ပဲခူးတိုင်း၊ သာယာဝတီခရိုင်၊ ကြို့ပင်ကောက်မြို့နယ်က ပဲခူးရိုးမအခြေပြုတပ်ဖွဲ့ BTZM GBK PDF ရဲ့ အပတ်စဉ် ၄ အခြေခံစစ်ပညာသင်တန်းဆင်းပွဲကို ဇန်နဝါရီ ၂၀ ရက် မနက် ၈ နာရီက ပြုလုပ်ခဲ့တယ်လို့ တပ်ဖွဲ့တာဝန်ရှိသူ ကိုတေဇမင်းက ပြောပါတယ်။
ပဲခူးတိုင်း၊ အုတ်တွင်းမြို့နယ်၊ ခပေါင်းတိုက်နယ်၊ သာယာကုန်းကျေးရွာမှာ အမျိုးသားတဦး ဓါးခုတ်ခံရပြီး သေဆုံးခဲ့တယ်လို့ ဒေသခံတွေဆီက သိရပါတယ်။
စစ်ကိုင်းတိုင်း၊ ကန့်ဘလူမြို့နယ်၊ ဆားကျင်းကျေးရွာအနီးမှာ စစ်ကောင်စီတပ်ဖွဲ့ဝင်တွေတိုက်ခိုက်တဲ့ ဒရုန်းဗုံးထိမှန်ပြီး ဒေသခံကာကွယ်ရေးတပ်ဖွဲ့ဝင် ၆ ဦးကျဆုံးပြီး ၁၄ ဦးဒဏ်ရာရခဲ့တယ်လို့ ဖြစ်စဥ်ကို သိရှိထားတဲ့ ဒေသခံကာကွယ်ရေးတပ်ဖွဲ့ဝင်တဦးက ပြောပါတယ်။
အရာတော်မြို့နယ်အတွင်းက ပျူစောထီး(ခေါ်) ပြည်သူ့စစ်အဖွဲ့တွေ ထိန်းချုပ်ထားတဲ့ ငွေတွင်းကျေးရွာကနေ ထွက်ပြေးလာတဲ့ ပြည်သူ ၃,၀၀၀ နီးပါးရှိပြီလို့ လက်ခံပေးထားတဲ့ PDF တပ်ဖွဲ့ဆီက သိရပါတယ်။
စစ်ကိုင်းတိုင်း၊ ယင်းမာပင်ခရိုင်၊ တပ်ရင်း ၂၈ မှ ကျဆုံးတပ်ဖွဲ့ဝင် ၁ ဦးရဲ့ မိခင်ကို ရွှေထည်ပစ္စည်းတချို့ ဇန်နဝါရီ ၁၉ ရက်နေ့က ချီးမြှင့်ပေးခဲ့တယ်လို့ အဲ့ဒီတပ်ရင်းဆီက သိရပါတယ်။
“သူက အုပ်ချုပ်ရေးမှူးဖြစ်တာ ၁ နှစ်နီးပါးရှိပြီ။ စစ်ကောင်စီအလိုကျ စစ်မှုထမ်းကြေးကောက်တာ ၃ ကြိမ်ရှိပြီ။ ၁ အိမ်ကို ၃၀,၀၀၀ နှုန်းကောက်တယ်။ နေအိမ်ထဲစစ်ဆေးမေးမြန်းပြီး ဖောင်းဒိုင်း ၂ ချက် ပစ်ခဲ့တယ်။”
“သူစီးသွားတဲ့ ClicK ဆိုင်ကယ်ရယ်၊ ဆွဲကြိုး၊ လက်စွပ်နဲ့ နားကပ်ရောပါသွားတယ်၊ သိန်း ၁၅၀ နဲ့ ၂၀၀ တန်ဖိုးရှိတယ်။ သူက နည်းနည်းပုန်းတယ်။ ဆိုင်ကယ်လုတာမပေးဘူးပြောတော့ ဗိုက်ကိုဓါးနဲ့ ၂ ချက် ထိုးသတ်ပြီး ပစ္စည်းယူပြီး ငှက်ပျောတောထဲမှာသတ်ပစ်တာလို့ တရားခံတွေက ဖြောင့်ချက်ပေးတယ်လို့ ပြောတယ်”
"သူတို့ထွက်ပြေးလာတာကြိုသိလို့ ၂ ဖွဲ့ခွဲစောင့်နေတာပါ။ လက်နက်မချဘဲ ခုခံပစ်ခတ်တော့ တိုက်ပွဲဖြစ်တယ်။ သူတို့ဘက်က ၃ ယောက်ကျတယ်"
