“ဒီနေ့ဆို မနက်ထဲကဖွင့်တာ ခုချိန်ထိ မပိတ်ရသေးဘူး။ တပ်ရင်းရုံးမှာ တခုပဲဖွင့်ထားပြီး ရွာတွေကိုပတ်ပြီး ကုပေးတယ်။ ကျတော်တို့က စစ်တပ်တခုလို ဖွဲ့စည်းထားတော့ ပြည်သူတွေက အထဲကိုလာမပြရဲဘူး။ အဲ့တော့ ရွာတွေပတ်ကုပေးတယ်။" လို့ Pakokku Generation Z အဖွဲ့ တပ်ရင်းမှူးက ပြောပါတယ်။
စစ်ကိုင်းတိုင်း၊ ယင်းမာပင်ခရိုင်၊ ယင်းမာပင်စခန်းမှာ တပ်စွဲထားတဲ့ စစ်ကောင်စီတပ်ဖွဲ့ဝင်တွေကို ဖေဖော်ဝါရီလ ၁၃ ရက်မှာ တိုက်ခိုက်ခဲ့ရာ ၃ ဦး သေဆုံးပြီး ဒဏ်ရာရသူတွေလည်း ရှိခဲ့တယ်လို့ Chindwin Toe Na Yar P.D.F ခေါင်းဆောင် ဗိုလ်မြကြီးက ပြောပါတယ်။
မန္တလေးတိုင်းဒေသကြီး၊ စဥ့်ကူးမြို့နယ်၊ ရွာသစ်ကြီးကျေးရွာနဲ့ ငပြင်းအင်းကျေးရွာတွေက အမျိုးသား ၃ ဦး ပစ်သတ်ခံလိုက်ရတယ်လို့ သိရပါတယ်။ ဖေဖော်ဝါရီလ ၁၄ ရက်နေ့ မနက်ပိုင်းတွေမှာ အမျိုးသား ၃ ဦးကို လက်နက်ကိုင်အဖွဲ့တွေက နေအိမ်တွေကနေ ဖမ်းဆီးပြီး လမ်းပိုင်းမှာ ပစ်သတ်လိုက်တာဖြစ်တယ်လို့ ဒေသခံတဦးက ပြောပါတယ်။
အိမ်ကိုစွန့်ခွာလာခဲ့တဲ့ ရဲဘော်လေးတွေမှာ တချို့ဆို ဆယ်ကျော်သက်ကျောင်းသားအရွယ်လေးတွေပါပြီး ဒီလိုနေ့မှာ သူတို့ချစ်ရသူတွေကို လွမ်းတဲ့စိတ် ဖြေသိမ့်နိုင်ဖို့ အားကစားပွဲလေး ကျင်းပပေးခဲ့တာလို့ မုံရွာခရိုင် ပြည်သူကာကွယ်ရေးတပ်မတော် (Chindwin Attack Force ) တပ်ရင်း၂၊၃၊ ၄ရဲ့ သတင်းနဲ့ပြန်ကြားရေး တာဝန်ခံက ပြောပါတယ်။
"ကနီမြို့နဲ့ အလယ်ကျွန်းရွာကြားမှာ တိုက်မိုင်း ၂ လုံးမိသွားလို့ စစ်သားနဲ့ပျူ ၅ ဦးလောက်သေတာမြင်ရတယ်။ ဘယ်က စစ်တပ်ဆိုတာတော့မသိဘူး။ ကျနော်တို့တပ်စိတ်တစိတ်တည်းနဲ့ တိုက်ခိုက်ခဲ့တာပါ၊ တိုက်ခိုက်ပြီးတော့ စစ်ကြောင်းက အလယ်ကျွန်းရွာကိုပဲဆက်သွားတယ်"လို့ ကျောက်လုံးကြီးတပ်က တပ်ဖွဲ့ဝင်တဦးကပြောပါတယ်။
