Sharing Information to the Local
စစ်ဆေးရေးဂိတ် ဒရုန်းနဲ့ဗုံးကြဲခံရပြီး ပျူစောထီး ၂ ဦးသေ ၈ ဦးဒဏ်ရာရ (ရုပ်/သံ)
ဒရုန်းနဲ့ ဖျက်အားပြင်း အီနာဂါဗုံးသီး ၂၀ လုံးပစ်ချရာမှာ စစ်ဆေးရေးဂိတ်က ဘန်ကာတွေပေါ်ကို ကျရောက်ခဲ့တာလို့ ပြည်သူ့ကာကွယ်ရေးတပ်ဖွဲ့-မြိုင်မြို့နယ် ရဲဘော် ဗေကြီးက ပြောပါတယ်။
Danger
ရွှေဘိုမြို့မရဲစခန်းနဲ့ တရားရုံး ဗုံးကြဲခံရပြီး ဗိုလ် ၁ ဦး ရဲ ၇ ဦးသေဆုံး (ရုပ်/သံ)
မြို့မရဲစခန်းကို ၈၁ မမ ဗုံးသီး ၂ လုံးကြဲချပြီး မြို့နယ်တရားရုံးကိုတော့ ၆၀ မမ ဗုံးသီး ၃ လုံး ကြဲချနိုင်ခဲ့တာမှာ မြို့မရဲစခန်းထဲက ဗိုလ် ၁ ဦးနဲ့ ရဲ ၇ ဦးသေဆုံးခဲ့တာလို့ ဗိုလ်ကျားရိုင်းပြည်သူ့ကာကွယ်ရေးတပ်ဖွဲ့ ပြန်ကြားရေးနဲ့ဘဏ္ဍာရေး တာဝန်ခံက ပြောပါတယ်။
၂ ရက်ကြာ ရွာရှည်တိုက်ပွဲမှာ စစ်ကောင်စီဘက်က ၆၀ ဦးသေပြီး ပြည်သူ ၇ ဦး မီးရှို့အသတ်ခံလိုက်ရ (ရုပ်/သံ)
မန္တလေးတိုင်း၊ မြင်းခြံမြို့နယ်၊ ရွာရှည်ရွာမှာ ၂ ရက်တာ တိုက်ပွဲဖြစ်ခဲ့ရာ စစ်ကောင်စီဘက်က ၆၀ ဦးသေ၊ ၇၀ ကျော် ဒဏ်ရာရပြီး စစ်အုပ်စုဘက်က ပြည်သူ ၇ ဦးကိုမီးရှို့သတ်သွားတယ်လို့ Myingyan Black Tiger-MBT မြင်းခြံခရိုင်တပ်ရင်း ၉ ထံက သိရပါတယ်။
ရေရှားပါးပြီး မသန့်ရှင်းတဲ့ရေတွေသောက်သုံးနေရလို့ ရဲဘော်၊ ရဲမေတွေ အရေပြားရောဂါဖြစ်နေ (ရုပ်/သံ)
"ဒီဘက်မှာတော့ ရေရှားပြီး မသန့်လို့ ကျန်းမာရေး ထိခိုက်မှုတွေဖြစ်နေတယ်။ ရေကခမ်းပြီး အောက်ခြေမှာက နွံတွေပါတယ်။ လက်ရှိသောက်သုံးနေရတာက ကန်ရေပဲ။ ရဲဘော်၊ ရဲမေတွေက အရေပြားတွေပေါ်မှာ အဖုအပိန့်တွေထပြီး အရေပြားရောဂါလက္ခဏာပြနေတယ်။"
လက်နက်ခဲယမ်း သယ်ဆောင်လာတဲ့ တွဲကားတွေ မိုင်းဆွဲခံရ (ရုပ်/သံ)
