ထရံကာဝါးခြမ်းခင်း နှီးသက္ကယ်မိုးထားတဲ့ စစ်ရှောင်တန်းလျားတွေအဖို့ လောကဓါတ်ရှစ်ခွင် အရပ်မျက်နှာ ပေါင်းစုံက တိုးဝှေ့ဆော့ကစားနေတဲ့ ဆောင်းလေအေးကို အကာကွယ်မပေးနိုင်ခဲ့ကြပါဘူး။ ကြမ်းကြားကနေ တိုးနေတဲ့လေကြောင့် ခင်းထားတဲ့ ဖျာကြမ်းကလည်း အသားနဲ့ထိလိုက်တိုင်း အေးလို့ကျဉ်နေကြတယ်။
အညာဆောင်းရာသီမို့ ကောက်လှိုင်းထုံးတွေပေါ်မှာ နှင်းစက်လေးတွေက တွဲလဲခိုနေကြတယ်။ စပါးပင်အနံ့တွေ၊ လယ်ကွက်ထဲက ရွံ့နံ့သင်းသင်းနဲ့ နှင်းစက်တွေကြောင့် စိုစွတ်စွတ် မှိုင်းထိုင်းထိုင်း အနံ့တွေကလည်း တခါတခါ နှာခေါင်းထဲကို အလုအယက်ဝင်လာတတ်တယ်။ လယ်ကွင်းတခုလုံးကို လှည့်ပတ်ကြည့်လိုက်ရင် အညာဆောင်းဟာ လွမ်းစရာတမျိုး ကောင်းလှပါတယ်။
ကုမ္မဏီအနေနဲ့ သီးသန့်ရပ်တည်နေမယ်ဆို တိုက်ခိုက်စရာအကြောင်းမရှိဘူး။ တိုက်ဖို့ဆန္ဒလည်း မရှိဘူးဗျ။ စစ်ကောင်စီကို အထောက်ပံ့ဖြစ်စေတဲ့ အရာတွေလုပ်နေလို့ တိုက်ခိုက်ရတာ။
ပေးအပ်ရာတွင် စစ်ခေါင်းဆောင်မှ ၎င်း၏ဇနီး ဒေါ်ကြူကြူလှမှအစ ရပ်ကွက်ဆယ်အိမ်မှူးအထိ အကုန်ပေးသည်။ ၎င်းတို့ စစ်ခေါင်းဆောင်အချင်းချင်း ပေးသည်၊ ဘုန်းကြီးကို ပေးသည်၊ ခရိုနီပေးသည်၊ ရုပ်ရှင်၊ အဆိုတော်၊ သဘင်၊ ဂီတ၊ လူရွှင်တော် အစုံပါသည်။ ဂျပန်ကို ပေးသည်၊ ရုရှားကို ပေးသည်၊ ယုတ်စွအဆုံး သေဆုံးပြီးဖြစ်သည့် မြန်မာသံစဉ်အဆိုတော်များကိုလည်း ပေးသည်။
တောပုကျေးရွာနှင့် ကောင်းမွန်သည့်ဆက်ဆံရေးတည်ဆောက်ပြီး ငြိမ်းချမ်းလိုသည့် ကြာပိုင်ကျေးရွာသားများ၏ ငြိမ်းချမ်းရေးသည် ၂၀၂၃ခုနှစ် ဒီဇင်ဘာပထမပတ်အတွင်း တောပုကျေးရွာက ပျူစောထီးများ၏ အငြိုးအာဃာတအောက်တွင် ပျက်စီးခဲ့ရသည်။
စားအုန်းဆီပေပါ တလုံးအတွက် အမြတ်ငွေ ကျပ် ၃ သိန်းရရှိပါက ၂ နှစ်စာ ဆီပေပါပေါင်း ၂၄,၀၀၀ အတွက် ရရှိမယ့်အမြတ်ငွေဟာ ကျပ်သိန်းပေါင်း ၇၀,၀၀၀ ကျော်ရှိတယ်လို့ ပြည်မြို့က စီးပွားရေး လုပ်ငန်းရှင်တဦးက ပြောပါတယ်။
တန့်ဆည်မြို့ကို ပြည်သူ့ကာကွယ်ရေးတပ်ဖွဲ့တွေ သိမ်းပိုက်နိုင်လိုက်မယ်ဆိုရင် အနောက်မြောက်တိုင်းစစ်ဌာနချုပ် (နမခ)အခြေစိုက်တဲ့ မုံရွာမြို့ကို ခြိမ်းခြောက်ထားနိုင်မယ့် အခြေအနေဖြစ်ပါတယ်။