'သူက ဒလန်ထက်ဆိုးတယ် သစ္စာဖောက်ပေါ့။ အရင်က မင်းလှ PDF စခန်းကို အဝင်အထွက်ရှိတယ်။ PDF စခန်းကို သူလိုက်ပြလို့ စခန်းအစီးခံရတုန်းက ကျသွားတဲ့ ရဲဘော်ရိုးမက သူနဲ့ညီအစ်ကိုဝမ်းကွဲတော်တယ်၊ အဲ့တာကြောင့်လည်း သူ့ကို ဝင်၊ထွက်ခွင့်ပေးထားတာ။ သူသစ်ခိုးထုတ်တာတွေအရမ်းများလာလို့ PDF ကတားတာ၊ အဲ့ဒါကိုမကျေနပ်လို့ စစ်ကောင်စီနဲ့သွားပေါင်းပြီး PDF စခန်းကိုလိုက်ပြတာ။ အဲ့ဒီ စခန်းသိမ်းခံရပြီးနောက်ပိုင်းမှ သူ့ကိုရာအိမ်မှူးခန့်ပြီး သစ်ခိုးထုတ်ခွင့်ပေးထားတာ'' လို့ ပြောပါတယ်။
"သူတို့က ကျောင်းစောင့်တဲ့အဖွဲ့တွေပေါ့။ မနက်ဆို ၆ ခွဲ ၇ နာရီလောက်ကတည်းကလာတယ်။ ကျောင်းတက်ရင် ပြန်တယ်။ ပျူနဲ့ စကစ တပ်သားတွေပါ။ သူတို့က ကျောင်းရှေ့ ပလက်ဖောင်း လမ်းထောင်တွေမှာရှိတာ။ ဒီမနက်က မီးပွိုင့်နဲ့ နီးတဲ့နေရာက အဖွဲ့တွေကို ဆွဲလိုက်တာ။ မြို့ထဲဖြစ်နေတော့ ယမ်းအသင့်တင့်ရှိတဲ့ မိုင်းကိုပဲ အသုံးပြုခဲ့တာပါ။ မဟုတ်ရင် မဆိုင်တဲ့ ပြည်သူတွေကိုပါ ထိသွားနိုင်တယ်"လို့ ပြောပါတယ်။
“သူ့ဇာတိကတော့ ကြောင်ရှားတောသားပေါ့၊ သူက ညောင်ကိုင်းပျူရွာမှာနေတာ၊ အိမ်ထောင်ကျတာက ညောင်ကိုင်းပျူရွာမှာ အိမ်ထောင်ကျတာ၊ ကြောင်ရှာတော ပျူခေါင်းဆောင်ပေါ့၊ မနက် ၇ နာရီ ၄၅ မိနစ်မှာ သူညောင်ကိုင်းကနေ ဇီးဖြူကုန်းကိုအသွား ဂျိုးမြေဇင်းမှာ ကျနော်တို့မဟာမိတ်တွေ ထောင်ထားတဲ့ နင်းမိုင်းမိပြီးသေသွားတာ” လို့ ပြောပါတယ်။
"အသင်းပိုင်ယာဥ် ပစ်ခံရတာကဟုတ်ပါတယ်။ အသင်းကားက လူနာပို့ပြီးပြန်လာချိန် ပစ်ခတ်မှုဖြစ်နေတဲ့ နေရာကိုရောက်ပြီး မှားယွင်းပစ်ခံရတာဖြစ်ပါတယ်။ ဖြစ်တဲ့အချိန်က မှောင်လဲမှောင်နေတာဆိုတော့ ဘယ်သူဘယ်ဝါပစ်တယ်ဆိုတာ သေချာပြောလို့မရပါဘူး။ ကျနော်တို့ဘက်က ဒီလမ်းကြောင်းပေါ်သွားလာနေတာဖြစ်လို့ အသင်းအတွက်လဲ အန္တရာယ်ရှိပါတယ်။ ဒဏ်ရာရတာက ယာဥ်မောင်း ၁ ဦးတည်းပါ" လို့ ပြောပါတယ်။
"စကစ ၃ ကောင်က ကျနော်မျက်စိရှေ့မှာတင် သေဆုံးခဲ့တာ။ နောက်ထပ် ၂ ကောင်ကတော့ ရုံးထဲကို ပြေးဝင်သွားတယ်။ ဒီကောင်တွေရုံးထဲကအထွက်မှာဘဲ တိုက်ခိုက်လိုက်တာ။ သူတို့ဖက်က ပြန်မပစ်နိုင်ခဲ့ဘူး။ ပြီးတော့ စကစတွေက ရုံးထဲမှာတပ်စွဲနေတာကြာပြီ"လို့ ဆိုပါတယ်။
