"မြို့ကိုစွန့်ခွာလာတာ ၁ နှစ်ကျော်ကြာလာပြီဆိုတော့ တချို့အလုပ်အကိုင်နဲ့ အရင်းအနှီးတွေပါလာတော့ အဆင်ပြေကြတယ်။ တချို့ကျတော့လည်း အဝတ်တထည်ကိုယ်တခုနဲ့ ထွက်လာကြရတာ ဘာမှမရှိတော့ တော်တော်လေးခက်ခဲကြတယ်။ အများစုကတော့ ကြုံရာကျပမ်းလုပ်ကြရတာပေါ့"။
မကွေးတိုင်း၊ စလင်းမြို့နယ်၊ ပြောင်းခင်းမြောက်ရွာနဲ့ ကျွန်းချောင်းရွာအနီးမှာ ဖေဖော်ဝါရီ ၁၇ ရက်ကစကာ စစ်ကောင်စီတပ်ဖွဲ့ဝင်တွေနဲ့ ဒေသခံကာကွယ်ရေးတပ်တွေပစ်ခတ်မှုတွေဖြစ်ခဲ့ပြီး ဒေသခံ ၁,၅၀၀ ကျော်လည်း ထွက်ပြေးတိမ်းရှောင်နေရတယ်လို့ စလင်းမြို့နယ်ပြည်သူ့ကာကွယ်ရေးအဖွဲ့ဆီက သိရပါတယ်။
စစ်ကိုင်းတိုင်း၊ ကလေးမြို့နယ်၊ မုံရွာမြို့နယ်နဲ့ ချောင်းဦးမြို့နယ်မှာ စစ်ကောင်စီတပ်ဖွဲ့ဝင်တွေက ၃ ရက်အတွင်း လေကြောင်းနဲ့ ဗုံးအလုံး ၂၀၀ ကျော် ကြဲချခဲ့တာကြောင့် ကလေးငယ် ၆ ဦးအပါ အရပ်သား ပြည်သူ ၁၅ ဦး သေဆုံးခဲ့တယ်လို့ အမျိုးသားညီညွတ်ရေးအစိုးရ လူ့အခွင့်အရေးဆိုင်ရာ ဝန်ကြီးဌာနက ဖေဖော်ဝါရီ ၁၇ ရက်နေ့မှာ ထုတ်ပြန်ထားပါတယ်။
“ကလေး ၂ ယောက်သေတယ်။ သက်ကြီးရွယ်အို ၁ ယောက်သေတယ်။ ကျနော်တို့နား ချသွားတာတော့ ၄ လုံး၊ ကျနော်တို့လည်း တညလုံး ကတုတ်ကျင်းထဲမှာပဲ အိပ်နေရတာ။ ဗုံးအလုံးရေကတော့ စုစုပေါင်း ၁၂ လုံးထက်မနည်းရှိမယ်။ မနေ့ညက ဘေးနားကျတာ ကတုတ်ကျင်းထဲမို့သာ အစာတွေ(ဗုံးသီးအစတွေ)က ဝှီးကနဲ ဝှီးကနဲပဲ။ ခုလည်း ပြန်ပတ်လာနေပြီ Y12။”
"သူတို့(စကစ)ဘက်က ရောက်လာပြီးတော့ လက်နက်ကြီးအရင်ထောက်တယ်(ပစ်ခတ်တယ်)။ ပြီးတော့ တော်လှန်ရေးတပ်ဖွဲ့ဝင်တွေနဲ့ နှစ်ဖက်ထိတွေ့ဖြစ်တယ်။ ပြီးမှ ရွာကိုဝင်မီးရှို့တာ။ စစ်ကြောင်းကတော့ ရွာထဲမှာရှိနေတုန်း။"
"လက်နက်ကြီးတွေက ရွာနားနဲ့ရွာထဲကို ကျရောက်ပေါက်ကွဲတော့ သားအမိ ၂ ဦးမှာ မိခင်ကတော့ လက်အဖျားလေးထိတယ်။ သားကတော့ ခြေထောက်ကိုမှန်တယ်။ ကံကောင်းတယ်ပြောရမယ် စစ်ရှောင်ပြည်သူတွေနေတဲ့နေရာ မကျလို့။ ထိခိုက်တဲ့သားအမိကလည်း ရွာထဲမှာပဲရှိနေချိန် ထိတာ။"
" ကျနော်တို့အဖွဲ့လက်ချက်နဲ့ ** ၆ ကောင်သေ ၁၅ ကောင်ဒဏ်ရာရပြီး စစ်ကြောင်းတဝက်ပြုတ်သွားလို့ အထိနာတာကြောင့် ပြည်သူအိမ်တွေမီးရှို့တယ်လို့ ယူဆပါတယ်။ အဓိကတော့ PDF မနိုင်လို့ ပြည်သူမဲတာပါ။"
