ ဈေးလာရောင်းတဲ့ ဈေးသည်လင်မယားနဲ့ ရွာထဲက အရပ်သား ၃ ဦး ရွာထိပ်မှာ မိုင်းထိမှန်ခဲ့တာပါ။ မိုင်းသံကြားပြီးတော့ သေနတ်ပစ်ဖောက်သံတွေလည်း ကြားနေရတယ်။ ရွာသားတွေ ရွာထဲကနေ ရွာပြင်ထွက်ဖို့တောင် ကြောက်နေရတယ်" လို့ ဒေသခံတဦးက ပြောပါတယ်။
"စစ်တပ်က ဖေဖေါ်ဝါရီ ၂၀ ရက်နေ့ညနေကတည်းက ဝင်လာတာပါ။ ကျနော်တို့ပူးပေါင်းအဖွဲ့က၂၁ ရက်မနက်ကတည်းက စတိုက်တာပါ။ ၂၃ ရက်မနက်အစောကြီးမှာတော့ စစ်တပ်ကပိုဝတောင်ရွာကနေ သဖန်းဒေါင့်ရွာဘက်ကို ဆက်ထွက်သွားတယ်၊ ဒီကောင်တွေက ဒရုန်းရန်ကြောက်တော့ နေ့ခင်းဖက်မထွက်ရဲဘူးလေ" လို့ ပြောပါတယ်။
စစ်ကိုင်းတိုင်း၊ ရွှေဘိုမြို့နယ်ထဲက အမျိုးသားညီညွတ်ရေးအစိုးရ - NUG ဖွင့်လှစ်ထားတဲ့ မူလတန်းလွန်ကျောင်းတခုကို မလေးရှားနိုင်ငံ ဂျိုဟိုးစီနိုင်း ၂၂၂၂၂ ပြည်ပထောက်ပို့အဖွဲ့ စာရေးကိရိယာတွေ လှူဒါန်းပေးခဲ့တယ်လို့ သိရပါတယ်။
မကွေးတိုင်း၊ ရေစကြိုမြို့နယ်၊ ပခန်းငယ်ရွာမှာ လုံခြုံရေးယူနေတဲ့ စစ်အုပ်စုကို ညအချိန် ဝင်ရောက်တိုက်ခိုက်ခဲ့တာကြောင့် ရဲတဦး သေဆုံးကာ တဦး ထိခိုက်ဒဏ်ရာ ရရှိခဲ့တယ်လို့ ပခုက္ကူခရိုင်တပ်ရင်း ၁၀၊ တပ်ခွဲ ၁ သိန်းဌက်ပြောက်ကျားတပ်ဖွဲ့က သတင်းထုတ်ပြန်ထားပါတယ်။
မကွေးတိုင်း၊ ရေစကြိုမြို့အခြေစိုက် ခလရ ၂၅၈ တပ်ထဲက ထွက်လာတဲ့ စစ်သားတွေကို ဖေဖေါ်ဝါရီလ ၂၃ ရက် မနေ့ကနေ့လယ်ပိုင်းမှာ ပဒေသာမိုင်းနဲ့ တိုက်ခိုက်ခဲ့တယ်လို့ ပြည်သူ့ကာကွယ်ရေးတပ်ဖွဲ့ - ရေစကြိုမြို့နယ်က သတင်းထုတ်ပြန်ထားပါတယ်။
စစ်အာဏာသိမ်းအပြီး ၂ နှစ်အကြာမှာ အုပ်ချုပ်ရေး ယိုယွင်းလာတဲ့အတွက် စစ်ကောင်စီက နိုင်ငံတဝှမ်းက မြို့နယ်အချို့ကို စစ်အုပ်ချုပ်ရေး ကြေညာအပြီး ၂၀ ရက်အကြာမှာ အနောက်မြောက်တိုင်း စစ်ဌာနချုပ်(နမခ)နယ်မြေက မြို့နယ် ၃ ခုကိုလည်း ဖေဖေါ်ဝါရီလ ၂၂ ရက် မနေ့က စစ်အုပ်ချုပ်ရေး(မာရှယ်လော) ကြေညာလိုက်ပါတယ်။
"နယ်မြေရှင်းလင်းရေးလုပ်တဲ့အခါမှာ စစ်သားအလောင်းမီးရိူ့ထားတာတွေ၊ တိုက်မိထားတဲ့ မိုင်းကျင်းတွေဘေးမှာ သွေးကွက်တွေ တွေ့ရတယ်။ စစ်ကြောင်းရှေ့ဆက်မတိုးတာကိုတွက်ရင် သူတို့ဘက်က ဗိုလ်ကြီအဆင့်လောက်ကျသွားတဲ့သဘောမှာရှိတယ်"လို့ ဗိုလ်ကျားရိုင်းအဖွဲ့က တာဝန်ခံရဲဘော်ဗလကြီးက ပြောပါတယ်။
ပဲခူးတိုင်းအနောက်ခြမ်း၊ ကြို့ပင်ကောက်မြို့နယ်၊ အရှေ့သင်္ခရိုင်မေတ္တာရိပ်ပရဟိတကျောင်းဆရာတော်ကို စစ်တပ်နဲ့ ပတ်သက်ဆက်နွယ်တာတွေ ပြုလုပ်နေတယ်ဆိုကာ ဖေဖေါ်ဝါရီလ ၁၉ ရက်က Black Dragon PDF ရဲ့ သတင်းထုတ်ပြန် တောင်းပန်လျှောက်ထားမှုအပေါ် ဆရာတော်က မဟုတ်မှန်ကြောင်း မြေလတ်အသံကို ငြင်းဆိုခဲ့ပါတယ်။
ပဲခူးတိုင်းအနောက်ခြမ်း၊ ကြို့ပင်ကောက်မြို့နယ်၊ နွယ်ခွေရပ်ကွက်၊ ဗားခရာဘုန်းကြီးကျောင်း ဘုရားထီးတင်ဆိုင်းပွဲက ပြန်လာတဲ့ အမျိုးသားတဦးကို ဖေဖေါ်ဝါရီလ ၂၀ ရက် မနက်အစောပိုင်းမှာ စစ်ကောင်စီ တပ်သားတွေက သေနတ်နဲ့ ပစ်သတ်လိုက်တယ်လို့ သိရပါတယ်။
"ဆရာမလေးက PDF မဟုတ်ဘူး။ ကျနော်တို့က ကျန်းမာရေးကိစ္စအတွက်သူ့ကိုခေါ်တာ၊ ၃ ရက်ပဲကြာတယ်၊ ကုသပြီးလို့ပြန်ပို့တာမှာကျနော့်ရဲဘော် ၂ ဦးပစ်သတ်ခံရပြီးညရောက်တော့မှ သူကဖမ်းခံရတာ၊ သူ့ကိုသတ်ပစ်လိမ့်မယ်လို့တော့ကျနော်မထင်ဘူး။ အရပ်ထဲက ပြောသလိုသူ့ကိုပစ်သတ်တယ်လို့ပြောချိန်မှာ ကျနော်တို့ အဲဒီအနားဝန်းကျင်မှာရှိတယ်။ ဘာသေနတ်သံမှမကြားရဘူး"လို့ ပြောပါတယ်။
Sharing Information to the Local