"တင့်တယ်ရွာက နေအိမ် ၂၀၀ လောက်နဲ့ စပါးတင်း ၁ သိန်းလောက်ကို မီးရှို့သွားတာဗျ။ စပါးဖိုး သိန်း ၂ သောင်းလောက်ရှိမယ်။ ဘုန်းကြီးတပါး၊ အမျိုးသမီးတဦးနဲ့ အမျိုးသားတဦးကိုလည်း သတ်သွားတယ်။ မီးလောင်ထားတော့ အသက်ကခန့်မှန်းရခက်တယ်"လို့ ဒေသခံတဦးကပြောပါတယ်။
"ကျနော်တို့တိုက်ခိုက်တဲ့အချိန်မှာ စကစတွေရဲ့ ဘန်ကာထဲကို ကျသွားတာ။ အဲဒီအချိန်မှာဘဲ နေရာမှာတင် ၂ကောင်ပွဲချင်းပြီးသေတာ။ ၁ ကောင်ကတော့ ဆေးရုံကိုပို့လိုက်တယ်။ အခုလို သေဆုံး၊ဒဏ်ရာရတာကို ဒရုန်းကင်မရာကနေမြင်ခဲ့ပြီး အတည်ပြုနိုင်ခဲ့တာ"လို့ ဆိုပါတယ်။
"နာရီဝက်လောက်တိုက်ခိုက်ခဲ့တာပါ။ အဝေးပစ်ပုခုံးထမ်းလောင်ချာတွေ၊ ရှေ့ထွက် အဝေးပစ်လောင်ချာတွေ အားပြုတိုက်ခိုက်ခဲ့ပါတယ်။ နှစ်ဦးကတော့ အပြင်းအထန်ဒဏ်ရာရသွားလို့ ပခုက္ကူဆေးရုံကိုပို့ထားပြီး သေပြီလို့လည်းသတင်းရပါတယ်" လို့ MBT အဖွဲ့တာဝန်ရှိသူ ဗိုလ်မိုက်ခဲက ပြောပါတယ်။
"ဒီကောင်(စကစ)တွေရဲ့အခြေအနေက စစ်ကိုင်းနဲ့မကွေးထဲကိုတော့ မိဘသေလို့တောင်ပြန်လာဖို့စိတ်မကူးနဲ့။ မြို့နယ်အလိုက် PDF တွေက ဘယ်နယ်က ဘယ်သူ့အိမ်က စစ်ကောင်စီတပ်ထဲက Inservice (တာဝန်ထမ်းဆောင်ဆဲ) နဲ့ပတ်သက်နေတယ်ဆိုတာ အချက်အလက်တွေရှိပြီးသား။ ကျနော့်နယ်ထဲမှာကို ဒီကောင်တွေမိသားစုဝင်တွေသေရင် ဗီဒီယိုကောခေါ်ပြပြီးနာရေးလုပ်နေရတာတွေရှိတယ်။ အဲ့လိုအသတ်ခံရမှာကြောင့်လည်း စစ်တပ်တွေမှာတည်းဖို့ ညွှန်ကြားတာ" လို့ CDM ရဲလည်းဖြစ်တဲ့ မြင်းမူ Truth Fighter PDF ခေါင်းဆောင်တဦးက မြေလတ်အသံကို ပြောပါတယ်
"စကစ ကိုးယောက်လုံးက ဆေးရုံမှာ အရေးပေါ် ကုသမှုခံယူနေတယ်လို့ အတွင်းဖရဲသီးပြောလို့ အတည်ပြုနိုင်ခဲ့တာပါ။ ကျနော်တို့ဘက်က ဒဏ်ရာရသွားတာက တပ်ကိုပထမအကြိမ် ပစ်တဲ့အချိန်မှာ ပြောင်းကွဲထွက်သွားလို့ ရသွားတာ။ ဒဏ်ရာကမစိုးရိမ်ရဘူး။ ကျနော်တို့ပစ်ခတ်ခဲ့တဲ့ လက်နက်ကြီးတွေကလည်း တပ်တွင်းထဲကို ကျရောက်ခဲ့တယ်"လို့ ဆိုပါတယ်။
Sharing Information to the Local