ကုန်ကားကြီးတစီးဟာ တော်လှန်ရေးသီချင်းတွေ ကျယ်လောင်စွာဖွင့်ထားတဲ့ ဆောင်းဘောက်ကြီး ၃ လုံးကိုတင်ပြီး မကွေးတိုင်း၊ ပေါက်မြို့နယ်က ကျေးရွာတခုထဲသို့ ဖြည်းဖြည်းချင်းမောင်းဝင်လာပါတယ်။ ကားခေါင်းပိုင်းမှာ ဝါးလုံးနဲ့ ချည်ပြီး လွှင့်ထူထားတဲ့ အနီရောင်အောက်ခံနဲ့ အဖြူရောင် ကြယ်တလုံးပါ ပြည်သူ့ကာကွယ်ရေးတပ်မတော် အလံကလည်း လေတိုက်တိုင်း တလူလူလွင့်လို့။ ကားအနီးဝန်းကျင်မှာလည်း ပြောက်ကျားယူနီဖောင်းဝတ် လူ ၂၀ ကျော်လောက်ဟာ လက်နက်တွေကို ကိုင်မြှောက်ရင်း ရွာသားတချို့နဲ့အတူ ပျော်ရွှင်မြူးတူး ကခုန်နေကြပါတယ်။ တချို့ကလည်း အင်္ကျီတွေချွတ်ပြီး စိတ်လွတ်လက်လွတ် ခုန်ပေါက်နေကြပါတယ်။
ဒါပေမဲ့ မနက် ၅ နာရီကတည်းက ရွာကထွက်လာတဲ့ မသက်မာဟာ လမ်းတလျှောက် စစ်ကောင်စီတပ်ဂိတ်တွေရဲ့ စစ်ဆေးမေးမြန်းမှုတွေကြောင့် နေ့လယ် ၁၁ နာရီလောက်မှ မုံရွာမြို့ကို ရောက်ခဲ့ပါတယ်။ ဆေးရုံရောက်ပြီး ၁ နာရီခန့်အကြာမှာတော့ မသက်မာဟာ မီးမဖွားနိုင်ဘဲ ကလေးနဲ့အတူ အသက်ဆုံးရှုံးခဲ့ရတယ်လို့ သူ့ရဲ့ညီမဖြစ်သူက ပြောပါတယ်။
ဒီလမှာရရှိလာမယ့် သင့်ဝင်ငွေရဲ့ ၁၀ ရာခိုင်နှုန်းကို တော်လှန်ရေးရဲဘော်တွေအတွက် ထောက်ပို့ပေးရင်း သမိုင်းမှတ်တမ်းတင်မယ့် စစ်အာဏာရှင်ဖြုတ်ချရေး တော်လှန်ရေးကြီးမှာ ထောက်ပို့တပ်သားအဖြစ် ပါဝင်လိုက်ပါလို့ အရေးတော်ပုံအောင်မြင်ရေးကို ရှေ့ရှုလျက် ကျွန်ုပ်အနေနဲ့ အလေးအနက် တိုက်တွန်းလိုပါတယ်။
“သူတို့(စကစ)ဘက်က ၃၀ ကျော်ပေါ့။ အတိအကျဆို ၃၃ ယောက်လောက်သေတယ်။ ရဲစခန်းတခု ကလွဲရင် တရွာလုံးကိုပတ်မွှေပြီး ဘန်ကာတွေကိုလည်း မီးရှို့ထားနိုင်ပြီ။ လေကြောင်းကလည်း တောက်လျှောက်လာနေတော့ အကုန်လုံးကို ပြန်ဆုတ်ခိုင်းထားပြီးပြီ” ဟု မြိုင်ပကဖတာဝန်ရှိသူတဦးက ပြောသည်။ သို့သော် အောင်မြင်မှုနှင့်အတူ တပ်ဆုတ်ပြန်လာခဲ့သည့်အချိန်တွင် တော်လှန်ရေးတပ်ဖွဲ့ဝင် ၂၀ ကျော် သေဆုံးရဖို့ကို အကြောင်းက ဖန်လာခဲ့သည်။