“ သူကအသက်ကြီးတာဆိုတော့ စိတ်လှုပ်ရှားတာရော၊ အအေးမိတာရော၊ ကြောက်တာရော အဲလိုမျိုးအကုန်လုံးရောပြီးတော့ ရှော့ဖြစ်သွားပြီးတော့မှ ဆုံးသွားတယ်။ အကုန်လုံးကလည်း စစ်ရှောင်တွေချည်းပဲ ဖြစ်နေတဲ့အတွက် ဓလေ့ထုံးစံတွေအရ မလုပ်ခဲ့နိုင်ဘူးပေါ့နော်။ ဒီအတိုင်းပဲချက်ချင်း သင်္ဂြိုဟ်လိုက်ရတယ်။”
"စကစဘက်က Mi 35 နဲ့ ပထမတခါ ရွာပတ်ပတ်လည်ကို စက်လက်နဲ့ ကုတ်(ပစ်)တယ်။ နောက်တခါကျတော့ ဂျက်ဖိုက်တာနဲ့ တက်လာပြီးတော့မှ အုတ်ကျောင်းတိုက်ကို ပစ်တယ်။ "
“ကျနော်တို့ နွေ၊ မိုး၊ ဆောင်း အဆင်ပြေအောင်လို့ စောင်တွေ သွားလှူပေးတာ၊ ကျနော်တို့ အိမ်ထောင်စု ၄၂ စုကို သွားရောက်လှူဒါန်းပေးခဲ့တာ၊ ၉ သိန်းခွဲဖိုးလောက်ရှိတယ်ဗျ၊ မနှစ်ကကတည်းက စစ်ဘေးရှောင်နေကြရတာ၊ အခုကျမှ စစ်ဘေးရှောင်သီးသန့်ဆိုပြီး နေရာတွေရှိတာ၊”
“ စစ်ကောင်စီတပ်ဖွဲ့ဝင်တွေက ရော့ကတ်တွေနဲ့ ထုတယ်။ မီးလောင်ဗုံးတွေနဲ့ ကြဲတယ်။ မဒဲမြောက်ရွာကိုကျပြီး ၃ ပုံ ၂ ပုံနေအိမ်တွေ မီးလောင်သွားပါတယ်။ ရှိသမျှ ကား၊ ဆိုင်ကယ်၊ အိမ်၊ တိုက်၊ သိုလှောင်ထားတဲ့ ဆန်၊ စပါး၊ ငရုပ်၊ ကြက်သွန်တွေ ဆုံးရှုံးပါတယ်။”
“ကလေးတွေရော ခြေပြတ် ခေါင်းပြတ်တွေရော၊ စစ်ရှောင်တွေ နေကြတဲ့နေရာကို ကျတာ၊ စစ်ရှောင်စခန်းကျတာက ဆိုးတာ အသေအပျောက်က၊ တချို့က အရင်ရက်ထဲက လေကြောင်းသတင်းရလို့ ရှောင်ကြတယ်။”
မကွေးတိုင်း၊ ဆိပ်ဖြူမြို့နယ်၊ ကျောက်ကြီးကျေးရွာနဲ့ ညောင်ဂွေးဝကျေးရွာတွေဘက်ကို စစ်ကောင်စီတပ်ဖွဲ့ဝင်တွေက စစ်ကြောင်းထိုးဝင်ရောက်လာတဲ့အတွက် ဒေသခံ ၈,၀၀၀ ကျော် ထွက်ပြေးတိမ်းရှောင်နေရတယ်လို့ ဆိပ်ဖြူမြို့နယ်ပြည်သူ့ကာကွယ်ရေးတပ်ဖွဲ့ဆီက သိရပါတယ်။
"ကျနော်တို့ စိုးမိုးနယ်မြေမှာ ရွာပေါင်း ၈၀ ဝန်းကျင်ရှိနေပြီးတော့ ဆေးဝါးဝန်ဆောင်မှုကိုနယ်မြေရောက်ပြီး မကြာခင်မှာ စတင်လုပ်ဆောင်ခဲ့တာပါ။ ၂၀၂၄ နိုဝင်ဘာလထဲမှာ ဆေးဝါးအပတ်စဉ် ၁ သင်တန်းအောင်မြင်စွာသင်တန်းဆင်းပေးခဲ့ပြီးတော့ ဆေးဝါးကျွမ်းကျင်သင်တန်းသားတွေနဲ့ အရင်ကထက်ပိုပြီး တွင်တွင်ကျယ်ကျယ် ကျန်းမာရေးဝန်ဆောင်မှုပေးနိုင်ခဲ့တယ်"
စစ်ကိုင်းတိုင်း၊ ဆားလင်းကြီးမြို့နယ်၊ လက်ပံတောင်းတောင်ကြေးနီစီမံကိန်း တရုတ်ပိုင်ဝမ်ပေါင် ကုမ္ပဏီ အတွင်းဝင်လာတဲ့ ကုမ္ပဏီယာဉ်တွေကို လုံခြုံရေးယူပေးနေတဲ့ စစ်ကောင်စီစစ်ကြောင်းက အနီးဝန်းကျင်က ကျေးရွာတွေကို ဝင်ရောက်နေတာကြောင့် ဒေသခံ ၃,၀၀၀ ကျော် ရှောင်တိမ်းနေရတယ်လို့ ဒေသခံတွေက ပြောပါတယ်။
Sharing Information to the Local