လက်နက်ခဲယမ်းတွေသယ်ဆောင်လာတဲ့ တွဲကားတွေဟာ မန္တလေးဘက်ကနေ ထွက်လာတာဖြစ်ပြီး မေ ၁၂ ရက် နေ့လယ် ၁၂ နာရီခွဲလောက်မှာ ကာကွယ်ရေးပူးပေါင်းအဖွဲ့တွေက မိုင်း ၈ လုံးဆွဲပြီးတိုက်ခိုက်ခဲ့တာလို့ ဗမာအမျိုးသားတော်လှန်ရေးတပ်မတော်-BNRA တပ်ခွဲမှူး ဗိုလ်စေတန်က ပြောပါတယ်။
MDF အဖွဲ့က Shar-Htoo-Waw နည်းပညာဖြင့် Fixed Wings Drone နဲ့ အီနာဂါဗုံးသီး ထုတ်လုပ်အောင်မြင် (ရုပ်/သံ)
"ကျနော်တို့က သင်တန်းတက်ပြီး ကိုယ်တိုင်ပြန်လုပ်ကြတာ။ ကျနော်တို့ ရဲမေတွေကို သင်တန်းပြန်ပို့ချတယ်။ Drone မှာတပ်တဲ့ အီနာဂါဗုံးသီးပါ ကျနော်တို့က ကိုယ်တိုင်ထုတ်လုပ်နေပါပြီ။ ကျနော်တို့ တိုက်ပွဲ ၇ ပွဲလောက်ဆင်နွှဲပြီးပြီ။ အောင်အောင်မြင်မြင်နဲ့ လုပ်ဆောင်နိုင်ခဲ့တယ်။ ကျနော်တို့က ပွဲမတိုးခင်မှာ ပိုပြီးသေချာတိကျအောင် လေ့ကျင့်မှုတွေအများကြီး လုပ်ခဲ့တယ်"
ကြေးနီတောင်ကထွက်လာတဲ့ ကြေးနီကားတွေကို တော်လှန်ရေးပူးပေါင်းတပ်ဖွဲ့က မိုင်းဆွဲ၊ ပစ်ခတ် (ရုပ်/သံ)
"ကျနော်တို့ မိုင်း ၅ လုံးဆွဲခဲ့တာ။ မိုင်းဆွဲပြီး ပစ်ခတ်မှုဖြစ်တာက ၁၀ မိနစ်ဝန်းကျင်ပဲကြာခဲ့တယ်။ ကျနော်တို့ ကင်းပုန်းအဖွဲ့နဲ့တွေ့ပြီး ပစ်ခတ်တာက မိနစ် ၂၀ လောက်ကြာခဲ့တယ်။ ၄ စီးမြောက်ကို ပစ်ခတ်တိုက်ခိုက်ခဲ့တာ"
မြင်းခြံ၊ ဆုံရွာ ပျူစောထီးစခန်းသိမ်းတိုက်ပွဲမှာ ဒေသခံပြည်သူ ၃၄ ဦးသေဆုံး (ရုပ်/သံ)
ဒေသကာကွယ်ရေးပူးပေါင်းတပ်ဖွဲ့တွေအနေနဲ့ အချိတ်အဆက်မိမိဖြင့် မြေပြင်၊ ဝေဟင်တွေကနေ ပျူစောထီး စခန်းတွေကို တိတိကျကျလေ့လာစုံစမ်းပြီး တိုက်ခိုက်ခဲ့တာဖြစ်လို့ အရပ်ဘက်ပစ်မှတ်တွေကို လွဲမှားပစ်ခတ်ခဲ့ တာမျိုး မရှိခဲ့ဘူးလို့ ဗိုလ်မိုက်ခဲက ဆိုပါတယ်။ ပျူစောထီးတွေအထိုင်ချရာ ဆုံရွာကို ဒေသကာကွယ်ရေးပူးပေါင်းတပ်တွေက