မြေပြင်တော်လှန်ရေးတပ်ဖွဲ့တွေရဲ့ ရဲဘော်တွေဟာ မြေပြင်ကျွမ်းကျင်မှုရှိသလို ရည်ရွယ်ချက်နဲ့ အနာဂတ်ရှိပြီး စစ်အာဏာရှင်ကို တိုက်ခိုက်တော်လှန်နေကြတာကြောင့် စစ်ကောင်စီတပ်သားတွေထက် စိတ်ဓာတ်ပိုင်းဆိုင်ရာနဲ့ နယ်မြေကျွမ်းကျင်မှုမှာ အနိုင်ရရှိထားပြီဖြစ်တယ်လို့ ဗိုလ်ကောက်ရိုးက ဆိုပါတယ်။ ဒါပေမဲ့ အဲ့ဒီလိုအသာစီးရထားပေမယ့် တော်လှန်ရေးဘာကြောင့် ကြာနေရသလဲဆိုတဲ့ အချက်ကို သူက အခုလို ပြောပြပါတယ်။ "ဘာဖြစ်လို့ ကြာနေတာလဲဆိုတော့ နိုင်ငံရေးသမားတွေအများစုတော့ မပြောလိုဘူး။ နိုင်ငံရေးသမားတွေ၊ ရေပေါ်ဆီတွေ၊ လေကြီး၊ မိုးကြီးပြောတဲ့အကောင်တွေကြောင့် ကြာနေတာ" လို့ သူ မှတ်ချက်ပြုပါတယ်။
အာဏာရှင်စစ်ခေါင်းဆောင်မင်းအောင်လှိုင်က နိုဝင်ဘာ ၈ ရက်က ကျင်းပခဲ့တဲ့ ကာလုံအစည်းအဝေးလို့ခေါ်တဲ့ အမျိုးသားကာကွယ်ရေးနဲ့ လုံခြုံရေးကောင်စီအစည်းအဝေးမှာ ဘာတွေလိမ်ခဲ့သလဲဆိုတာ လေ့လာကြည့်ရအောင်ပါ။ တနည်းပြောရရင်တော့ မင်းအောင်လှိုင်နဲ့ နောက်လိုက် အပေါင်းအပါတသိုက်က သူတို့ရဲ့ နောက်လိုက်တွေကို ဘာတွေလိမ်ခဲ့သလဲ၊ ဘယ်လိုဝါဒမှိုင်းတွေ တိုက်ခဲ့သလဲဆိုတာကို ကြည့်ကြရအောင်ပါ။
စစ်ခေါင်းဆောင်မင်းအောင်လှိုင်ဟာ ရုရှားရေတပ်နဲ့ ပူးတွဲပြီး နိုဝင်ဘာ ၇ ရက်ကနေ ၉ ရက်အတွင်း ကပ္ပလီပင်လယ်ပြင်မှာ ရေပြင်၊ ဝေဟင်၊ ရေအောက် လက်တွေ့ပစ်ခတ်လေ့ကျင့်မှုတွေ လုပ်နေတဲ့တချိန်တည်းမှာပဲ ရှမ်းပြည်မြောက်ပိုင်းနဲ့ စစ်ကိုင်းတိုင်းတခွင်က စစ်ဆင်ရေးတွေမှာ စစ်ရေးရှုံးနိမ့်မှုတွေနဲ့ ရင်ဆိုင်နေရတာပါ။ အောက်တိုဘာ ၂၇ ရက် ညီနောင်မဟာမိတ်သုံးဖွဲ့ရဲ့ ၁၀၂၇ စစ်ဆင်းရေးစတင်ပြီးနောက်ပိုင်း ရှမ်းပြည်နယ်မြောက်ပိုင်းမှာ စစ်ခေါင်းဆောင်းမင်းအောင်လှိုင်နောက်လိုက် စစ်ကောင်စီတပ်ဖွဲ့ဝင်တွေဟာ အသေအဆုံးများစွာနဲ့ ရင်ဆိုင်နေရပြီး မြို့ ၅ မြို့အပါအဝင် စစ်တပ်စခန်းပေါင်းရာချီ လက်လွှတ်ဆုံးရှုံးနေရတာဖြစ်ပါတယ်။
ညီနောင်မဟာမိတ်သုံးဖွဲ့ရဲ့ ၁၀၂၇ စစ်ဆင်ရေးဟာ အာဏာရှင်စစ်ခေါင်းဆောင်မင်းအောင်လှိုင်အုပ်ချုပ်နေတဲ့ သက်တမ်းရှည်တပ်မတော်ကြီးအတွက် မေးခွန်းထုတ်စရာတွေဖြစ်လာသလို အမျိုးသားညီညွတ်ရေးအတွက်လည်း အဖြေပေးရမယ့် အခြေအနေတွေ ဖြစ်လာပါပြီ။
Sharing Information to the Local