ယင်းမာပင်မြို့နယ်၊ ကျောက်မှော်ကျေးရွာကို စစ်ကောင်စီက ဇန်နဝါရီ ၁၉ ရက်မှာ လက်နက်ကြီးနဲ့ တတိယ အကြိမ်မြောက် ထပ်မံပစ်ခတ်ခဲ့တာကြောင့် ကျေးရွာအတွင်းရှိ ဆီစက်ဂိုထောင် ၁ လုံး မီးလောင်ပျက်စီးခဲ့ပါတယ်။
စစ်ကိုင်းတိုင်း၊ ရွှေဘိုမြို့နယ်၊ ကင်းဗျားကျေးရွာမှာ စစ်ကောင်စီစစ်ကြောင်းနဲ့ ဒေသကာကွယ်ရေးတပ်ဖွဲ့ တိုက်ပွဲဖြစ်ပြီး နေအိမ်နဲ့စာသင်ကျောင်းတွေကို စစ်ကောင်စီတပ်ဖွဲ့ဝင်တွေက မီးရှို့သွားတယ်လို့ ရွှေဘိုမြို့နယ်ပကဖ ပြန်ကြားရေးတာဝန်ခံထံက သိရပါတယ်။
“ ဒီမနက်တော့ နေအိမ် ၁၀ လုံး မီးထပ်ရှို့သွားတယ်။ ကျနော်တို့ မီးငြှိမ်းနေချိန် လက်နက်ကြီးနဲ့ပစ်လို့ ပြန်ပြေးခဲ့ရတယ်။ ရွာထဲမှာကျန်ခဲ့တဲ့ ဆရာတော်က သူတို့ကိုမေးတယ်။ ငါ့ရွာကို ဘာလို့မီးရှို့တာလဲဆိုတော့ လက်နက်ကြီးပစ်တာ ဒီရွာကနေဆိုလို့ မီးရှို့တာဆိုပြီး ဆရာတော်ကို ပြန်ပြောသွားတယ်။”
"သူ CDMလုပ်ချင်တယ်လို့ ဆက်သွယ်တုန်းကတော့ လက်နက်ပါယူခဲ့မယ်ပြောတယ်။ တကယ်တမ်းကျ လူပဲ ကိုယ်လွှတ်ရုန်းပြေးခဲ့ရလို့ လက်နက်မယူနိုင်ခဲ့ဘူး။ ကျနော်တို့ တပ်ရင်းမှာကို တပတ်လောက်ကြာတယ်။ အနွေးထည်မပါလို့တောင် ကျနော်တို့ ပေးရတာ၊ သေချာ ကျွေးမွေးစောင့်ရှောက်ထားပေးတယ်၊။ "
စစ်ကောင်စီစစ်ကြောင်းဟာ နတ်တလင်းမြို့နယ်၊ ဒမငယ်ရွာမှ ဆီဆုံကုန်းရွာကို ဇန်နဝါရီ ၁၆ ရက် မနက် ၆ နာရီခွဲလောက်မှာ ပျူစောထီးအပါအဝင် အင်အား ၇၀ ဦးကျော်နဲ့ သေနတ်ပစ်ဖောက် ဝင်ရောက်လာပြီး ကျေးရွာအတွင်းက ကိုကျော်ကျော်၊ ကိုမင်းထိုက်၊ ကိုသန်းဇော်ဝင်းနဲ့ ကိုချက်ဖောင်းတို့ကို ဖမ်းဆီးပြီး ၃ ဦးကို သတ်ခဲ့တယ်လို့ ဆိုပါတယ်။
"လူတယောက် ဝင်ထွက်လို့ရတဲ့မှန်တွေကို ရိုက်ခွဲပြီးထွက်တယ်။ ပုဆိုးသုံးကွင်းဆက်ပြီးတော့ အောက်ကိုခုန်ချရတယ်။ တင်ပါးတွေနာတာနဲ့ ကျောကုန်းမှာ ပုလင်းကွဲရှထားတဲ့ဒဏ်ရာ ရထားပါတယ်။"
“ကန်နီကနေ အပြန်ဆိုတော့ ကျောင်းကုန်းကို အရင်တွေ့တယ်။ အဲ့မှာ ကျောင်းကုန်းက နေအိမ် ၂၇ လုံးကို မီးရှို့ဖျက်ဆီးခဲ့တယ်။ ကျောင်းကုန်းက နေအိမ် ၂၇ လုံးကို မီးရှို့ဖျက်ဆီးပြီးတော့ အဲ့မှာ တဆက်တည်း သူ့ရဲ့တောင်ဘက်မှာရှိတဲ့ သံပုရာခြံက နေအိမ် ၃ လုံးကိုပါ တပြိုင်ထဲ မီးရှို့ခဲ့တယ်။”
Sharing Information to the Local