ဝိုင်းဝန်းတိုက်ခိုက်နေချိန်မှာ ဆင်မီးခုံမှာ အထိုင်ချထားတဲ့ စစ်ကောင်စီတပ်ဘက်ကလည်း လက်နက်ကြီးတွေနဲ့ ပစ်ခတ်တာမျိုးရှိသလို ဧရာဝတီမြစ်ကမ်းမှာ ဆိုက်ကပ်ထားတဲ့ ဆီမီးခုံရေတပ် စစ်သင်္ဘာကလည်း ပစ်ကူပေးတာတွေလုပ်ခဲ့ကြတယ်လို့ သိရပါတယ်။
ကာကွယ်ရေးအဖွဲ့တွေက ကားနဲ့လာပစ်ခတ်လို့ စစ်ဆေးရေးဂိတ်က စစ်သား ၃ ဦးသေဆုံး (ရုပ်/သံ)
စစ်ဆေးရေးဂိတ်မှာ စစ်သားအင်အား ၅ ဦးဝန်းကျင်လောက် ဆက်ကြေးကောက်နေချိန် မေ ၉ ရက် နေ့လယ် ၁၁ နာရီ ၂၅ မိနစ်ဝန်းကျင်လောက်က ကာကွယ်ရေးအဖွဲ့တွေက ကားနဲ့သွားပြီး ၁၂ မိနစ်အကြာ ပစ်ခတ်တိုက်ခိုက်ခဲ့တာလို့ လျှပ်စီးတပ်ခွဲ (မုံရွာခရိုင်အမှတ် ၁၂ တပ်ရင်း၊ တပ်ခွဲ ၃) တာဝန်ခံကိုမိုးကြိုးက ပြောပါတယ်။
စစ်ကူလာတဲ့ကားနဲ့ ကြေးနီသယ်တဲ့ကားတွေကို တော်လှန်ရေးတပ်ဖွဲ့တွေက မိုင်းဆွဲတိုက်ခိုက် (ရုပ်/သံ)
ယမန်နေ့ မေ ၉ ရက် နေ့လယ် ၁၂ နာရီခန့်က စစ်ကူထွက်လာတဲ့ သံပြားကာကား ၁ စီးကို ချောင်းဦးမြို့အဝင်မှာ ၁ ကြိမ်နဲ့ ညနေ ၆ နာရီခန့်မှာ ကြေးနီသယ်ဖို့သွားတဲ့ တွဲကားတွေကို ချောင်းဦးမြို့နယ်အပိုင် မုံရွာ-မန္တလေး လမ်းပိုင်းတနေရာမှာ မိုင်းဆွဲပြီးပစ်ခတ်တိုက်ခိုက်ခဲ့တာလို့ ဘာမထီတော်လှန်ရေးတပ်ဖွဲ့ တာဝန်ခံက ပြောပါတယ်။
လက်လုပ်တွေနဲ့ တိုက်ပွဲဝင်နေရဆဲ အညာတော်လှန်ရေးအကြောင်းပြောပြတဲ့ ဗိုလ်မိုက်ခဲ (ရုပ်/သံ)
ဒီနေ့အခြေအနေရောက်လာဖို့ လက်လုပ်သေနတ်ကိုင်အညာတော်လှန်ရေးသမားတွေ ဘယ်လိုခရီးဆက်ခဲ့ ရသလဲ၊ တပ်ရင်းတခုဖြစ်လာဖို့ ဘယ်လိုကြိုးစားခဲ့ရသလဲ၊ သူတို့အတွက် ဘာတွေက အဓိကလိုအပ်နေသေလဲ စတဲ့အကြောင်းအရာတွေကို လက်လုပ်သေနတ်အများစုကိုင်ကို ကိုင်ဆွဲပြီး စစ်အာဏာရှင်ကို တော်လှန်နေကြတဲ့ Myingyan Black Tiger (MBT) ခေါင်းဆောင် ဗိုလ်မိုက်ခဲကို မြေလတ်အသံက ဆက်သွယ်မေးမြန်းထားပါတယ်။
ဒေသခံ ၃၀ နီးပါးကို ဖမ်းဆီးလာတဲ့ တပ်မ ၁၀၁ စစ်သားတွေ တိုက်ခိုက်ခံရပြီး ၂ ဦးသေ ၄ ဦးဒဏ်ရာရ (ရုပ်/သံ)
တပ်မ ၁၀၁က ကား ၃ စီးကို မြိုင်မြို့နယ်၊ ကန်တော်နဲ့ ကံသစ်ရွာအကြားမှာ မေလ ၈ ရက် နေ့လယ် ၁၁ နာရီ ၃၀ မိနစ်မှာ ၁ ကြိမ်၊ ကန်တော်ရွာမှာ ညနေ ၄ နာရီ ၁ ကြိမ် စုစုပေါင်း ၂ ကြိမ် ကြားဖြတ်တိုက်ခိုက်ခဲ့ပြီး ဒရုန်းဗုံးသီး အလုံး ၂၀ ကြဲကျခဲ့တာလို့ ပြည်သူ့ကာကွယ်ရေးတပ်ဖွဲ့-မြိုင်မြို့နယ် တာဝန်ခံ ဗိုလ်လက်ယာက ပြောပါတယ်။
မြစ်ခြေမြို့အဝင်ဂိတ်နဲ့ ရဲစခန်း ဗုံးကြဲခံရပြီး ရဲ ၁ ဦးသေ၊ ၄ ဦးဒဏ်ရာရ (ရုပ်/သံ)
မကွေးတိုင်း၊ ပခုက္ကူခရိုင်၊ မြစ်ခြေမြို့အဝင် ဂိတ်စခန်းနဲ့ ရဲစခန်းကို မေ ၈ ရက် မနက် ၉ နာရီဝန်းကျင်က ဒရုန်းတွေနဲ့ ဗုံးကြဲတိုက်ခိုက်ခဲ့တယ်လို့ Joker ပြောက်ကျားတပ်ဖွဲ့ ဆီက သိရပါတယ်။
မုံရွာမှာ PDF စခန်း မီးရှို့ပြီးပြန်ထွက်လာတဲ့ စစ်အုပ်စု ကြားဖြတ်တိုက်ခိုက်ခံရ (ရုပ်/သံ)
စစ်ကိုင်းတိုင်း၊ မုံရွာမြို့နယ်၊ ညောင်ဖြူပင်ရွာအနီးက PDF စခန်းကို မီးရှို့ပြီးပြန်ထွက်လာတဲ့ စစ်ကောင်စီအင်အား ၃၀ ပါ စစ်ကြောင်းကို ဒေသခံကာကွယ်ရေးတပ်တွေက မေ ၈ ရက်မှာ ကြားဖြတ်တိုက်ခိုက်ခဲ့တယ်လို့ သိရပါတယ်။
ကျောက်ထုမှာ ရှော့တိုက်ဒုံးနဲ့ပစ်ခတ်ခံရတဲ့ လေယာဉ်ကွင်းနဲ့ ရဲစခန်း ပျက်စီးမှုတွေရှိ (ရုပ်/သံ)
မေ ၆ ရက် မနက် ၈ နာရီ ၄၅ မိနစ်ကနေ ၉ နာရီခွဲအထိ ကျောက်ထုတိုက်နယ်၊ ကျောက်ထု အမြောက်တပ် ၃၆၈ ၊ လေယာဉ်ကွင်းနဲ့ ရဲစခန်းတို့ကို ရော့ကတ်ရှော့တိုက်ဒုံး အလုံး ၅၀ နဲ့ ပစ်ခတ်တိုက်ခိုက်ခဲ့ကြတာလို့ B.H.S.R.F တပ်ဖွဲ့တာဝန်ခံက ပြောပါတယ်။
နောက်ဆုံးရ သတင်းများ
08